[align=center] حديث النفس [/align]
الى غرابيل المنتدى .. والاعزاء في غرابيل .. وقد أنهيت الالفية الاولى من المشاركات .. بكل الحب أهدي هذه المشاعر ..
[poem=font="Simplified Arabic,5,white,bold,normal" bkcolor="purple" bkimage="" border="none,4,gray" type=1 line=0 align=center use=ex num="0,black"]
ياحديث النفس وش عاد باقي لك تقول = كل كذبه قلتها لي وانا صدقتها
كل ساعة وانت في عقلي الباطن تجول = ترسم الآمال عندي ولا حققتها
ياحديث النفس مالك محطه للوصول = صفحة التاريخ في خاطري شققتها
لو شرحت الوضع شرحك على مثلي يطول = والجروح اللي دواها معك عمقتها
لك مؤشر يستحي كل ماحل النزول = لين حالات الشقاء والحزن رافقتها
ترسم الاحلام في ليل مضميه الذهول = سقت لي فنجال حسراتك اللي ذقتها
كل ماقلت انتهى الحب دنا لي رسول = ذكريات الماضي اللي زمان احرقتها
وانتهي في عالم اللوم بارك للحمول = ماسبقت الريح بالفكره اللي سقتها
وارتكى في خاطري هم عرض وهم طول = والدروب اللي وسيعه علي ضيقتها
مهرة الافكار في راسي القاسي جفول = ماتوديني على مطلبي واعتقتها
ماتعلمت النذالة ولا دق الطبول = كلمتي بالحق بيضاء لهم وثقتها
راقي التفكير ماهمني هرج الخبول = والمراجل شوقتني وانا شوقتها
ماشربت الكاس وارخيت راسي للجهول = تمرق الكلمه بسمعي ولا دققتها
عن كلام العي حطيت في سمعي قفول = والمبادي في حياتي كذا طبقتها
لي مع الايام وقفه عساها ماتطول = كل ماجتني تبي عزتي غلقتها
ارتفع يم الثريا الى شفت العذول = والشراره قبل ماتنتشر طوقتها
وردة الاحلام فيها علامات الذبول = فارقتني روح روحي وانا فارقتها
يوم لاقيت السعاده لها وجه ٍ خجول = كم دعتني للصداقه ولا صادقتها[/poem]