ألبوم حياتى
=======
ألبوم حياتى من الصور
ف أخره فيه صورة لنـا
خلتنى أشتاق للسفــــــر
ف زمان حياتنا وحلمنا
=============
نتلم نقعد للسحـــــــــــــر
وتنام عيونا فى فجرنـــا
والله زمان كان القمـــــر
أكبر كتير من وقتنـــــــــا
وف نوره محلاه السهــر
ويا الجيران من حيينــــا
=============
الشمس كانت ف السمـــا
شعاع دفا بيلمنــــــــــــــا
م البرد من سحر الهــــوا
ده كان بعيد عن سننــــــا
يجمعنا بالليل السمــــــــر
ونعيش براءة عمرنـــــــا
=============
مع الزمان راح الأمــــان
والخوف سكن ف دربنــا
واتبدل العمر اللى كــــان
والسكة تاهت مننــــــــــا
وفضلت طول الليل سهران
أجرى أروح هنا وهنـــا
مالقيتش من عطر الزمان
غير صورة واحدة تضمنا