غريرة هيه يالله ياصغيرة قربيلي دوك
............................ ابا اهمس لك كلام ٍ مانبا النقاد يوحونه
ابا اقول الك احبك حب مالك بالغلا مشروك
............................. غرام ٍ لك بقلبي مايجي عقبه ولا دونه
ليا شفتك نطقت من الفرح يازينها يابوك
............................... ترى الشاعر مهوب كذاب سره نظرة اعيونه
جداه اليا تلعثم ياعنيده سبحته والبوك
................................. يسويله طواريق ٍ تدل الناس وشـــلونه
ليا شاف الجمال الفاتن الفتان قص اسلوك
................................... معاليقه وصار ايجاوب القيطون بلحونه
ليا شاف النحر والعود والقرن اشقر ٍ مفكوك
..................................... معاد ايعرف واحد من ثنين وترحل اجنونه
اميره لاتلومينه ومانه بس لو سألوك
...................................... تقولين ان مثلي ينهبل لاشاف مزيونه
انا من شان عينك كل مامريت اخم ابوك
....................................... اعاين فيه وضحك لو يكشر لي عن اسنونه
قضيت ولا بقا الا اسئلك وش عشوك وش غدوك
........................................ وقول القلب عندك مــابقا الا بــس يقلونه :نيني: