بسم الله الرحمن الرحيم
[poem=font="Simplified Arabic,5,crimson,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black"]
العام عقبان السرب بالبشاره = قامت تباشر والعلوم وصلني
واليوم غرّتهم بشوت الاماره = كل ٍ على الثاني حروبه تشني
جيوش وخيول ومسابير غاره = وسيوف ورماح وطبولٍ تدني
اللي كسبها بالذكا والشطاره = واللي على جرحه لرمحه يسني
يا شيخ قوم ٍ يحجب الوقت ناره = أصبحت ما بين العلو والتدني
تلبس ثياب ٍ للعرب مستعاره = وامسيت بخضاب الهوان متحني
بدّلت عن وجه الحيا والنعاره = وجه ٍ تحته اطراف جسمك توني
وانته منوّل شيخ يعسف مهاره = لا لاح برّاق الحرايب مقني
يحفظ حقوق الضيف ويعز جاره = وتطيب عين اللي وصله متعني
واليوم ضاعت هيبته واقتداره = أصبح لحون ٍ بين مطرب وفني
لكن يا شيخ الفلس والثواره = يا جعل ظنك ما يوافق لظني
لعبوا بك اللي بين جحر ومغاره = وانته على عامي نظرهم تغني
الثوب لو ضيّق تقطع زراره = ويبين شي بالضماير يكني
لكن انا ما عندي الا عباره = للجاهل اللي بالهروج امتحني
الحرّ يفهم من رموز الاشاره = والذيب يخشى صورته كل جني[/poem]
وسلاااامتكم