بسم الله الرحمن الرحيم ،،
الحمد لله على هذه الأمطارالتي ارتوت على اثرها الأرض وتوسعت منها الصدور "
ولكم هذه القصيده مواكبه للأجواء الطبيعيه والخياليه ،،"
[poem=font=",6,green,bold,normal" bkcolor="transparent" bkimage="" border="none,6," type=2 line=0 align=center use=ex num="0,black""]
ياالله في نوٍ نصوبه مزابير = نوٍ بروقه في المناشي تلالا
يسقي الديار الممحلات المداهير = بمر الكريم اللي علينا تعالا
نوٍ من المنشى بليا معاصير = يسوقه اللي عالمٍ كل حالا
سيله قدم وبله يزف التباشير = والهم زاح وكل جرحٍ تشالا
والارض نبتت من جميع المزاهير = والناس شربوا من قراحٍ زلالا
والبدو فرحوا في جميع المقاطير = كلٍ على شفه يسوق الحلالا
اهل الدبش حطوا بروس العثامير = ميرادهم عدٍ طويل الحبالا
والبل واهلها مبعدين المشاوير = اهل الجهام اللي على ماتولا
تنزلوا مابين ابانات والنير = في مرتعٍ توه من المزن سالا
واستانس الخاطر بشوف المغاتير = اللي عليها يكثرون الجدالا
رثم الخشوم اكبارها والمصاغير = اللي تنومس كل ماجاء مجالا
والبر زان وزان شرب المباهير = في فيضهٍ فيها الخزامى تمالا
وخوه رجالٍ في اللوازم محاضير = ميقافهم باالطيب صعب المنالا
هذا هواي ورغبتي ياالمناعير = ياالله وأنا طالبك حسن المئالا
[/poem]
رد مع اقتباس
