قصيده اعجبتني ما اعرف شاعرها ونقلتها لكم
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
في رسالة .. أو قصيدة عِشق .. تزخـر بالمعانـي=ضمَّت حروفك .. وقلبي ضمَّهـا .. فـي راحتينـه
كل حرف ٍ .. شاهده سمعي .. أسرني .. وأحتوانـي=ما توقعتـه .. ولا لحظـة .. بخطـك تنطقينـه
بالأمانة هو صحيح إن الكلام .. إللـي لفانـي=ما بغاني .. أو فهمته عكس ما كنتـي تبينـه
وصدّك إللي.. في كلامك.. عكّر أنغـام الأغانـي=تقصدينه .. ما نهاك الحب .. صوبي ترسلينـه
رغبتي .. أقطع وريد الوقت.. وأذبـح هـالثوانـي=وأستعير .. من الزمان الليل .. وأسهر فـي جبينـه
لين أشوفك .. للوعد تبقين .. وعـد ٍ فـي مكانـي=لين أعَرْف .. إن الزمان إن ضاق .. يغمرني حنينه
لين أحضنك .. في أمان الحلم.. وبحلـم الأمانـي=وأستريح بعطر .. ورد الشوق .. وانتي تحضنينـه
من صدودك .. لي قصيد ٍ عَذْب .. ما عمره عصاني=ما كتبته .. هو كتب مشوار عمري .. في يدينـه
أحمدالله .. ما يخفف لوعتـي .. غيـر إن بكانـي=حبر ٍ أبكم .. أستريح شوي .. مـن لوعـة سنينـه
وأدري إني .. لو جفيت الشعر .. أو شعري جفانـي=يااآآ غياب .. الملهمة للحرف .. وأسبابي الحزينـه
يا جمال ٍ .. سولفوا به .. أجمل خشـوف الغوانـي=يا سمو النفـس .. والـروح .. يـا طفلـة رزينـه
ارسمي لي .. في حكاوي الحب .. حرف ٍ لا حكاني=يستجيرك .. وأستجير بـصمت .. كنتـي تسمعينـه
ضيعيني .. في كفوف الخـوف .. لكـن لا لقانـي=في المصافح .. كفك .. وجاني غلا .. لا تفقدينـه
أذكريني .. لو بـبيت ٍ مَـرْ .. وأبكـاك.. وقرانـي=في دموعك .. وأكتبي لي بيـت .. أشقـاك بونينـه
كل حرف ٍ .. ( لمّته عيني ) .. ذكرني.. وأحتوانـي=ما بغاني .. أحمدالله بالفعـل .. مـا تقصدينـه [/poem]
وسلامتكم
رد مع اقتباس
