[align=center]
السلام عليكم ورحمة الله وبركاته
أتشرف بتلبية دعوة غالية لغلاوة صاحبها
وكل ماأستطيع قوله هنا
آمل أن أن أقدم مايرتقي لأذواقكم الرفيعه
أحبتي :-
-[/align]
[poem=font="Arial,6,deeppink,bold,normal" bkcolor="silver" bkimage="" border="double,8,chocolate" type=2 line=1 align=center use=ex num="0,black"]
ممنون ألبي دعوة من غرابيل=وعساي أصل لأذواقكم يالحبايب
وإلا غرابيل الزمن هدت الحيل=والقلب مدمن عشق ماهوب تايب
ملتاع من قاطع حبال المواصيل=ولاعاد أميز بين مخطي وصايب[/poem]
[align=center]
عفوا فهذه خاطره على الطائر
والواقع أن من هو في مثل موقفي معكم هنا
يحتار بإختيارالمصافحة الأولى
وكلي أمل أن تلاقي متواضعتي هذه القبول لديكم[/align]
[poem=font="Arial,6,blue,bold,normal" bkcolor="transparent" bkimage="backgrounds/18.gif" border="double,8,gray" type=2 line=1 align=center use=ex num="0,black"]
لك الله لاتذكرني بماضي=مضى ماضيه مالي فيه عيضه
علوم طوال وعلوم ٍ عراضي=وحفظ العهدوالمكمي فريضه
وأنا مالي على الوقت إعتراضي= قنعت بواقع ٍ عشت بنقيضه
قبل مايظهر برأسي بياضي=أظني كنت من ناس ٍ حظيظه
أجي وأروح مبسوط ٍ وراضي=ربيعي بالهوى يربع بقيضه
قبل ما آرد يجمن لي حياضي=غميضه ماتروينا غميضه
لكن اليوم ريّض بالرياضي=وزمان معيض روّح مع معيضه
ماكان وكان في شبه إنقراضي=وكل ٍ عجل ما أحد ٍ فيه ريضه
وجيبي دوب مصروف المقاضي=وزمان أطماع وقلوب ٍ مريضه
غلا ( مالون ) دام الجيب فاضي=غلاك إلى إمتلت ( زرق ) الحفيظه
تبيع وتشتري مثل الأراضي=بمنطق عذب وأيمان ٍ غليظه
مواضيع ٍ تجيب الإمتعاضي=تمعن زين بالدنيا العريضه
شظاني من هكالذكرى شواظي=وتنقض فيني جروح ٍ نجيظه
وظغطي بإرتفاع وبإنخفاضي=ويأسي فايض ٍ لاتستفيضه
بعد سجيت في خضر الفياضي=تذكر داله بماض ٍ يهيضه
لك الله يوم تذكر له مواضي=تدله صاحبك وإلا تغيظه؟؟ [/poem]
[align=center]
أجمل التحايا والتقدير للجميع
أبوسبيل[/align]