[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما عاد به عرق فيني يحتمل كذبك=وما عدت أنا اللي تصون الحب لعيونك
تقول ما فيه بنتٍ غيري تعجبك=وأنته كثير وكثير اللي يعجبونك
ما كنّي أشوف غيري ماخذٍ قلبك= وما كنّي اسمع كلام اللي يحبونك
ما دام غيري يقاسمني الغلا وحبك=أحسن لي اعيش باقي العمر من دونك
كنت انتظر تسقي الخفّاق من عذبك=والله يجازيك ما قصّرت في طعونك
طعنتني في الحشا ما خفت من ربك=على جروحي تغنّي اعذب لحونك
اببتعد واتركك خلك على دربك=والله ما أسألك كيف الحال وشلونك
ناظر شمالك جنوبك شرقك وغربك=ما دامك تخون ,, كل الناس بتخونك
ضيعتني من يدينك يا كبر ذنبك=دوّر على غيري أحدٍ يقدر يصونك
وإن كان به بنت غيري صارت تعجبك=بكرة يجي غيرها ناسٍ يعجبونك
وأنا تركت الغرام اليوم من كذبك=وإذا كتبت الشعر ما هوب لعيونك [/poem]