[poem=font=",6,darkblue,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
اسبريني يالمشاعر واشرحي لي كيف فرقى؟؟=صاحب له في حشا قلبي تعاليق ووثايق
صاحبن يسري مع الهاجس سرق لي شي سرقا =كلماهبت هبوب فاح ريحه بالعبايق
سارقن قلبي كما طيرن تعلى فوق مرقى=كايد ياذيب تاصل كود لك عشر الدقايق
مايضيرك كون بعض الناس تنزل وانت ترقى=شاعرن يشرب نميري كل ابو جد الخلايق
شجْرتي يوكل ثمرها وشجْرتك ياهيه ورقى=ماهو من زودك عليه لكن الدنيا وفايق
ماهو عيب كون بحرن والسفينه فيه غرقى=كلمايرفع لي موجن زدت له حب وشفايق
من كثر مادار راسي مغرّبن والدرب شرقى=حت للدكتور قالوا لي الحقيقه غير لايق
اظلمت دنياي لكن لاح لي فالافق برقا=رحمة الله مايردك عنّها ياكود عايق
مالي الا حيلتن هي دمعتن فالليل،، زرقى=ياالله إني طالبك تفرج عن العبد الضوايق
إن ذكرت الله وصليت الفروض بدون قرقى=ينفرج همك ولالك حينهاغير السبايق
[/poem]
سعد بن عثمان العثمان