[poem=font="Arial,7,black,normal,normal" bkcolor="transparent" bkimage="backgrounds/7.gif" border="groove,10,purple" type=2 line=0 align=center use=ex num="0,black"]
راكب اللي ما شروه مـن الحـراج=ولا شروه من المحـرّج والزبـون
جا من اليابان من جـوف الكـراج=وفي بـلاد عريبيـا فـك العيـون
جا مسّوا من حديـد ومـن زجـاج=كنه مسّـوا تحـت كـافٍ ونـون
جيب كأنـه لابـسٍ نجمـه وتـاج=منـوة العشّاقـه اللـي يعشـقـون
ومنوة اللـي مـا يهابـون الـدلاج=يوم كـل النـاس عنهـم يرقـدون
ومنوة اللي مـا يحبـون الدجـاج=شفهـم صيـد الحبـاري والبـدون
يحمـل كتـابٍ كتبتـه بانـزعـاج=من فـؤادٍ تتعبـه خظـر الطعـون
كاتبه من شي جـوف القلـب لاج=والسنون البيض تطحـن بالسنـون
جعل يقفـا ضيـق الأيـام انفـراج=لا وصلك الخط يا القلـب الحنـون
يـا غـزالٍ مـرّ قدامـي ومـاج=موج ضبيٍ شاف راعه في سكـون
لو مالـي بالهـوى قبلـك مـزاج=صرت هاوي لو يكون اللي يكـون
يا كحيل الطرف يا فـل الحجـاج=يا عبير الورد يـا قطـر المـزون
نام في عيني ورمشي لـك سيـاج=وامش في قلبي وتلقى من يصـون
خلهـا تصبـح مـوده وانـدمـاج=خلنا نطرب علـى ذيـك اللحـون
نشرب الصافي ولا نشرب همـاج=وانتمايل بالهـوى مثـل الغصـون
منـك مدخـالـي وبالله الـخـراج=مير00000 ألا يا ليت قومي يعلمون
صالح الازوري [/poem]