المشاركة الأصلية كتبت بواسطة أبوعبدالرحمن
[poem=font="Simplified Arabic,4,darkblue,bold,normal" bkcolor="white" bkimage="" border="outset,10,blue" type=2 line=0 align=center use=ex num="0,black"]
*
**
تقول : بغيب دامك ما تعبّرني =من قال بالله بأني ما أعبّرها !!
لبيه يا عتابها الجذّاب ( تئبرني )=ما عاش من هو يزعلها ويكدّرها
لو قلت بعيونها الثنتين تسحرني=يمكن أنّي أكون في التقدير أصغّرها
لأنها بالمحبة دوم تغمرني=لها فضايل عجزت اليوم لاحصرها
الحسن والذوق والأخلاق تبهرني=هل بعد هذا أجي هالحين وأقهرها
لو بتنكّر لها فالقلب ينهرني=يقول وقّف هنا يا كيف تنكرها ؟!
( أميرة الحسن ) تشّر لي وتأمرني=روحي وعيني فدى مانيب ذاخرها
في قربها الناس ما والله تقهرني=كنّي ملكت أول الدنيا وآخرها
ما اقول أنا لابعدت عني بتخسرني=أقول في بعادها كلي بيخسرها
مانيب زعلان لو هي ما تذكّرني=بحاول أدمح خطاها غصب واعذرها
اسمع ( صدى القاف ) لا عزّم بيشكرني=لأن القصايد لها والشعر يذكرها
لا ما اكتب الشعر لاجل الشعر يشهرني=انا اكتب الشعر لاجل يطيب خاطرها
لا غنّت القاف من شعري تسهّرني=وشلون ما يبدع القيفان شاعرها ؟!
لا ضاعت الناس معها قلت : ما اكبرني=قدرت في وحدةٍ ما أحدٍ بيقدرها
اقرا وجيهٍ على دربي تناظرني=كلٍ يقول : الحظوظ اليوم ما اكبرها !!
*
[/poem]
تئبرني = تدفني في مقبرة العود بس باللبناني