السلام عليكم ورحمة الله وبركاته

كل الجمهور يتسائل ليه صفقات الاجانب تأخرت كل ذا وقت ؟ أو على الاقل ليش مافيه اخبار مفاوضات مع لعيبة زي الهلال و الشباب و الأهلي .. أنا اقولكم ليش :

لو تلاحظون في الاتحاد السنوات الاخيره كنا نسمع عن اخبار مفاوضات الاتحاد سواء في الجرائد او المواقع او غيره اما السنه هذي ما سمعنا ولاشئ ولا خبر , انت لو تشغل مخك شوي , لو الاتحاد كان يتفاوض مع لعيبه كبار او معروفين او كويسين كان سمعنا الاخبار من كل مكان و كان طلعت اخبار المفاوضات في كل مكان لان اللاعب اللي نفاوضه لاعب كبير ولاعب معروف مثال - ( دي سوزا ) .. لما كنا نتفاوض مع دي سوزا طلعت صحف برازيليه بهذا الخبر وكلنا بعدها عرفنا لانه سوزا لاعب كبير و جيد هناك في البرازيل فمن الطبيعي ان اخبار مفاوضاته تتسرب لكن لو كانت الاداره تتفاوض مع لعيبه مغمورين مثال - ( ساندرو ) محد راح يعرف لانه لاعب غير معروف , زبدة الكلام كله أنا استنتجت من الوضع الحالي أن الاتحاد راح يتعاقد مع لعيبة من نوعيه ( رخيص وكويس ) وهذي النوعيه ما راح تفيدك ولا تقدملك شئ , شفنا اللعيبه الكبار زي كالون وتشيكو جابولنا كأس اسيا وكان دورهم كبير جدا في البطوله وشفنا سوزا لما جا الاتحاد بدع وشفنا برونو سيزار مع الاهلي مبدع واي فاول يشبكه , الاعب الغالي سعره فيه حطوا ذا الكلام براسكم والاعب الغالي يطلعلك وقت المباريات الصعبه شفنا سوزا مع جوانزهو كيف دخل هدف التعادل الاول بعد دقيقه من الهدف الصيني .. هذي النوعيه هي اللي تجيبلك البطولات .. وعلى فكره تدرون أن كالون قبل ما يجي الاتحاد كان يلعب في أنتر ميلان :j:j








كلمله اخيره :

^^ هذي اللعيبه اللي تجيبلك آسيا و توصلك كاس العالم :::05::: قال ايش قال ساندرو هههههههههههههه وينك يا منصور بس :::05:::