ذوقي الألم
ذوقي الندم
ذوقي العذاب
صيحي من اعماقك
ونوحي،
واشتكي طول الغياب
واتجرعي كأس المراره
واندبي عمر الشباب
شقي ثيابك
مرغي خدك على وجه التراب00
ماتذكرين،
بالأمس كنت ابدنيتك
اغلى حبيب
كنت الأهل
واقرب قريب
كانت عيوني لك دفاء
مثل السماء
ويا للأسف !!!
كان الجزاء ظلم وعذاب
قلتي لي ارحل يافلان!!
رحلت ودموعي تسيل
الله من هم الرحيل
وصار النهار ابناظري
يأس وكدر
والليل..
صار الليل
اكثر من عذاب
ودون الأمل ستر وحجاب
ورحت ادّور في السهول وفي الهضاب
والهم يسرق بسمتي
ويغرس بقلبي ألف ناب
وصارت تناظرني العيون
كني الوحيد
وكل هالعالم ذياب00
رحلت عنّـك وآنا في حيره وعذاب
وانتي بعيد اهناك
وأحلامي سراب
وبعد هذا ترجعين
وش له تجين؟
لاتطلبي مني جواب
اللي تحبينه رحل
وعمره مضى
ماعاد يرجع لك شباب
لاتشتكين،
تستاهلين اللي جرى..
العمر مايرجع ورى
ذوقي الألم
ذوقي الندم
ذوقي العذاب
شقي ثيابك
مرغي خدك على وجه التراب