قصتنا انا وغريبيييل يوم كنا عزوبيه ........
انا وغريبيل عزوبيه مستاجرين لنا بيت طين في ام سليم في الرياض …. كل يوم الاكل على واحد … وكان العشى علي يوم طبخه وجبته اليينه حار … وكانوا قاعديين في الروشن … قال غريبيل خله في درجة الروشن يكج عليه الهوى الين يبرد… يوم جيت احطه على الدرجه … زل العشا وانكب في الدرجه وهو حار و من يوم انكب العشى وانا طايح في الارض مثل الجثه …ما اقدر اتحرك … وقعدت ثلاثة ايام وانا على هالحاله لاحي ولا ميت … وبعد ثلاثة ايام مادريت والا والجن قابعين بي … يبون يحاكموني … كان ماسكني اثنين منهم قطعت انا واياهم مسافة مهيب بسيطه … سالتهم وين بتودوني … قالو بنوديك لمحاكم الجن … قلت وين هالمحاكم فيه قالوا في الجبيله … وما امداني اغمظ عيني الا وهم يقولون وصلنا الجبيله … وفي مدخل الجبيله كان فيه عجوز جن قاعده تسف … يوم مرينا من عندها قامت وتبعتنا … ودخلنا المجكمه ودخلت معنا … يوم دخلت المحكمه الين ذاك الجلد الطويل المدد في الارض … قال القاضي لي انت عارف ياحمد انك ذبحت هالولد وحرمت اهله منه … قلت لهم والله اني ماذبحته والله اني مادريت عنه … وكانوا اهله قاعدين قبالي وساكتين ولا واحد تكلم منهم … قال القاضي انت مسمي والا ماسميت … قلت والله اني ما ادري بعدين انا ماقصدت اكبه عليه وما دريت عنه … وقبل مايحكم القاضي … قمزت العجوز وقالت … انا اشد بالله وبين ايديه ان جدته سهاده تسمي عليه كل مغربيه … و بعد شهادة العجوز … ناظرني القاضي وقال للي جابوني ودوه لمكانه الي جبتوه منه … يوم حطوني اليين عبدالله اخوي يغسل فيني هو وجارنا يحزبوني ميت
تحياتي الشاااااااااااااااااااااا امخ :D
ابو دح دح |4|
رد مع اقتباس
