[poem=font="Simplified Arabic,4,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ما يخليني الفطور أكتب ولا ربع القصيدة = وإن نويت أكتب قصيدة ما يخليني السحور
بين تتبيل الدجاج وبين تحضير العصيده = ضاعت أبيات القصايد وانتحر حرف الشعور
أطبخ حروفي بفن وطبخ غيره ما أجيده = افرح إليا جيت أبكتب وأحزن بشوف القدور
شعري لو أنه يموت اليوم قالوا إنه فقيده =ما لحق بيتٍ أجيبه في الشعر أية قصور
جيت أنا أهل العقول الصاحية وألا البليده=وقالوا في شعري مغروره وين أنا ووين الغرور
ما ألف ولا أدور أمشي أنا في الدرب سيده=أكتب أبيات الصراحة ما ألف ولا أدور
أن بغيتوني عنيده صرت أنا أعنف عنيده=وإن حسبتوني بسيطة قلت ممنوع العبور
ما يهم اللي نقدني يحسب أن الشعر ميده=ذاك جسم إنسان لكن كن عقله عقل ثور
إن حضرت الناس قالوا يا الله تحيي الفريده=بين ترحيب القصيد وبين تصفيق الحضور
الشعر لا من كتبته يحفظ أعوامٍ مديده=اكتبه مرة ويحفظ لو على مر العصور
وصاحبي اللي في غرامه يحسب أني من عبيده=يامر وينهى بكيفه ما عطاني أي دور
ما نفع معه التودد لا ولا لهجة شديده=وما قبل مني نصيحة واعترض في كل شور
يزعل إليا شاف شعري راسخٍ وسط الجريده=ما درى أن الشعر فيه ولا دريت أنه غيور
وما درى أني قلت أبكتب بعده أبياتٍ عديده=حرّض حروف القوافي غصب في خير الشهور
في رمضان الشعر ينقص ورمضان الله يعيده=والقصيد اللي كتبته بعد ما زان الفطور [/poem]
رد مع اقتباس
المشاركة الأصلية كتبت بواسطة نايفة شمر
