[align=center]السلام عليكم ورحمة اللة وبركاتة
من الارشيف
اتمنى ان تعجبكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
يا بحور القصيد ويا قوافيه=ساعديني تراني ناويٍ نيّه
ناوي امتّع الجمهور واطربها=دبلوماسي وعندي دبلوماسيّه
والقصيد ان كتبته ما يخجلني=شاعرٍ جنّي وفالراس جنيّه
لي مع الشعر والشعار ميقافي=احتمي موقفي لاكبرت الهيّه
ولا عليّه للو الإعلام ما انصفني=دام ماله نحيّه مالي نحيّه
المهم الشهاده جات من غالي=قال حي القصيد الجزل يا حيّه
بعدها ما كتبت ألا على شانه=لو بتزعل علي كل السعوديّه
حي حكيه وحي اعيونه الزينه=وفدوةٍ له عيوني ذيّه وذيّه
اطرق الشعر لعيونه واغنيبه =ما بقا ألا البحور الانجليزيّه
وأن بغى لانجليزي يمكن اسوّي =لي بويتات لو هي طاق طاقيّه
سافرت صوب جده يا اللة الخيره=واتركتني ما بين الشمس والفيّه
في الرياض آتلفّت في شوارعها=واطلب الله متى ياتيبها ليّه
جادلٍ نورها نوّر بحارتها=في عيوني وانا عيوني شقاويّه
توّها تدخل العشرين ميلادي=دلّعتها امها ثم جات عفويّه
حبها في ضميري بانيٍ دوله=دولةٍ مستقلّه واقتصاديّه
هي ملكها وهي القايد الأعلى=ويش لي فالمواضيع السياسيّه
ارجع لحبها وارجع لسيرتها=وارجع اختم بها قافي على ايّه
لاحد يلومني قدّام اخلصها=البنيّه طفوليّه طفوليّه
بري حالي وانا بلاّ كذا عايش=بين نار الفراق ونارها الحيّه[/poem][/align]