أبيات متواضعه كتبتها حديثا ً أتمنى أن تنال على إستحسانكم
مع الشكر والتقدير للجميع :
سجّات فكري
سجّات فكـري أوصلتني إلى العـود
ــــــــــــــــ وأسترسلت والراس يرقـب خطاها
كيف المقابـرتخطـف ألاف وتـزود
ـــــــــــــــ كنك تقول الأرض ماحد{ن}وطاها
يـاكيف دنيـا{ن}مالهـا سـد وعهود
ـــــــــــــــ مـتـقـلـبــه والـكـل زاره غثــاهـا
أحد{ن} يحسبـه عاشها يجمع نقود
ــــــــــــــــ متأمـل{ن} لاشـك يركض وراهـا
مايـدري إن المـوت ماعنّـه حـدود
ــــــــــــــــ مادونـه ألاّ الـروح لامـن نـواها
وأحد{ن}بذل بالطيب والخيرمجهود
ــــــــــــ حاسب وعارف رايح{ن} من بناها
بأمـر الإلـه الفـرد الواحـد المعبـود
ـــــــــ جـل وتعالـى عالي{ن} في سماها
يالادمـي دنيـاك ماتثمـر بـزود
ــــــــــــ دام المعـاصي في حيـاتـك تـراها
أحفظ صلاتك دامـك اليوم موجود
ــــــــــــ دنيـاك هـذي تنطـوي مـع رشاها
ماينفعك لاصرت وحدك مع الدود
ـــــــــ كـود العمل يوردك في حوض طاها
مع التحيه للجميع .