ܓܨ.. ذكـرآيتكـــمْ / وطفوٌلتكــــمْ ..ܓܨ

[خ ــيآلْ ~]

صبىآحكمـ / مسىآئكمـ ...
أحلـــىىآ من الـ ع ـسل ~

موٌضوٌع رآئع بروعة روحكم الع’ــذبه ..
أع’ــجبنيّ وحبيت أجيبه هنآ ..

ذكريآت الطفوله .. عالقه بأذهآننــآ ..

كنا أطفالا.. نلعب / نضحك / ونلهو ...
كنا طيورا .. فوق الشمس نحلق / نُغني / ونطير ..


يسكننا فرحٌ وحب كثير
يجهلنا حزنٌ وهم كثير

نجري كالنهر ونرقص كنسمات عليل !!

برآءه .. عفويه .. وطهـــآره ...
حب خآلص .. عوآطف نقيه ...
شقآوه .. فضول .. وحب آكتشآف ...


هذه هي الطفوله ..
رحلت ولكنهآ عآلقه بالآذهـــآن ~

تحمل الكثير فيّ طيآتهـآ ..

رآئعه هي ذكرآهـــآ .. فعند الجميع هي أجمل مرآحل العمـــــر ]










فكرة موضوعي تتحدث عن طفولتنآ جميعآ ..

أسئله ..
سوف استضيف عضو ليقوم بالإجآبه عليهــآ ..
ثم يقوم العضو بآختيآر عضو أخر ليجيب على نفس الأسئله ...

سوف تكون الآستضآفه من أخر عضو أجآب على الآسئله ..
لكن لايمنع أن أستضيف ضيف شرف بين الضيوف ...

يعني .
( الآستضاف بتكون مني ومن اخر عضو جاوب ع الاسئله )


أتمنى تفآعلكم الحلو ..وياليت من كل عضو يختار عضو بعده ..
يرسله رساله خآصه ينبهه ...




والأسئله كآلتآلي /


*طفولتك .. يكسوهآ طآبع الهدوء والا الشطآنه ؟؟

*حلم طفولتكّ / مآهو ؟.. وهل تحقق ؟؟

*شخصيه كرتونيه كنتـ \ ـي تحبونهـآ ؟؟

*ماهي الموقف اللي عرضتِـ \ ـي فيه اهلك للاحراج ؟؟

*كنتـ \ ـي شخص ذو شخصيه قويه أم مغلوب عليه ؟؟

*كنتـ \ ـي تترأس / ـين عصابه ام انك عضو / ـه فيها فقط ؟؟

*موقف حصل في طفولتك كان له دور في تغيير مجرى حياتك ؟؟

*موقف حلوٌ ماتنسآه بطفولتك ؟؟

*للصبآيآ / كيف كآنت تسريحة شعرك وآنتي طفله ؟؟

*للشبآب / كآن عندكّ هلوسة لبس الثوب ؟؟

*أكبر مغامره قمتـ \ ـي فيها وانت صغير / ـه ؟؟

*من هو الشخص اللي يقع دائمأ في شر اذيتك ؟؟

* من كـان يدلعك أكثر أبوك ِ او أمك ؟

* آســم دلعك بالطفوله لحد الان ينادونك فيـه ؟؟ وماهو ؟؟

* كنتـ \ ـي تحبـ / ـين توقف او تجلس بالاول بالطابور اوالفصل ؟؟

* كنتـ \ ـي دبـ \ ـه أو يابس \ ـه..؟؟؟

* هل عندك لعبه موجوده من صغرك إلى الآن ؟ وماهي ؟؟

* وش اكـثـر حلاوة كنـتـ \ ـي تحبها \ تحبينها ؟؟

* وش اسم اول مـدرسـ/ ــه درسكّ / ودرستكّ ؟؟

* هـل كـنتـ \ ـي تـعانـيـ / ـن مـن اخـطاء فـي مخـارج الحـروف ؟؟

* حبيت من الجنس الأخر حب طفوليّ برئ/ إذآ كانت الاجابه نعم عطنا نبذه عن تجربتكّ ؟؟

* كلمه تهديهآ .. لطفولتكّ ؟؟

*وأخيرآ ..
تكلم عن طفولتك بآختصآر .. ( لاتتعدى الخمس سطور ) .!






أستفتح الموٌضوٌع .. ببدآية خ’ـــير ..

بالراقيه دومآ والمتميزه ..

آلغ’ــــآليه / ح’ــسآسـه \




وكلـ الوٌد لقلوٌبكمـ .ِ.ِ.ِ

ِ’

[الأميرة الناعمة]

جنون

بداية اشكرك لاستضافتي

بعدين ليه تبون تطلعون الفضايح

الطفولة هذه مشاكل بالحياة

بسم الله نبدأ

والأسئله كآلتآلي /

*طفولتك .. يكسوهآ طآبع الهدوء والا الشطآنه ؟؟

و الله انا اتوقع بين هذه و بين هذه بس تغلب عليها الشطانه

*حلم طفولتكّ / مآهو ؟.. وهل تحقق ؟؟

حلمي ما اذكر اني كنت فاضية احلم كنت بس ابي العب و ابي اصير قوية مثل
بابا

*شخصيه كرتونيه كنتـ \ ـي تحبونهـآ ؟؟

بصراحة كثير يعني في ليدي ليدي ما اروعها و في سالي

*ماهي الموقف اللي عرضتِـ \ ـي فيه اهلك للاحراج ؟؟

مو عرضتهم للاحراج بس احس كان ودهم يذبحوني

بما اني كنت اول طفل عندهم كانو يسفروني كل مكان و مرة و احنا راجعين من تايلاند

اتوقع اشترينا كل تايلاند و شنط الدنيا و نمنا بيت جدي .. بما اني دلوعة و ما احب البس

ملابسي و هي بارده صحيت الصبح و هم نايمين و ياربي وش اسوي فستاني بارد

ما لقيت الا الاباجورة قمت من فوق احط فستاني كاني احمي الخبز الين ما صار دافي

و لبسته صارت الابجورة تطيح و كل ما احاول اصلحها ما تضبط و تطيح على الشنط

قلت خليها بسلامتها و طلعت المطبخ اسوي لي فطور و انا مدري ان هناك القيامة قايمة

ترى الابجورة يوم طاحت على الشنط مدري شلون بقدرة قادر ولعت الدنيا و كل ملابسنا

و اغراضنا احترقو بس اللي يضحك انهم ما يعرفون اني صاحيه و كل شوي واحد من المطافي

و الا من اهلي داخلين يدورون علي وانا في المطبخ اصلح لي فطور

*كنتـ \ ـي شخص ذو شخصيه قويه أم مغلوب عليه ؟؟

لا مسكينه كان ولد خالتي دايم يعضني

*كنتـ \ ـي تترأس / ـين عصابه ام انك عضو / ـه فيها فقط ؟؟

عصابة اممم يمكن عصابه عيال الحارة :11retcher

*موقف حصل في طفولتك كان له دور في تغيير مجرى حياتك ؟؟

لا الحمدلله مافي مواقف كذا

*موقف حلوٌ ماتنسآه بطفولتك ؟؟

ينفع موقف يضحك كنت لما اقول لماما ابي اغيب عن المدرسة و بحكم اني اعشق

باباتي تقول لي الشرطة كلمو و قالو ان ما رحتي الحين بيجون و ياخذونه السجن و مسكينه

انا اصدق و على طول اصحى اروح المدرسة

*للصبآيآ / كيف كآنت تسريحة شعرك وآنتي طفله ؟؟

اشكال و انواع بس اكثر شي كنت اخليه مفتوح

*للشبآب / كآن عندكّ هلوسة لبس الثوب ؟؟

ينفع اجاوب ترى انا طفولتي كلها مع العيال كنت اسرق ثوب ولد خالتي و البسه

*أكبر مغامره قمتـ \ ـي فيها وانت صغير / ـه ؟؟

اكبر مغامرة اني طلعت من بيتنا و لا احد يدري بس برضو كنت بريئة جاني ولد الجيران

و قال لي ان العيال كلهم رايحين الكورنيش بما انه قريب للبيت و معاهم اخوي و ولد خالتي

تروحين قلت يلا والبس واطلع و لا رجعت الا في الليل جلست اصيد سمك و العب بالسيكل

و في البيت الناس مكلمه الشرطه و حالتهم حاله

*من هو الشخص اللي يقع دائمأ في شر اذيتك ؟؟

بنت خالتي

* من كـان يدلعك أكثر أبوك ِ او أمك ؟

باباتي

* آســم دلعك بالطفوله لحد الان ينادونك فيـه ؟؟ وماهو ؟؟

ندوووي

* كنتـ \ ـي تحبـ / ـين توقف او تجلس بالاول بالطابور اوالفصل ؟؟

اييييه واصيح لو رجعوني ورا

* كنتـ \ ـي دبـ \ ـه أو يابس \ ـه..؟؟؟

يااابسه و للحين يابسه

* هل عندك لعبه موجوده من صغرك إلى الآن ؟ وماهي ؟؟

كانت عندي الين فترة قريبة بس ماما قالت لي عيب عطيها اختك الصغيرة كبرتي و عطيتها

و ضيعتها من ثاني يوم دئلت

<< ميته قهر دئلت

* وش اكـثـر حلاوة كنـتـ \ ـي تحبها \ تحبينها ؟؟

ما اذكر اسمها بس كان فيها لونين احمر و ازرق من الجهتين

* وش اسم اول مـدرسـ/ ــه درسكّ / ودرستكّ ؟؟

التربية الاهلية

* هـل كـنتـ \ ـي تـعانـيـ / ـن مـن اخـطاء فـي مخـارج الحـروف ؟؟

ما اذكر و الله بس برضو ما اتوقع

* حبيت من الجنس الأخر حب طفوليّ برئ/ إذآ كانت الاجابه نعم عطنا نبذه عن تجربتكّ ؟؟

وش احب فيهم كلهم اصدقائي

* كلمه تهديهآ .. لطفولتكّ ؟؟

وحشتيني مووووت و من جد فقدتك يا ليت ترجعين لي

*وأخيرآ ..

تكلم عن طفولتك بآختصآر .. ( لاتتعدى الخمس سطور ) .!

على فكره ترى اكره شي عندي التعبير حتى ايام المدرسة

طفولتي كانت قمة في الوناسة كنت طول الوقت مع ولد خالتي بحكم انه في نفس عمري و مافي

الا احنا الاثنين بزران حتى الملابس ما البس الا مثله ما احب الفساتين والشغلات هذه الا بالبيت

علشان ما يقولون اني مني قوية بس ولد خالتي الشين كان دايم يعضني

و صح كنت نذله شوي دايم اعاير الناس و اقولهم هذا حقنا حتى لو ما كان حقنا و كنت اكره

شي اسمه مدرسة

دايم اصيح و كانت عندي هواية اجمع باربي و العب سيكل بس يوم كبرت عقلت

خلصت الخمس سطور على خير

اختار بعدي

محمد الدغيري << غصب مو بكيفك

[خ ــيآلْ ~]

ح’ـــسآسه ..
فديت روحك على هالتجآوب ~


آجآبة رائعه كروعة روحك الع’ـــذبه ..

ألف شكر لك يالغ’ــــــــلآإ ...


وحيآإآك يالدغ’ــــيريّ ...

ننتظرك ~

[N n y ~]

.

طفولتي كانت قمة في الوناسة كنت طول الوقت مع ولد خالتي بحكم انه في نفس عمري و مافي

الا احنا الاثنين بزران حتى الملابس ما البس الا مثله ما احب الفساتين والشغلات هذه الا بالبيت

علشان ما يقولون اني مني قوية بس ولد خالتي الشين كان دايم يعضني

ههههههههههههههههههههههههه هههههههههه

هذا هذا ولد خالتك نفسو هذاك هذاك خخخخخخخخخخخ

الله الله أجل من الطفولة وشسمه :مزون:

وأهم شيء أنه كان يعضضضضضضك , تستاهلي :p

مجنونة يا حساسة , وأبد مو مثلي


ج ـنو ,,

تسلم ايدك والله

موضوع رهييييييييييييييييب

ومتابعة بـ ج ـنون


.

[محمد الدغيري]

[align=right]حساسيه لا بارك الله بشيطانك على الفضفضه
لا حول والله ما حجز والديك الا الطفوله الحركه

يعطيك العافيه يا ج ــنون الورد

وتسلمين يا حساسه على التدبيسة الطيبة

لي عوده إن شاء الله لين امخمخ على الاسئله زين ما زين


تحيه عطره[/align]

[عطر طيبه]

ح’ـــسآسه ..

*

شخصيه كرتونيه كنتـ \ ـي تحبونهـآ ؟؟

بصراحة كثير يعني في ليدي ليدي ما اروعها و في سالي

والله انك صادقة كانت فيها حماس مو طبيعي هههههههههههه

جنون الورد
موضوع رووووووووووووعة رغم انة يخلينا نطلع الفضائح

محمد الدغيري
هههههههههه جاوب بصراحة

[د.بدر الجعيثن]

تجربة فقط سامحوني على الازعاج

[محمد الدغيري]

[align=right]نبدأ الإجابة على الأسئلة
*طفولتك .. يكسوهآ طآبع الهدوء والا الشطآنه ؟؟
بعيده كل البعد عنها الهدوء . بل كانت شطآنه بكل ما تعنيها الكلمه :مزون:
*حلم طفولتكّ / مآهو ؟.. وهل تحقق ؟؟
لا يوجد حلم محدد ولكن كانت أحلام طفوليه كـ أن اكبر لأسوق . وأذهب إلى حيث ما أريد
أو اكبر للعمل وكسب المال لأشتري الحلاويات يعني كانت الأفكار محدوده وذات أهداف لحظية
*شخصيه كرتونيه كنتـ \ ـي تحبونهـآ ؟؟
عدنان ولينا من أحب الشخصيات ههههههههههههه
*ماهي الموقف اللي عرضتِـ \ ـي فيه اهلك للاحراج ؟؟
مواقف كثيره . :11retcher بس اقول يا الله الخراج
والله لو أعدها لـ أهلكت الكيبورد هنا ولكن لكم :
هناك شخص لا أحبه وكثيراً ما يجينا وكان كل ما جانا ما يخلوني أقلط معهم في الغداء
في يوم من الأيام اعده الوالده الغداء . وكان على بالي انه بيجي مع الوالد وقت الغداء المهم يوم خلص الغداء وغرفته الوالده وضبطته وأنا اخذ ماء واكبه عليه حقد في الرجل وطلع الوالد جايينه ضيوف من الكويت وأنا جبت العيد فيهم
ومره من المرات كانت هناك جمعه حريم الحراه لجارة جديده المهم كانت الجمعه عند الوالده . وكانت الحرمه توها متزوجه وهي حاطه من الاحمر والاخضر والاصفر ومتعبه روحها وهي ما شاء الله مترتبه زين المهم خقيت معها حيل ( ماكنت ادرس وقتها )
ومن دخلت البيت وانا ما غير سامت وجهي قدامها تقل صنم وامي ما غير تقرص في جنبي وأنا مني معطيها خبر . لين قومتني وطردتني من المجلس وانا اقف عند الباب وعيوني ما تفارقها والحرمه حمرت شدوقها حيل المهم قالت امي روح العب بالشارع قلت الشارع كل يومي وانا فيه وما هو رايح بس المزيونه ماهو كل يوم بتكون عندنا بالبيت

*كنتـ \ ـي شخص ذو شخصيه قويه أم مغلوب عليه ؟؟
انا كنت شيطاني . بس فيني حاجة وحده . وكانت تقهر امي حيل الي هو لا حست شيء بالبيت وجت تبي تهاوشني وقالت وقف أقف ولا تحرك وتجي ترجفني لين اتفل العافيه
بس بالاخير ما اذكر اني طلبت شيء ما شيات الا وتم تلبيه طلبي
*كنتـ \ ـي تترأس / ـين عصابه ام انك عضو / ـه فيها فقط ؟؟
كنت عضو من أعضاء عصابه مع عيال عمي في جمعاتنا وكانت العصابه تهدف للتخريب على البنات جمعتهم ههههههه
وفي الحاره لا كنت رئيس العصابة
*موقف حصل في طفولتك كان له دور في تغيير مجرى حياتك ؟؟
الحمد لله لا يوجد ما عكر طفولتي كثيراً
*موقف حلوٌ ماتنسآه بطفولتك ؟؟
المواقف كثيره جداً ولا تنسى ولكن كان هناك موقف مضحك
كنا عند عمتي وكنا فرحانين بالنبيطات وحايسين العالم فيها المهم في احد مراحل الهجوم كفشتني عمتي الله يخليها . وخذتها وجت تبي تبطني فيها .
ومير هي تقلب االنبيطة وتمطها علي بالعكس وهي تنبط نفسها
*للصبآيآ / كيف كآنت تسريحة شعرك وآنتي طفله ؟؟
<< ما هو لك بس بجاوي كان ابوي كل ما زعل علي حلقني موس
<< مهووس بتربيه الشعر
*للشبآب / كآن عندكّ هلوسة لبس الثوب ؟؟
للحين ما حبه .. ولا طيقه بس وش نسوي
*أكبر مغامره قمتـ \ ـي فيها وانت صغير / ـه ؟؟
سقت سيارة الوالد وانا عمري 7 سنوات الظهر والعالم نيام . بس جبت العيد صدمت لي ماصوره الكهرب الي في الشارع وانا امدها من بيتنا لبيت عمي حوالي بيننا 15 كيلو وكان الوقت صيف ولا فيني نعال (تكرمون )
*من هو الشخص اللي يقع دائمأ في شر اذيتك ؟؟
3 أشخاص أمتحنتهم في حياتي .
1- خال رهف و 2- اختي الكبيره و 3- ولد جيراننا الله يرحمه
* من كـان يدلعك أكثر أبوك ِ او أمك ؟
والله كلهم ما هم مقصرين فيني طق وطردي خليها على ربك بس
بس لا كانت جدتي الله يرحمها موجوده أكون كنق بالبيت
* آســم دلعك بالطفوله لحد الان ينادونك فيـه ؟؟ وماهو ؟؟
ايه هين ... بالحيل يدلعوني ..
* كنتـ \ ـي تحبـ / ـين توقف او تجلس بالاول بالطابور اوالفصل ؟؟
بالطابور كل يوم متأخر
وبالفصل مكاني بالزاويه تحت المكيف
بس مع هذا كنت اقهر المدرسين بشطارتي
* كنتـ \ ـي دبـ \ ـه أو يابس \ ـه..؟؟؟
لا ولله الحمد ماني دب ما دبدبت الا بعد العرس والحمد لله تم السيطره على الموقف الأن ونزلت 17 كيلو
* هل عندك لعبه موجوده من صغرك إلى الآن ؟ وماهي ؟؟
أساساً إذا العبه تمت عندي يوم كامل عيدو البيت ..لخلي المفك والمطرقه أنوع الصرقعه
* وش اكـثـر حلاوة كنـتـ \ ـي تحبها \ تحبينها ؟؟
فيه بسكوت مغطى بالكاكاو على شكل مثلث وفيه بسكوت ثاني بقرطاسه حمراء وهي عباره عن مكعبين . وفيه كاكاو بعلبه يكون لون واحد ابيض والثاني ككاوي .
* وش اسم اول مـدرسـ/ ــه درسكّ / ودرستكّ ؟؟
هههههههههههههههه المحمديه في المنتزه الشرقي
* هـل كـنتـ \ ـي تـعانـيـ / ـن مـن اخـطاء فـي مخـارج الحـروف ؟؟
لا الحمد لله تمام
* حبيت من الجنس الأخر حب طفوليّ برئ/ إذآ كانت الاجابه نعم عطنا نبذه عن تجربتكّ ؟؟
هههههههههههههه ايه بنت جيراننا سلمى .
اساساً كل ما فقدوني اهلي يدرون اني عندهم بالبيت هههههه
في مره مرن المرات جتني اختي الكبيره وقالت امي تبيك قلت قولي لها ما لقيته
وراحت للبيت وشوي وهي تجيني الماما وهي تدبغني دبغه ما بعدها . وانا اهرب منها وافرك للبيت ويوم وصلت للبيت الا اختي الكبيره هنا وانا اخذ ذيك الحصاه وانا اصكها بالجبهه وما وقف الدم الا بالمستشفى .
المهم والاحراج قبل كم شهر في فصل الصيف الماضي حضرت زواج في حائل وكان فيه شايب عند الوالد وهو يناديني ويوم سلمت على الشايب قالي ابو تعرف الرجال قلت لا ما عرفه قال هذا ابو سلمى خخخخخخخخخخخخخخخ << طاح وجهه والمصيبه الاعضم أنه الشايب نصوت للرجال بجنبه وقال يا ابو ( ضيعت اسم الولد ) هذا عشيق مرتك سلمى دجيت بقوه وقتها حسيت ان مزح الشيبان تلك الليله ما له داعي
* كلمه تهديهآ .. لطفولتكّ ؟؟
ما اجمل تلك الحظات التي عشتها أيام طفولتي وكم أتمنى أن عود لها . وبالذات كوني الأن في غربه ووحيد ما غير الاب توب هو ونيسي .
الطفوله نعمه .
المهم
محتار من أختار في الموضوع
ولكن كافخ لها هو الضيف القادم للموضوع[/align]

[محمد الدغيري]

ح’ـــسآسه ..
*
والله انك صادقة كانت فيها حماس مو طبيعي هههههههههههه
جنون الورد
موضوع رووووووووووووعة رغم انة يخلينا نطلع الفضائح
محمد الدغيري
هههههههههه جاوب بصراحة

[align=right]الاجابه بكل صراحه يا الغالي ههههههههههه
بس كنت محتار من اختار ودبس بعدي [/align]

[f_ail7]

السلام عليكم ورحمة الله وبركاته
هلا محمد
كيف الحال
أه أه لو قري الموضوع قبل قليل
قبل لا أشوف خيك ابو شخير

ومقريه الموضوع

علشان نمسك أشماته

عاد خيك الله يستر عليه شمات ما يبقي بنا لا لحم ولا عظم

ههههههههههههههههههههههههه ههههههه
تقبل مروري

[قيـس]

جنون الورد موضوع كويس ..بارك الله فيك

محمد الدغيري شكراً لك مدري الله يسامحك

بسم الله

طفولتك .. يكسوهآ طآبع الهدوء والا الشطآنه ؟؟
اعتقد اني راعي مزاج من صغري ..يمكن هادئ*حلم طفولتكّ / مآهو ؟.. وهل تحقق ؟؟
واجد..كل أسبوعين طاري علي شي جديد بس اللي طول معي لاعب كرة قدم
*شخصيه كرتونيه كنتـ \ ـي تحبونهـآ ؟؟
نسيت وش كان أسم المدبلج بس اللي فيه غرانديزر..وجزيرة الكنز العرابجه سلفر وطقته خمستن وعشرين رجلن ماتو من أجل صندوق *ماهي الموقف اللي عرضتِـ \ ـي فيه اهلك للاحراج ؟؟
أنا مااتذكر شيء مهم بس كنت أحب المغامره ودائماً مااتعرض للأصابات الخفيفه والمتوسطه.*كنتـ \ ـي شخص ذو شخصيه قويه أم مغلوب عليه ؟؟
لاوالله ماكنت أنهزم بسهوله ..أحس أني كنت أقوى مني الآن بكثير*كنتـ \ ـي تترأس / ـين عصابه ام انك عضو / ـه فيها فقط ؟؟
ماني رئيس يمكن عضو متمرد*موقف حصل في طفولتك كان له دور في تغيير مجرى حياتك ؟؟
مافي بالي شي هالحين..
*موقف حلوٌ ماتنسآه بطفولتك ؟؟
تعبت أتذكر ههههههههه*للصبآيآ / كيف كآنت تسريحة شعرك وآنتي طفله ؟؟
*للشبآب / كآن عندكّ هلوسة لبس الثوب ؟؟
مدري ..بس يمكن كنت أحب أكشخ بالثوب *أكبر مغامره قمتـ \ ـي فيها وانت صغير / ـه ؟؟
واجد منها محاولة طلوع الدرج بالسيكل وهذي دخلت على أثرها في غيبوبه قويه
*من هو الشخص اللي يقع دائمأ في شر اذيتك ؟؟
ولد عمي* من كـان يدلعك أكثر أبوك ِ او أمك ؟\
الثنين..وجدتي أم أبوي أحبها حباًجماُ* آســم دلعك بالطفوله لحد الان ينادونك فيـه ؟؟ وماهو ؟؟
أسمي +ي* كنتـ \ ـي تحبـ / ـين توقف او تجلس بالاول بالطابور اوالفصل ؟؟
لا
* كنتـ \ ـي دبـ \ ـه أو يابس \ ـه..؟؟؟
ههههههههه اضحك من يابس.. أتخيل أشكالنا يابسين تحت المطر ونلعب يابسين* هل عندك لعبه موجوده من صغرك إلى الآن ؟ وماهي ؟؟
راديو صغيرون* وش اسم اول مـدرسـ/ ــه درسكّ / ودرستكّ ؟؟
المدرسه أسمها الملك خالد وأول مدرس لي أسمه صلاح مرسي* هـل كـنتـ \ ـي تـعانـيـ / ـن مـن اخـطاء فـي مخـارج الحـروف ؟؟
ماأعتقد* حبيت من الجنس الأخر حب طفوليّ برئ/ إذآ كانت الاجابه نعم عطنا نبذه عن تجربتكّ ؟؟
للحين حبنا طفولي

* كلمه تهديهآ .. لطفولتكّ ؟؟
ماقصرتي
تكلم عن طفولتك بآختصآر .. ( لاتتعدى الخمس سطور ) .!
ماني متكلم أنفقع راسي وأناأتذكر أيام طفولتي..



محمد أبن ضاوي هو العضو اللي بعدي

[خ ــيآلْ ~]

.
ج ـنو ,,
تسلم ايدك والله
موضوع رهييييييييييييييييب
ومتابعة بـ ج ـنون
.

يسلمك ربي ...
طلتك الأرهب فديتك :مزون:

[خ ــيآلْ ~]

[align=right]
يعطيك العافيه يا ج ــنون الورد
وتسلمين يا حساسه على التدبيسة الطيبة
لي عوده إن شاء الله لين امخمخ على الاسئله زين ما زين
تحيه عطره[/align]

الله يعافيك يابرنس ..

[خ ــيآلْ ~]

جنون الورد
موضوع رووووووووووووعة رغم انة يخلينا نطلع الفضائح

الآروع حضورك ..

وفضايح البراءه ياحلوها من فضايح ^_^

[خ ــيآلْ ~]

محمد ..
طفولتك غير بقوه ..

الله من الشطانه اللي عليك ..
اجل الشارع لاحق عليه هههههههههههههههههههههه

الله يسعد قلبك على هالذكريات ....