[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صعبه أحبك واترك المحبوبه = وصعبه أبدّل في الغرام أحبابي
اللي يبدّل كل يومٍ ثوبه =يصبح عليه الصبح دون ثيابي
ولا تحسبين الحب (( نسج اكذوبه )) = مانيب أحب الخاين الكذّابي
الحب ما هو مزح والا ألعوبه =والا يجي في القلب دون أسبابي
الحب كنّه هجمةٍ ملعوبه =في صدر من هو يكره اللعّابي
واللي سأل صنع الغلا وش هو به = أقول له هو قدرة الوهّابي
وإن كان شفتي دنيتك مقلوبه = شوفي سماي اليوم فوق ترابي
اللي هوتني حكيها أعجوبه=لو قلت فيها الشعر مات أصحابي !!!
والشعر فيها جرّ له مسحوبه =واطلق عنانه ,, واستباح اتعابي
والقلب غيّر لاجلها أسلوبه = أول ذكي والحين أنا متغابي !!!
ما همّها لا صارت المغلوبه = لا صرت أنا الغالب فهي ترضى بي
ما كنّها الا للقمر منسوبه = حتى القمر من زينها يرتابي
ودايم على ( أرض الغلا ) مطلوبه = صارت هي العنوان لاسم كتابي
وخلتني أعشق شئ باسم ( عروبه ) = هي ( يعربيه ) حبّها ( أعرابي )
وهي ذوقتني النظرة المشروبه = ما ذاقها متزوج وعزّابي
وروحي لها منحازه ومجذوبه = واموت انا في حسنها الجذّابي
والقلب عاف اللي يقرّب صوبه = ما غيرها من البيض تدخل بابي !!
بنَت لها في الصدر طوبه طوبه = قصرٍ رفيعٍ عالي المرقابي
يرخص لها العالم وكل شعوبه=في عينها تغيب الملا بغيابي
وتذوب فيني ,, لبّى قلب الذوبه = ما تدري إني لا طرت منسابي
ولا جيتها وعمامتي معصوبه= تقول لي يا ( بعد حيّ ) اقرابي
وكلمة ( احبك ) شفتها مكتوبه = في عينها اللي ريحّت لي اعصابي
نوبه تزاعلني ,, وترضى نوبه = واذوووب ,, لا قالت : (( حبيبي ما بي ))
والحرف لا من قالته بعذوبه = جتها حروفي كلها في اسرابي
ما هو ربا في حروفي المطنوبه = أدري بأن الله يذمّ الرابي
لكن كذا روحي بها مسلوبه = مكانها بالضبط تحت أهدابي !!
ولا من حكت بالهمسة المحسوبه = أضيع أنا في ثغرها العنّابي
والحي لا صارت تمرّ دروبه = تسبي النظر وتكسّر الارقابي !!
فإن كانها في مشيها موهوبه = وش حيلتي لا صرت انا منصابي
ولو تسكن الزينه (( أراضي النوبه )) = ما ردنّي عنها جوازٍ هابي
ولو ردنّي عنها الزمن وحروبه = لعيونها لو صرت أنا (( إرهابي )) !!
لاقطع لها دروب العنا المركوبه = وإن قصّرت رجلي ,, لاجيها حابي
عذروب قلبي ما لقوا عذروبه = إلا إنها نالت جميع إعجابي
ويا اللي تقولين : اترك المحبوبه = مهوب انا اللي ابيع اغلى أحبابي[/poem]
رد مع اقتباس
المشاركة الأصلية كتبت بواسطة عشق ليل
