[poem=font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
زفراتي البيض ماتُبْدِي مُعَانَاتِي=وانا ليا ضاق صدري بالتحيّاتِ
سجدْت للّي يناظر لي ولاشوفه=والله عليمٍ بما أُخْفِي بنيّاتي
أرمي نواياي خلفي طيب ومروّه=وخوفٍ من الله يعاقبني بنزْواتي
ألقى النوايا تأشرْ لي على دربي=ومعها بيدْها من المولى شَهَاداتي
بذرٍ بذرّته حصدته دون ما أتعب=أثبت لي إن السعادة في صَلاَوَاتي
عذراً ..! ولكن أبسألكم على حاجه=يجيني الجنْ لاطوّلت سَجْدَاتي
يُوَسْوُسْ بقلبي المخضرّ ويلوفه=وتسمع لي الناس بالسجده مَهَاتَاتِ
تحسبني أطلبْ وأنا أَدْعِي على الشقرا=يالله عساها تكون بصفّ الأمواتِ
لَنْهَا خذتني وحبّتني وانا صغيّر=يوم إن عظمي كما غصن النباتاتِ
ومن بعد مافقت عشرين السنين أقْفت=وخلّت لي الحزن من أكبر محطاتي
ماوكّلت لي سوى دمعاتي الشمّخ=تنزل كما صخرةٍ من فوق وجناتي
حتى أصبحت هالخدود السمر محفوره=كواديٍ صبّ من عيني إلى شفاتي
من شاف حالي بكى من هول ماينظر؟=وشلون ,,؟ .. لو جرّب المسكين مأساتي!!
قَسَمْ بربّ العباد العصيّ والركّع=لو كان همّي على ضلع السَرَوَاتِ
يمديه طااااااح وعوى ذيبه على الحِصْنِي؟=وشلون؟ لو جِبْتْ آهاتي وسيّاتي!!
لو جبتها .. والولي لاتشوف ماشفته=وتُصْبِحْ لك الخلق متعوّذ وشمّاتِ
هذا القليل وكثير الهرج ماينفع=ودّي أفضفض وأحقق كلّ رغباتي
تكفون قولوا لخلّي يستمع مرّه=النزف شعري وأبيه يفسّر أبياتي
ماهو تحدّي ولكنّي تعبت أركض=خَلْفَ الحَبِيْبَ المُخَبّأْ فِي عَبَاءَاتِي
بيته قفص من عظام ومشربه دمّي=ياويييييييييل حالي على قلاّت حِيلاتي
لااقدر أفكّه يطير وماأبي غيره=يكفيني فخرٍ بأنّه من طموحاتي
إن قلت أحبّه خذتني عزّة الدنيا=وإن قلت مابيه جدّدْ لي مُعَاناتي
أرجوك يامَنْ سكنت بعيني وقلبي=يامن جعلت الصراحة من مروّاتي
لاتزعل إن زِدْتْ بعتابي على فعلك=ولاتزعل إن زِدْتْ بالأيام شَرْهَاتي
بكره تشوف بعيونك كلّ ماقلته=وبتِْجِيني تقول : سامحني بغلطاتي ..!
بسامحك ,, لَنْ عرش القلب يهمس لك=يقول بالنبض : مَوْلاَتِي ..... يامَوْلاَتِي !!
ماخون لو خِنْت ولو تجرح أنا مَجْرَحْ=وإنْ ضَامِكَ الوقت بِتْشُوفِين فزعاتي
وإنْ ضَامِكَ الوقت بِتْشُوفِين فزعاتي[/poem]
رد مع اقتباس
-new.gif)
المشاركة الأصلية كتبت بواسطة محمد الروقي
