[poem=font="Arial,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياطير ياللي في السماء تصفق الريش=لا واهنيّك مدّ ريشك وجرّه
البطن ضامر والمخالب عكاريش=وماخالطك في بعض الايام حرّه
وما اونست حب اللي عيونه مراييش=اللي جذبني في حلاته ومرّه
غرو ٍ لعوب ٍ بالقلوب المهاشيش=ويفرّها في الحب مليون فرّه
عاده على مبداه في واهج الطيش=اربع عشر والخمس ياطير عمره
لاشفت خده صار بالفكر تشويش=يجذب عروق القلب لله درّه
من لامني في حبه اليوم حتى ايش=ماهمني من قال وإلاّ تشرّه
اي والله احبه بليا ولا ليش=كيفي وانا نفسي مع الزين حرّه
بقلوبنا اللي للتواصل معاطيش=ماعاد فيها للصبر كود ذرّه
ومن شدّ حبل الوصل من دون تهميش=يكسب غلا محبوبه اللي يسرّه[/poem]