سواليف شيبان ( أللى عنده سالفة لايبخل بها علينا ترى نستاهل)

[أمل عبدالعزيز]

هذى سلمكم الله تاريخ جدي الله يرحمه يارب ويسكنه فسيح جناته,,,,

الله يطول بأعماركم فى طاعته جدي هذا كان فارس مغوار <=== هين كثري منها;)

ومن كثر شجاعته كان يشار عليه بالبنان ( يمديكم على البنان؟ ماظن) المهم

فبطولاته لاتعد ولاتحصى , وكانت جدتي رحمها الله بعد , أنسانة طيبة جداً وتحب جدي بالحيل بلحيل( قولوا ماشاء الله لو أهم ميتين للإحتياط :D )

وكانت هي سبب بطولاته , قولوا ليه ؟

سنروى لكم الرواية على لسان جدتي منزو طفولتها حتى وفاتها على يد الشيخ سكر بن ضغط

هذا سلمكم الله السالفة دوكم اياها على لسان جدتى:

شوفي يابنيتى يارهيبة ترى جدتس عبدالمحسن (ويدلعونه حسونة) كان رجل مقدام ( خطيرة مقدام اجل) ماحد يلحق له غبار , يمشي فى العصر من مدينة الطايف لمكة ياصل مكة بعد سنة :D كححححح قصدي بعد نصف ساعة

قلت لها أنا من شدة انبهارى : تعوذى ياشيخة ؟ قولي غير تسذا؟ ليه لايكون جدي صاير ( طيارة أباتشي) فماكان من جدتى غير تلفخنى على علباى بتبسي الرز على بالها أن الغدا جا

المهم نكمل خط السالفة معها:

ويابنيتى ترى جدتس رجل مهوب سهل له بطولات كثيرة لاتعد ولاتحصى ( هاه عاد وش رايكم فى لاتعد ولاتحصى؟)

يوم أنا كنت صغيرة فى القرية تسان فيه قطاع طرق يمرون ويسرقون القوافل ( ايه اى قوافل الله يرحم حالتس قولي ياجدتى فلافل |4| )

وكان جدتس يارهوبة جالس فى الطريق يشرب فى هالزقاير ويتحرى هالقطاع بسكينة بلاستيك

ايه لاتفغرين اثمتس تراه قوى بشكل يقدر يذبح التيس بدون مايجيب سكينة بس باظفوره

وراتس يابنيتى ترى والله لن زاد فتحتى أثمتس لاحوس ابوجد السالفة وأجيب الطعة فيتس وفى أمتس الى موخرتن الغدا ومنشبتس فى حلزى

المهم نرجع لمحور نصبنا كححح قصدى حديثنا:

وأبد يجلس يتحراهم , وكانت جدايل جدتس ( حسونة) طوووووووووويلة بالحيل بالحيل حتى يوم يجي يمشطها يضطر أنه يفرد شوشته على رواق الخيمة كامل علشان أخوه سفيران يمسك طرف وهو طرف ويبدون يكدون فى عرادته

المهم يابنيتى هي سوالف كثيرة ماقدر أحصيها لتس لكن لتس هالموقف

للحديث بقية يتبع

[أمل عبدالعزيز]

ويومه يتحرى هالقافلة ( ماسكة مع جدتى خط سالفة القافلة وقفلت) ويوم تقرب وهو ألى ينخش تحت صخرة وزنها خمسة طن

سألتها: شلون؟

ردت بعصبية |21| شلون شلون شلون ؟ وشفيتس أنتى قلت: لاشيء كملى قبل يفقع راسى من نصبتس

قالت أبد: هو من قوته يقدر يشيل جبل الله وأكبر على عدوتس ياجدتى )

قلت أأنا :اهااااااا وأنا أقول ليش أنا قوية أثره عامل الوراثة

كملت عاد : المهم وطبعا جدتس أنخرش تحت الصخرة ويوم تمر القافلة واثرهم خاطفين بنت من بنات القبيلة وحاطين فى أثمها قطعة خبزة كبر راستس

ويقوم جدتس وينبرش عليهم انبراشة مثل أنبراشة الدعيع على الكورة فى وسط المرمى , ويفك اسرها ويقتلهم كل أبوهم بسكينة فاكهة ياللهول

وتقوم البنت طلعت بنت الأمير وتقول له : حسونة أستر على لاتفضحنى بين ربعى

ويقوم يحلف لها هالفارس الهمام ولايعلم أحد

تصدقين يارهوبة !!

قلت وشو؟

قالت: أنه حتى أنا بزمى وعراى ماعلمنى ألى هى أنا ماغيري؟

قلت لها: شنهااااااااااااو وش قلتىىىى معقول؟ شلون صبرتي؟

قالت: هماه فارس خفت لاطلوها معه يقوم يمسك معه خط التكفيخ ويجينى النصيب من الطق فقلت اسسكت أبرك لي وبعد علشان أحافظ على مستقبل أمتس

حيث لوه طلقنى مين بينتبه لأمتس؟

قلت أهاااااااااااا الله يطول بعمرتس ياجدتى وياجعل العدو يموت ولا أنتى

أجل هذى سوالفتس

زين فى المرة الجاية ياجدة لصرنا نتفرج على قرندايزر فأنا انصحتس لله لعاد تجلسين معنا لأنتس شكلتس متأثره بها حييييل حيل

وتوتة توتة خلصت النصبة المحبوكة |4|

[يزيد]

وخيتي

وانا اقول من طالعه عليه

مافيه احد الا وفلقتيه

ولا بنت الا ومععععطتي شوشتها

وغير الصفات الخارقه اللي ما تنعد ولا تحصى

اثرتس تقربين لحسونه المغوار ( كان جدي صديقه ودايم يسولف عن مغامراته معه)

ايييييييييه

[الرئيسة]

الله الله يارهيبة آثاري حسونة المغاور جدك يرحمه الله

وانا أقول الرهيبة طالعة لمين آثري حسونة جدها ياشيخة كذا الجدود ولا بلاش

عاد أن بقول قصة جدتي رحمها الله عاد جدتي ماتجي جنب جدك شيء بس عاد مشيها

قصة جدتي طبعاً انا ماأجي عند السيناريوا حقك شيء بس كلاً على جده

المهم جاء ذاك اليوم وطلعنا رحلة والرحلة كانت لمكان بعيد جداً

وجاء علينا الليل واحنا باقي في هذاك الوادي الي يخرع

ماصدقنا أنهم ينادون الرجال بالرحيل وآثري جدتي أخذتها نعيسة نامت تحت شجرة في الوادي ومعروف العجز من تغيب الشمس ينعسون وينامون

المهم نادي المنادي وجهزنا عفشنا ومواعيننا والله يامواعين انه يشيب الراس من كثرها ما تم شيء إلا أخذناه حتى (عيدي آمين) وهذا برميل اسود كبير يحطون الماء فيه
وركبنا في السيارات الأغراض فوق بعض وكانت السيارات الله يرحم حالنا ونيتات
المهم رحلنا ونسينا جدتي ( ترى ماهو طاش ماطاش ):D
ويوم صحت جدتي من نعستها الا مابه ولا أحد في الوادي إلا هي

كان تنادي فلان ،،،،،،،:(فلانة،،،،،،،، :oيجعلكم بالحمى الي تنفظكم
ومسكينة جدتي نادي والا ماتنادي العرب قظبوا الخط وراحوا ولا أحد أفتكر في جدتي حتى جدي نسيها
عودت جدتي جلست عند أحد الأشجار وهي تقرا الأذكار وتدعي علينا
الى شوي وسيارة جايه من بعيد ،،،،،،،،،،،،،،،،،،،،
وفرحت جدتي قالت هذولا أفقدوني وجاوا ياخذوني ،،،،،،،،
الأ السيارة يوم وقفت بعيد عنها وتسمع صراخ بنت تقول الحقوووووووووني
وقامت جدتي اندست وراء الشجرة
ويقوم ينزل من السيارة شباب ومعهم بنت خاطفينها عاد أنا مادري يقولون أن البنت
أبوها وزير بس إلى الآن جدتي ماعلمتنا
وتصيح البنت الحقوني

قامت جدتي حزنت على المسكينة وتقوم جدتي تفك شيلتها ( طرحتها ) من فوق شعرها
وتنثر هذاك الشعر المحنى برتقالي على أبيض إلي ينعدون على الأصابع
وتفغر أثمها وتجي تصيح على الشباب

الشباب فكروها أيش ،،،،،،،،،، كل يفكر،،،،،،،،فكروها من الربع الي تخبرون
ويهربون الشباب ويتركون البنت

،،،،،،،،،،،،،،،،،،،،،،،،، ، وبذلك أنقذت جدتي تلك المسكينة

عاد باقي القصة كمليها يالرهيبة على حسب أبداعك1

[أمل عبدالعزيز]

يايزيد لو أعلمك ببطولات جداني رحمهم الله ومأثرهم يمكن تروح تدفن نفسك حسرة عليها كيف أنك مادشيت التاريخ من أوسع ابوابه مثلهم

فلذا لاتخلينى أنفض غشيل العايلة الكريمة بتنحاش من المنتدى أنت وسربك الى معاك

وترى هذى علوم سجلتها قصص ومآثر ,,, لشباب قبيلتنا العناتر <=== أخص ياعناتر مرة وحدة

تسلم على هيك طلة وبنزل ( نظل) ننتزرك فى كل مرة من شان تيجي لهون وترد علينا خيو <=== مربيتها لبنانية بس القراوة مايفيد فيهم عرابجة بالفطرة|21|

[أمل عبدالعزيز]

والله ياريوسة لو قلت لتس أنى مت ضحك من سوالفك العسل فهي قليلة

يابت لايكون جدتس تقرب لجدتى رحمها الله؟

ترى فيه تشابه بس جدتى كان شعرها من طوله ( يعنى جدى وجدتى عليهم شعور ولاحتى الهنود فى عصر الأغريق) تجيب جدتى مزنة ومقبولة وحدة تمسك ووحدة تمش وجدتى تصيح |21| فكو شعري ياعرابجة قطعتوه وهن ( الثنتين) كانوا غايرات من شعر جدتى فيمعطونه من عروقه رحمها الله

ماتت ماعندها غير شعرتين والثالثة أنقطعت عند باب المحكمة تطالب بدية أخوياتها أللى تقطعن من كد اللواتى سبق ذكرهن ..

فالمهم ياريوسة ترى جدتك هذى مهيب هينة بس هل شيلتها ماركة كدلك ولا كابرس؟

لان كل ماركة ولها أثر قوي

بس لو تطيرين للسماء مثل شيلة جدتى رحمها الله كانت على فكرة ماركتها ( شبح بجنوط) هذى الله يسلمتس لو تطيرين للسما ماتقدرين توقفين قوتها

لانها كانت من كثر قوة هالشيلة تقوم بمية شغلة

مثلاً:

تربط فيها الغنم بالحوش وهى لابستها |1| ولاتقولين كيف

تنشر عليها الغسيل وهي لابستها |12| هم لاتقولين كيف

تخنق فيها جدي لصار يرفع صوته بالشخير تالى الليل فى الخيمة |15|

فالعلوم بصراحة طويلة والردود يبيلها صحف ومجلات مثل مذكراتى واللى لم تنتهى للحين ولكن لازال الطبع جارى وسلامتس ياريوووووووووووووسة ياراعية الدغبوسة |16|

[بدر]

هلا الرهيبه ...

أولا ابي اشكرك على موضوعك الحلو .


ثانيا أبي اقول لك قصة طريفة عن الشيبان . قالها لي واحد من الشباب .. وكان حاضرتها ..


المهم السالفة حقيقييييييييييييييييييييي يييقه .

المهم ان الرجال يقول انه كان في حارتهم وقدام بيتهم بالتحديد شجره كبيره يظللون بها السيارات حقتهم . .المهم جاء واحد من شيبان النحس في حارتهم وعرض على ابوه انه يسويها جلسه لشيبان الحاره يتقهوون فيها بعد صلاة العصر .. المهم ابوه قبل وسوى جلسة شعبية وحط فيها كنت وحركتات وسكنتنات.
عاد فيه واحد من جيرانهم عليه عين .. اللهم ياكافي . والله توقف ماكينة السياره . عاد الشايب هذا اهو من اصحاب الفكرة الأساسية في تأسيس الجلسة هذي . المهم ان الولد يقول انه في يوم من الأيام كان ابوه مسوي قهوة العصير .. واللي قاعد يقهويهم زميلي هذا .. يقول انا اندبلت تسبدي من كثر ماني واقف اقهويهم .. وكل واحد منهم مافيه له ولا سن وانواع اللثمة كأنهم راكبين جيب شاص ..

يقول وانا قاعد اناظر ابو عين حاره وهو انواع الحقد عليه لانه وصل الفنجال رقم عشرطعش ولا خلص ..يقول عاد واهو يسولف .. فيه عصفور من العصافير اللي إذا غردت ماسكتت وعليها ازعاج غير طبيعي ..وإذا غرد ماسكت .. المهم والشايب النظول (عينه حاره ) قاعد يسولف وناظر للعصفور واشر بيده عليه وقال نعنبوه يارجال ياصغره وياطول صوته حتى سالفتي عجزت اكملها من ازعاجه ... يقول زميلي انه مامداه يخلص سالفته إلا العصفور جاي على وجهه بوسط الجلسه .....


يقول عاد انا ماقدرت امسك نفسي من الضحك . اولا لان الشايب اللي نظله صار بوجهه انواع الوان الطيف .. وثانيا لانه رحمني وخلص القهوه ..

المهم يقول ويناظرون له الشيبان وقالوا له ياخي حرام عليك اذكر الله عليه واعتقه لوجه الله ..

وبعد تتطلب مسكه بايده وذكر اسم الله عليه شوي يوم طار العصفور .. قام النظول وناظر فيه مره ثانية وقال نعنبوه مامداه على طول طار.........

ويجي المره هذي العصفور على خشته مييييييييييييييييت ..


الله لا يبلانا . بس .. قولوا آمين ..



اخوكم

بدر

[أمل عبدالعزيز]

ههههههههههههههههههههههههه هههههه بدر الله ويسع خاطرك بس

وش هالشايب الداعس

والمصيبة يعنى مسكت معه خط العين ولاقدر يستغنى عنها

بس تدرى عاد أنا لو منك أسوى معاهده مع شايب قريح ذا قل وشلون

أعلمك

قول له ياعمي ( شكل اسمه صلبوخ مابوه شك) شف طال خشمك ودي أنك تقدم لي خدمتون صغنيتون ...

هو طبعاً أكيد بيوافق خصوصاً لقلت له أنه فيك شبه من جدتك :D

أهم شيء وهقه وقول له وش رايك تسوي لنا خير بعيونك هذى ألى كنها أنوار جمس 2003 واطى :D

أبيك ياشايب الرحمن تنطل هالشجرة بعين وتخليها تطيح على الشايب حميدان لأنى سمعت أنه بيخطب جدتى عمشة وهى مصممة ماتبي غيرك

فطبعا الرجال بتمسك معاه قصة عمشة ويمكن يجي يم بيتكم ويصفق العمارة كلها بعين ماعدى غرفة نوم جدتك عمشة

هاه ويش رايك فى الفكرة كويسسسسسسسسة ولامهيب كوييييييييسة

سلااااااااااام ومرسي على طلتك

[أبوعبدالرحمن]

ههههههههههههههههههههههههه ه

ام حسونه الله يوسع صدرك مثل ما وسعتي صدونا بهالبكش

وصراحة اهم شيء انك استثرتي لنا الرئيسه وزارت الغربلة


وسالفة أنا مجنونها هذي لحالها سالفه ههههههههههههههه

الله يكفينا شر العين


بس فيه نظرة ستقبلية خارقه ههههههههههههههههههههههههه ههههه


قالت: هماه فارس خفت لاطلوها معه يقوم يمسك معه خط التكفيخ ويجينى النصيب من الطق فقلت اسسكت أبرك لي وبعد علشان أحافظ على مستقبل أمتس

حيث لوه طلقنى مين بينتبه لأمتس؟

ههههههههههههههههههههههههه ههههههههههههههههه ياويلي بس على بعد النظر

=================

طيب اسمعوا سالفتي والسالفه حقيقية

هذا صديق لي راح يخطب هو وابوه وجده

وطبعاً قبل يروحون كان فيه اتصالات وتلفونات بين الحريم

والموافقه ما كانت ميه بالمية لانهم كانوا يبون يشوفون الولد وش هو من لحيه :)

المهم وصولوا كلهم بيت اهل العروسة وجلسوا مع ابوها والولد مشخص ومسوي ثقل

وكل ما انتهت سالفه قال لاحول ولا قوة إلا بالله وكل ماسكت المجلس قام يسبح بصوت

عالي >>> انواع البكش

وتروح السوالف وتجي السوالف وتكلموا في موضوع الخطبة

وقام ابو العروسة يقول للعريس نصايح في الحياة الاسرية وكيف وانواع شباب اليوم


واستهتراهم بالحياة الاسرية ويعطي العريس نصايح دينيه بعد

وفجأة


نط الشايب جد العريس وقال :

والله ان طارق لو يخلي عنه عيال مطلق وشرب التتتن والسهر للفجاري

انه بخير بس والله مايشوف الخير وهو يماشي هالسرابيت اللي علموه التتن

ههههههههههههههههههههههههه هههههه

ويكمل لي عريس الغفلة سالفته ويقول أن ابو العروسة تغير كلامه ميه وثمانين درجة

بعد كلام جدي ولا عاد صار ينصحني عرف أن ما فيني خير ,,,,

وقام يجيب سوالف بعيده عن الخطبه والعرس

ويوم حشرناه ورجعناه لموضوع العرس قال بنتصل عليكم قريب اذا اخذنا راي البنت


يقول بغيت انط بحلقه واقول البنت موافقه


المهم شفت وجهك ياسعيدان ولا شفت وجه عمي المنتظر ولا سمعت رده ولنا خمس


شهو الحين :)


قلت له : غن ياااااالييييييييييييييييي ييييييييل ما طولك واذا رحت تخطب اصفق جدك

بشراب كحه وخله يرقد :)

[أمل عبدالعزيز]

ههههههههههههههههههههههههه هه

هو لو طارق يكب التتن والسربتة والسهر للفجريات

ياشيييييييييخ اروح كشنة لشايب قريح ذا وينه فيه

لايصير يقرب لحسونة وأنا مدرى

بصراحة ياعشق هالسالفة لحالها يبيلها ملحق أضافى تنزل بلحالها

بس شف عشوق مهما يكون فجدى " حسونة" شيء ثاني ..ولصارت جدتى تدلعه تسميه فى بعض الأحايين " حسحس" بس هاه حساسة لاتزعل مالى دخل هذا الواقع

طبعاً لسمع صوت جدتى والذى كان مثل تغريد العصافير يصير كشنة , يتنثر , معاد يدري هو بليل ولا بنهار ويبدى يخنبق من زود الفرح

لكن لايفوتنى هالمةر أتذكر أحدى رحلات جدى العالمية لمصر

هذى سلمكم الله راح بيعرس عقب لقت حتفها جدتى , وكان مايتكلم ولا بببنت شفة ( يمكن عجوز شفه أيه بس بنت لا:p المهم

ويمسك الزعل معاه خط سريع ألين جا الصيف فاضطر خالى ( سعد) يسافر بجدي( حسحس) ويوم ياصل هناك يبي يعرس هالرجال الطيب ويجيك العلم الشين

أول ماصار اسرائيل تحكم قبضتها على الغربية وغزة

الماخوذ ذاك وش اسمه ؟ ريسهم ياربيه وشهو اسمه ؟؟ والله نسيت ؟ المهم ذبحوه الربع هناك الى هو قبل حسنى ولد مبارك اييييييييه تذكرت السادات

حصل بعض الفياضانات فى النيل وماجاوره حتى بغى يتم ايصال النيل بالفرات بسبت جدتى وعرسه

وش بعد؟؟؟؟؟؟؟؟؟؟ أمممممممممممم

ايه مر من يم بنية صغيرة تطر ( تشحذ لغير العرب) فقال لها: هذا كم جنية وتطلع بنت المدرى وشو تبى مياااااات مب واحد ولا عشرة وابد تفك عليه هالسوالف:

ياراقل ياعقوز مناخيرك قوز وطببببببببببببببببببببببب ببب فاضطر جدي يعيد أمجاده ويطلع سكينة الفاكهة ويذبح فيها البنت .. يمكن تقلون طيب وليه ماستخدم أظفوره صح؟:D

فنرد عليكم بكل شجاعة ونقول لكم لأنه كان مقصص أظافره لزوم العرس والتشخيص

وسلاااااااااااااااااااااا ااااام مخمس|1|

[الرئيسة]

لالالالالالالالالالا
صراحة قصص حسونة وشيبة عشق ليل خلوها في ملحق خاص
أما شيبة مجنوانها فهذا بعد يبيله ملحق خاص لوحده على أساس مايطق باقي الشيبان بعين
هذا وصلى الله على سيدنا محمد وعلى آله وصحبه آجمعين

[أمل عبدالعزيز]

ياريوسة تحري فى العدد المزبل جدي يطير في يومٍ مطير 00

سلاااااااااااااااااااام|45|