السلام عليكم ورحمة الله وبركاته
صباحكم ممزوج بالابتسامه . وممتلي بالطمأنينه . ومحفوف بالود والمحبه
يعني صبااااااااح الخير ...
اتمنى ان تنال على اعجابكم.
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=3 line=0 align=center use=ex num="0,black""]
موت ن قهر يالابسات الخلاخيل=فلانه ترى محد ن وصل مستواها
ام العيون اللي هدبها مكاحيل=الناعمه والطاغيه في حلاها
هي شمعتي لامن غطاني الليل=معسولة ن كن العسل من شفاها
اسهر ليا غابت واجر المواويل=والشوق يذبحني شغف في هواها
وهموم صدري والعنا والغرابيل=اليا اقبلت راحت وروح عناها
شيهانة ن ماهيب وسط المحابيل=ياكثر عقبان السماء في سماها
ام الحلا وام الرموش المضاليل=ريمية ن ماتنلحق في فلاها
قناصها قلبي وانا يمها اخيل=براق حب ن دافعي في غلاها
ياوردة ن تنبت على طارف النيل=في جنب جاله دوم يسقيه ماها
ياحلى من الرمان ياريحة الهيل=ياصورة ن متكامله في بهاها
في ثغرها لمع السيوف المصاقيل=وفي نحرها لمع البروق وضياها
وفي ذكرها زان السهر والتعاليل=وارض ن بها ودك تقبل ثراها
[/poem]
اخوكم/
محمد بن غالب
على دروب الود نلتقي
..
رد مع اقتباس
