قبـل الـوداع وملتقـى دمعـة العـيـن
تخيّـل المـوقـف تـرانـي بـوادعـك
أصعب لقى يجمـع علـى الـود قلبيـن
لحظة فراق اللـي لـه أعـوام جامعـك
فـي ذاكـرة شاعـرك جملـة عناويـن
يخـاف يذكرهـا وتصحـي مواجـعـك
حطيت لك فـي داخلـي سـور برليـن
من خوف شخصٍ ياصلك وسط موقعك
أجـدد الذكـرى مـن الحيـن للحـيـن
وأنته تناسانـي علـى شـان أطاوعـك
كم ليلـةٍ راحـت ورورد ورياحيـن
أهيـم بأحلامـي تقـول إنـي أسمعـك
وأشوف طيفـك بيـن خضـر البساتيـن
وأخاف لاأسمع صوت حـيٍ يقاطعـك
تشـوف حالـي كنهـا حـال مسكيـن
دايـم خيالـي مسرجـه فـي مرابعـك
يامـا سهـرت الليـل مثـل المساجيـن
وأظـن دايـم مطلـع النـور مطلـعـك
يومـك تجينـا كنـت ضـد القوانـيـن
مـدري وش اللـي يمّنـا كـان دافعـك
واليـوم حالـك ويـن ومهايمـك ويـن
كـنّـا جمـيـع وفرقتـنـا مطامـعـك
آخـر رسالـة بيننـا قـبـل يومـيـن
كتبـت بأخـرهـا تـرانـي مـوادعـك
للشاعر: محمد الحنتمي ...
قصيده بعض أبياتها معبره جداً ... اعجبتني واتمنى تعجبكم ...
تحيتي ...
رد مع اقتباس
المشاركة الأصلية كتبت بواسطة أنـ الذكريات ـين
