[poem=font="Simplified Arabic,6,white,bold,normal" bkcolor="purple" bkimage="" border="none,4,gray" type=1 line=0 align=center use=ex num="0,black"]
عشق الاطلال
جتني تعاتبني وتشكي لي الحال = من ناسها اللي بالحياه اظلموها
ماشفت غير عيونها من ورى الشال = شيهانةٍ عن طلعها برقعوها
لفوا على الكفين والعنق سلسال = متشربكه من بعد مامات ابوها
عقب العنايه عرّضوها للاهمال = اللي خذوها عندهم هملوها
جابت لي الضيقه على ضيقة البال = وهي عليها دروبها ضيقوها
مادامت أيام السعاده على حال = لاقرّبت بعض العباد ابعدوها
شف مابقى في دارهم غير الاطلال = ماكن هاك الطيبين انزلوها
ارضٍ يذكرني بها عشق الاطفال = لاحبابهم 0 والعابهم مانسوها
وكبرت00وصار الطفل شايب ورجال = وأحلامهم ماتت ولا حققوها
وعاشت بروحي بين حلٍ وترحال = لو دوروها وسط قلبي لقوها
وبعد الفراق ولاطرالي على البال = في حفلةٍ بعض الضيوف احضروها
جتني تقول البعد والحب قتال = والنفس في حكم العذاب اعدموها
وجريت من بين المعاليق موال = صرخة وكل الحاضرين اسمعوها
قلت اعذروني مامعي حيل واحتال = أحلامنا بعثت بعد مادفنوها
أما افزعوا لي واتركو بعض الاقوال = وإلأّ عليّ الفاتحة رددوها
تحياتي جمعان الرشيدي [/poem]