( العفو عند المقدره )
[poem=font="Simplified Arabic,5,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
العفو أرجـوك دامـك تقدره=جاك علمي كان ودّك تستشير
والنـذل ياليت تكفى نهجره=مايقّرب للحنش كود الغرير
اطرده مـادام عينك تنظـره=والعقارب مستكنّه وسط بير
يالسنافي اطلب الله مغفـره=يعفو عنا خير من هو نستجير
كل يوم يمر عمرك تخسره=والصوابر اشهد انه كالنذير
والله انا في زمان ٍ مااعسره=والرجال اليوم تلبس للحرير
المربـع مـايجي شكل الكره=. والمعالي دربها دربٍ يسير
والركـايب ماتمانعـه غبـره= تـرتحـل للشـام والا للزبيـر
مـع رجـال ٍ بالظفاره نخبره= تضرب البيداء تراها ماتحير
يطلبون الرزق واحد وعشره= رشحوا مابينهم واحد امير
وشف شباب اليوم بعضه مااحقره=لايـقّــدر لا صغيــر ولا كبيــر
عايش ٍدنياه عيشه ما اقشره= لاسهر ماقام يالله في عصير
ياشباب اليوم يكفي معذره =ليتكم تصحون من شيّن كثير
كيف تفتح بيت يبغي لك مره= اغتنم مادمت عايش وسط خير
صـل وقتـك لايجي وتأخـره=دام عمرك زهرة ٍ تنبض عبير
بكـره تكبـر والمنـايـا تنظـره=ومسكنك في لحـد لكنه قعيـر
والختم صلوا عدد طلع الذره=للنبي المصطفى الهاد البشير[/poem]
مع التحيه للجميع