ياهلا
ياهلا ببنت الكـــــــرام الأجوديه الأصـــــــيله
يــــــــــاهلا بنبع المحبه ونــــــسمة العشق وهواها
يــــاهلا باللي غــــــلاها كـــفتَّه بقلبي ثــــقيله
لوعـــــشقني ألـــف قلبٍ مايــــــوصَّل مســـــتواها
يــــاهلا برمز الــــصداقه الــــوفيَّه الجـــــميله
ياهلا بأسباب فرحي وضحكة عيوني وهناها
لو ألـِف الكون كـــــــــــلَّه ماألآقي لك بديله
وكيف أبدِّل من غـــــدت للروح بلسمها ودواها
ولو أدور وسط مليون ماألاقي لك مثيله
ومنهُ مـــــــثلك يــاحياتي في كرم حُبها وعطاها
بإختصارالحب عندي كلمه مُدتها طويله
تسوى كل أيـــــــــام عمري واحسبي إنتِ مداها
والضلوع اللي بصدري تعترف إنك خليله
تـــصرخ بكلمة أحــــــبك وتملي هالدنيا بصداها
وهــــــــــالمراسيل اللي بين إيديني كل لــــيله
هي مراسيلك يـــــاروحي أسهر لوحدي معاهـــا
وفي النهايه باقي كلمه ولاتـــقولي مستحيله
أحلّفك باللي خــــلــق أرضـــــــنا هاذي وسماهـا
لوتموت كل المشاعر والأحاسيس النبيلــه
صدقيني بيبقى حــــــبك زهره فـواحه بشـــذاها
ولو فديتك بحياتي بقول في حقِّك قــــليله
إنتِ يــــــــــاأجمل قصيده إحساسي وقلبي قرآها
ملكة الإحساس
رد مع اقتباس
المشاركة الأصلية كتبت بواسطة mmss
