لسلام عليكم ورحمة الله
أحبتي أعضاء منتدى غرابيل
اليوم انا جايبة قصيدة أتوقع أكثركم يعرفها
لكن أنا أبي أعرف من صاحب القصيدة
أرجوكم اللي يعرف صاحبها يذكر لي اسمه
ولكم مني جزيل الشكر
ودي أموت اليوم وأعيش باكر
وأشوف منهو بعد موتي فقدني
ومنهو حملني الين ذيك المقابر
واشكر انا كل من كرمني ودفني
بشوف يعزيني أنا كم شاعر
ومنهو تركني وما كتب شي عني
وشخص تأنى لي مع انه مسافر
وشخص قريب وأنا ميت طعني
وشخص يمثل دمعته وماهو قادر
وشخص تطيح دموعه كل ما ذكرني
ومنهو من أهلي في العزى كان حاضر
ومنهو دعالى في صلاته ورحمني
ومنهو بنا باسمي سبيل ومنابر
ومنهو يفز قلبه الى من لمحني
ومنهو عشاني طول الايام ساهر
ومنهو ثلاثه ايام راح وتركني
ومنهو بيرتب غرفتي والدفاتر
وان شاف صوره لي مات وحضني
يالله عسى ما تخفى كل المشاعر
ويالله عسى ما ينصدم يوم ضني
خايف يروح العمر واكون خاسر
وان طار طيري ما يفيد التمني
وخايف يجيني وقت اكسر خواطر
إن دارت الدنيا وزماني كسرني
ومدام هذي الدنيا صارت مظاهر
وكل من على كيفه وجوه يغني
صحيح مسلم لكن الهم كافر
كل ما جيت اضحك يهددني حزني
الضيق وافي والحزن حيل وافر
والجرح اكثر شي شفته يحبني
عايش وميت بين ماضي وحاضر
والصبر مفتاح الفرج ضاع مني
قل وش تبي وتتركني يا حزني أمر
مسكين فرحي تصدق انه وحشني
شاعر ولكني ماني بشاعر
ودي أموت اليوم وارتاح مني