[poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black"]
انا لو كان فـيديني.. ربطتك في خيوط الليـل=وخليتك على رغم السهـر عينـك تغمضهـا
وجلّستك على عرش الثريا فوق تـاج سهيـل=وجنّبت العيون اللي تشوفك ليـن اروضهـا!
حلاة الوقت في قربك.. لذيذ وما اعتراه الويـل=فديت البسمه الحلـوه إلـي منـك تعرّضهـا
ترى ودي اغني لك.. واماري بك جموح الخيل=واباهي بك حروف الشعر دام إنـك تحرضهـا
حبيبي.. يا ألذ من الـدلال المقنـدات بهيـل=عسى ذيك العيون اللي غفت ربـي يعوّضهـا
وضوحك يابعد عمري وضوح(ن) مايجيه الميل=رسمت إبّسمتك عمري.. وانا قبلك مقيّضهـا!!
انا من قبل ماشوفك.. تعبت ومابقى بي حيـل=اثاريك انت لـي تعقـد معاليقـي وتنقضهـا!
دخيلك ضمني بلحظه يسهلها سكـون الليـل=وهات ايامك الحلوه علـى دنيـاي وافرضهـا [/poem]