[align=center]اخواني الكرام اليكم هذه القصيدة المتواضعة
التي اتمنى ان تنال اعجابكم[/align]
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=3 line=0 align=center use=ex num="0,black"]
بعد ما حرك مدار الفكر منطوقٍ جذبته من صريح اهجوسي = ثم كونها عسى واعيه من باب الامانه منطقي يقرابه
من جنابي يافطين البال وجهته جوابٍ ماعليه البوسي = غير تعبير الموده في مغازي شاعرٍ مايختلف هندابه
ثابتٍ عهده على ركنٍ شديد بقوته مثل الجبل مغروسي = مومن بالله والاسباب بالمنطق تزيل امتن جبل بترابه
ويش يعني حين اقول المنطقي مازلت عن واش البشر محروسي = كل ذا لعيون غاليٍ قمة التقدير عالي خافقي مرقابه
والله اني ماحسبت ايطيب شفي من ربوع الطائف المانوسي=او يصد القلب عن حبي لبوراكه وشعبان القراء وهضابه
دارة الدنيا ولعب الدور فيها ناحت ينحت بسن السوسي = واهل العقل الصحيح بحسن ضن يجانبون مناقش الكتابه
ذي حقائق في حياة المرء لايمكن يكون اشعارها مطموسي = صورةٍ مرسومها نحت الحجر باظخم صخر من مدفع الدبابه
واقع يرتج من هوله حكيم الراي لو صفه صلايب روسي = ذكره طاريٍ حياله كل ماذكر سود الله وجه حيٍ جابه
يانسيم الصيف هبيها قصيدة حب ماحرك قريحتها تغنج بوسي = ورسميها في سجلات الهوا صدمه على دكتور فيها ما تطب اطبابه
وضربي دفٍ ثقيل الغصب نلعبها على لعابة المربوع والمنكوسي = لين يروي لهفة العشقان والظامي عليها كل حاض اصرابه
غن ياحس المشاعر في دواعٍٍ جرها سلك الحرير وجرت المحبوسي = ودع ربك كل ماتذكر عسى يبقى الحبيب إحبيبٍ لحبابه
ياعسى من لايعرف العلم قبل الفوت حض خفيف النادوسي = كم لزمت الصمت صابر ماكفاني ليت ياصل لسؤال اجابه
آه اقوله مابي الا حشمة الطيب حوايط صد للمنحوسي = ان تركناها عزيزه ون سكتنا ما منعنا من هريش اكلابه
مايقف دون الحلوق الا اليدين وغيرها مافيه لاواضح ولامدسوسي = عاهدك بالله يانفسي لثبت موقفي حتى تصحح كلمةٍ كذابه
سير ياساقي على قدام ون مريت داعٍ للمخاطر دوسي = ثم قل حسبي على اللي ثايرة تيار فكري سبته وسبابه
وسترح يافكر راسي ثم قل للناس فالمغيوب والمجلوسي = للنقاش وبالامور الثابته والصدق مابه شك رايح تصمت العيابه
والعزيز يعز نفسه مايرام المنزل الهابط على نقارة الناقوسي = تكفي الامجاد دقٍ عزته تنمو فخر في ظل عز اشنابه
والحقيقه في كثير احيان مره مايميزها فؤادٍ جوهره ملحوسي = لا يخاطبني فطين احساس ما حرك سواكن في بليدٍ بقنعه بادابه
يسئل المنكر نتائج شاهدٍ قبل الملا بالواقع المحسوسي = يشهد الله ماسمعت بذالك الاحيان مقصودي على الواجب يحث اركابه
غيب التاريخ ذكره وكتفيت انا وغيري والحياه امارسه ودروسي = واصدر التقرير للمسكين لايمكن على العالم يشرع بابه
اخر الدنيا نصدق صار للخفاش ريش مرونقٍ كأنه الطاؤسي = اونصدق يمكن الثعلب يفكر في مواريد النمور يمجده مخلابه
والثنا لله ربٍ مدني صدق البيان الواضح الملموسي = عد ما خط القلم سطر الورق وعداد ماغرد حمام الغابه[/poem]
[align=center]عواض بريكان الشلوي[/align]