الي منك طريتي في هوى بالي لقيت انك علــــــــــى بالك ترديني
واتاريني وليد الحلم متشوق الاقي هـــــــــم من حلمه مع حلمه
يا عذبه في غرام احساس انا الضميان هاك القلب واسقـــــــيني
ومشكاتي لها مشكى ابت من داخلي وامضت تعتم نورها ظلـمه
حثيتي جمر في جوفي بعد ماكان لك مدفى مــــــــع ليلك يدفيني
بعد ما كنت متحدث طليق احساس اشوف الحب ينهرني ولاكلمه
خذيتك نبض في قلبي مع دمي يزاحم بك ويزحــــم بك شراييني
تركتي دمي الحاله يقاسي قلب من دونك يعــــــــاف وينتكر لمه
شعلتيني حروب احزاب لها غارات مهتجه تموتني وتحـــــييني
وانا في فوجها ضايع يعاني حضه العاثر اسير ولالقــــي سلمه
رعاك الله لا اشوفك ما دام انك على لحظه بها عمري تمـــنيني
وانا راحل ولي ذاتي بها عزي ولي كلمة رجل ما ينثــني علمه
وانا طالبك لامنك سمعتي عن خبر موتي فلالك عـــــين تبكيني
ابي دمعك يخالط قلب ناجيته..ابي قربه... وقهواني على ظلمه