المشاركة الأصلية كتبت بواسطة مطلق بن شويه
مصافحه أولى لقلوبكم .. ونص متواضع تقبلوه بـ صدر رحب :)
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ليتنا ياصاحبـي نقضـي الدنيـا شبـاب=كـان أعيّفـك المحبيـن قبلـي وبعـدي
لكـن اللـي قدرتـه ماتغطيهـا السحـاب=خلّـت الأعمـار تاقـف والايـام تعـدي
أعرف إنّك من تـراب ومـردّك للتـراب=خلّك اللي يُخلق إنسان ويمـوت أجـودي
الوفا في الحب مثل الأمانـه فـي الرقـاب=ملتـزم فيهـا سنـافـي وخاينـهـا ردي
وأنت حاول تحفظ الـود ياسمـح الجنـاب=مثل ما بلادك تحفـظ الجمايـل لبلـدي !!
لاتغيّـرك الليالـي .. ويغريـك الغـيـاب=وتحداني !! والجفا منـك حادينـي حـدي
نبض قلبي يوم ودّا .. ونبضه يوم جـاب=مايقول : الا عسى الله يسامـح ويهـدي
عد غلطاتك على يدك وأحسبهـا حسـاب=إنسها .. ومسامحك .. وأذبح لنفسك فدي
كود ذيك الغلطه اللـي تعـاب وتستعـاب=غلطةٍ ضيّعت عمري وراهـا وجهـدي !!
طعنةٍ من سيف عنتر ومن شلفـا ذيـاب=تنتهي بيـن الضلـوع القصـار وتبتـدي
ماهقيتك يوم الأجسـاد تسترهـا الثيـاب=بالجفا عريت صبري ؟! وعريت جسدي ؟!
ليه ؟؟ وأنا اللي عشانك تحديت الصعـاب=وفي دروبك متعب أقـدام رجلـي بالعـدي
إن ضواني الليـل سريتهـا بليـا ركـاب=وإن نويت سهيل .. وجهت وجهي للجدي
من عذابي كل خطوه !! وخطوه من عذاب=الليالـي سرمديّـه !! ودربـك سرمـدي
وين أيمم شوف عيني وأنا اخيلك سـراب=كل ماضميت زولـك تلاشـى مـن يـدي
مذهـبٍ حالـي بطاريـك يامـال الذهـاب=مابقى فالقلب مـن سبّتـك عـرقٍ نـدي
ليت مايفتح على باب شعري منـك بـاب=لاتثاقلت اجلسـاي .. وجفانـي مرقـدي
وأرسمك قدام عيني على صفحـة كتـاب=وأنت بين السالميّـه .. وبيـن الأحمـدي
إن نسيتك .. فأعرف إنّي موارا فالتـراب=وإن تذكرتك .. عسى الله يسامح ويهـدي
وان تعدتك المشاريه .. وأخطـاك العتـاب=أعرف ان منتب سنافي !! ولانتب أجودي
وسلامتكم[/poem]