السلام عليكم
لو يختفي للشمس ضي او ينطفي نور القمر**لو طاحت النجمه ذليلة وانتهى قدر السحاب
لو تنحني روس الجبال او ينكسر موج البحر**لو يعتري لون الشفق حمره من ألوان العذاب
لو يذبل الورد الندي او يرتخي صوت الحجر**لو يصبح العالم كسير يرتجي رحمة مصاب
لو كان ضعف يشتكي او كل ذنب يغتفر**لو ينقتل فينا الضمير ونحسب الزله صواب
لو كل شامخ في حياته ينكسر ثم ينكسر** لو كل عاشق يحرق الواشين من نار العتاب
لو كل هذا يجتمع في واقع ماله مفر**والله ما احني هامتي والعز لبسني ثياب
ياللي تحسبين الملا مجموع في كف زهر**ياللي تشوفين المحاسن مالها غيرك مآب
لا ينخدع باسك كثير وبعدها لامن عثر**تبكين من غدر النهايه والمدى حولك سراب
مسكينه يا بنت اجرحتني تحسب ان جرحي فخر**تجمع نوايا حقدها في وقت يغزوها الهباب
ما تدري انها في حياتي مالها عندي قدر**كل همها تجرح خفوقي ومال رجواها جواب
لا تحسبين الجرح ادما مالها جروحك اثر** وانتي مجرد سالفه مرهونه لوجه الضباب
لو هو شعورك يحتوي ذرة من انفاس العطر**ما كان سارتك بك عيوبك مثل ريح ما تهاب
لله حالك يالفهيمه لو غدى بوحك عذر**انا احمد الله من عفاف يعتلي بي للشهاب
اكتب عن احساس اليتامى واوري الضامي شعر**وازرع خفوق الناس ورد واجني الهمه ثواب
وما ينحني راسي ابد لو تجتمع كل البشر**ولا انتي ولا غيرك يساوي ذره بين التراب