السلام عليكم ورحمة الله
أعزائي.. لكل قصيدة مناسبة...وإليكم مناسبة هذه القصيده:
والدي شاعر..أصيب(بجلطة خفيفة مرت بسلام ولله الحمد)ولكن وللأسف الشديد
لم يستطيع بعدها كتابة الشعر.. حفظه الله وإياكم من كل مكروه
ولما أخبرني بذلك قلت له سأكتب لك قصيدة تغوص في بحر شعرك فتثير قريحتك وتكتب لي أجمل مما سبق وكتبته...
قال أكتبيها وسأحاول..ولما وصلته قصيدتي.. أتصل بي وأعتذر عن الرد..سألت الله له العافيه
والعمل الصالح خير من الشعر..
ولكنني لا أخفيكم فقد ندمت على كتابة هذه القصيده لأنها قطعت أملي عما تبوح به قريحة والدي الجزله..
إليكم ماكتبته عسى أن ينال إستحسانكم:
[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سحاب(ن)تراكم شوفته تطرب العمسان=تسابق رعوده والمطـر هـلّ ودانـي
تكاشف بروقه هيّضت قلبـي الولهـان=على شوفكم يابـوي بالحييـل ولهانـي
أبي شوفكم يابوي وش حيلة العجـزان=ولالـي جـدا غيـر أتمثـل بقيفانـي
ولاطاعني غير القلم والقصيـد ألـوان=إلى ضاق صدري سار لامري اوجداني
أبرسل قصيدي لك واسجل على العنوان=فديتك يبه ابغى قصيـده علـى شانـي
أبي لي قصيده منك يالشاعر البطـران=قصيـده جديـده ماتغنتهـا الالحـانـي
قصيدك هو الماء اسقني يايبه عطشـان=فديتك أناضامـي لشعـرك وعطشانـي
الايابعد من سار في سايـر الاوطـان=الا يابعـد روحـي وربعـي وخلانـي
أنالاطلبتك مابعـد قلـت لـي غلطـان=ولا انسى دلالك لابكت يومـك اعيانـي
أبيها قصيده تدق فـي عالـم النسيـان=أبيهـا لجيل(ن)بعدنـا مابعـد كـانـي
أبيها حِكَم مـن شاعـرٍ بـارعٍ فهمـان=حكيـمٍ يعـز الجـار وِيزبّـن العانـي
حليمٍ حبيـبٍ عـادلٍ يكـرم الضيفـان=يحل المشاكل سمعتـه تمـلأ ألـَـْوطانـي
أنا لو زرعت الشعر في مدحكم بستان=ولو ان البحر حبر القلم جيـت بالثانـي
ولكن مقصر واعذروني على النقصـان=(وماقـلّ دلّ وزبـدة الهـرج نيشانـي)
وختام القصيده في رجا ربي الرحمـان=يطول لنا عمرك وتقصد علـى شانـي [/poem]