,’
,
في مهل.. طفّت من (إشموع العمر) شمعة كآبه
..................وإبتدى دخّانها يخنق تفاصيلٍ حزينه
/
خوف.. يتعدى حدوده ناويٍ حد الحرابه
.........صمت ..يفرض سيطرته بكل أرجاء المدينه
\
بين ..[ يايبقى معاي الهم يايطوي زهابه]..
..............أنتظر هالحظ وشهو جايبٍ لي في يدينه
/
من لمحت الحظ مضوي يبتسم حظرة جنابه
...............قلت والله إنّك النور الذي شع بْجبينه
\
لايهمك وجهي ( الشاحب) ولاوحي الإصابه
.............المهم إنتي كما رحتي رجعتي (ياسمينه )
/ بس أفضفض صدقيني يرجع لأوّل شبابه
.............يوم كان يشدّ عينك وإهتمامك ..تذكرينه..!؟
\ من رحلتي والوجيه فصفحة أيامي ( إتشابه)
.............بس أقلب تشبهينه.. بسّ لا ماتشبهينه...
تشبهينه بسّ لا ماتشبهينه ياغيابه
...............ياغيابه ياغيابه هو متى بيرد دينه ..
/
عشت وجروحي كأنّ الله خلقنا وسْط غابه
.............كل ماصحت البخت وينك.. يقول: الصبر وينه..!
/
الأمل شيد سفينه ..والأسى زاد أغتصابه
...............يابخت لوعبتها ماكان راحت هالسفينه
\ يابخت حتى السهَد غيّه كثير وغير آبِه
.............ليت ونّك قِد قتلته رحمةٍ في (والدينه)
/
.يابخت كنز الأماني راح مني في غرابه
....................لو بنيت الجدر كان الحين حن مستخرجينه
\
قال إصبر إصبر إصبر إصبر إصبر في ذهابه
................قالها خمساً ..ولارد الخبر ياسائلينه
/
امّا اْنا والليل كنّا قصة إيخاء وصحابه
....................من رحلتي مايفارق قلبي المجروح عينه
\
ان بديت أصيح قرّب للصدى ( صوت) الذيابه
...............لوشكيت الحال قام وصب لي كامل حنينه
/ مادرى ( جفنه) عن اللي طالع ولاصك بابه
......................مادرت حتى يساره ويش تعطيني يمينه
\
هي سنه والقلب يحسبها سنينٍ في كتابه
................هي سنه والقلب يشكي " غيبة النبض" لوتينه
/
لا عجب ان صارت الساعه ليالي في حسابه
........العجب ...مرت ليالي مامشى عقرب (سنينه)
/ميّز غيابك حظورك في خيالي بالنيابه
.............عن غيابك ..(كل يومٍ يحتويك براحتينه)
/
ميّزه جوف النّظر يكسر ضما يومه سرابه
............ميّزه حتى السحاب ( الصم) ماتسمع أنينه
\
مثل ماقلتي (سنه) عديتها والعد شابه
..............خمسة أيامٍ زياده لونسيتي تحسبينه /
/
لكن إش خلاني آهوّن على قلبي عتابه..؟
................يوم جاني البخْت وأسند ركبتيّ بركبتينه
\
قال إفرح إفرح أفرح أفرح أفرح في إيابه
...........قالها خمساً ..وطاحت ( للفرح) دمعه سجينه
/ لاحكيتي لي ولارد البخَت ليّه إجابه
........ما اظنك لوترك قلبي عتابك تعذرينه..!
\ شوفِ مابين إصبعينك وجهي أتمم ( إنقلابه)
.................الله الله الله الله ..يوم بِيدك تمسحينه
/ لك جمعت العمر غيمه... أعصرِ لقلبك شرابه
......................لك يكون العمر جنات وثمارٍ تقطفينه
\
لك أنا شعرٍ ونثر وخاطره وأطول كتابه
...............لك انا سطرٍ طويلٍ تسرحيه وتمرحينه
/ دام جابك هالبخت والليل مفقودٍ صوابه
.....حالفٍ ماتقعدين الاّهنا بيني وبينه
\
رجعي لليل ياكل الحلا ..روح المهابه
..............رجعيني( عاشقٍ) يسعد مساك وتسعدينه
/
رجعيني موطن الحب الذي أعشق ترابه
..................ودي أمطر به من أدموع الفرح وآبل طينه
\ وإشعلي شمعة غرام خالده... ضد الإذابه
............ودي آعيش العمر في جوّ مفعم بالسكينه