[poem=font="Simplified Arabic,5,darkblue,bold,normal" bkcolor="firebrick" bkimage="backgrounds/19.gif" border="double,4,darkred" type=2 line=0 align=center use=ex num="0,black"]
على مبدا طلوع الشمس بعد انه تجـلا الليـل=تزاحمنـي هناديبـي علـى بالـي وهندبهـا
ويامر هاجسي صفت سراياها فصيل فًصيـل=فصايـل تنـزل الحصـه عمومـا يامدربهـا
يقوم الشعر للهاجس ويـأذن رفعـت التكميـل=ويزهم في بيوت الشعر حاضرهـا وغايبهـا
ومن حٍضرت تعدى يوم وان غابت يجيها الويل=جزاء ثابت على الصبه وتسأل عـن سبايبهـا
ويبدا هاجسي ينضم بيوته بيـن حـط وشيـل=ومن شانـت يخليهـا ومـن زانـت يركبهـا
على شان القصيده مايجي فـي قافيتهـا ميـل=ليا بعـدت معناهـا تـرى محـد(ن) مقربهـا
لقيت الشعر له دلة كرم مسمـار بـن وهيـل=ابقلط واشرب الدله علـى الطالـه وافوزبهـا
وان شاعر واميزهرجتي واترك كـلام القيـل=واللي ماقف مع الشعار غصب(ن) عن شواربها
الا يانفس وش نهر الفرات ويش نهـر النيـل=الايانفس شعـري بالمعانـي بحـر يرهبهـا
اذا ماركب الحكمه بطرق الشعـر بالتفصيـل=اكـب الشعـر وطروقـه نهائـي واتجنبهـا
على سلم الرجال الطيبه شقيـت نفسـي حيـل=وابه شجعان تغلبنـا وابـه شجعـان نغلبهـا
وامد الطيب لأهل الطيب مامديت مـد بخيـل=عوايدنـا نعيشبـهـا عوايـدنـا نموتبـهـا
سلوم القوم فالدنيا توارث جيـل بعـده جيـل=واشوف ان الاوادم فالزمـن كثـرت مذاهبهـا
ترى كل(ن) على رزقه ولا واجـد ولا تقليـل=لكن الناس في دنيـا الطمـع شبـت شبايبهـا
تراها فانيه دنيـا العنـا والضيـم والترحيـل=عسى ربي يكافينا مصايـب مـن مصايبهـا
وانا مومن برزقـي واتدبـر محكـم التنزيـل=بقول الله رب البيـت سيـروا فـي مناكبهـا
هذا قولي ولافكرت انا فـي باخسيـن الكيـل=ولاابغاهـا تحاسبنـي وانـا مانـي محاسبهـا
مادام اني ولد حلحيل ابن حلحيل ابـن حلحيـل=ابى احماها وموجبهـا يضيـر فـوق سالبهـا
[/poem]
رد مع اقتباس
المشاركة الأصلية كتبت بواسطة سعد بن فراج العريدي
[/align]
