كيف تختاري مكياجك من كل ماركة /متجدد
السلام عليكم ورحمة الله وبركاته
طبعا اغلبكم فاكرين الموضوع اللي كتبته
كيف تختاري مكياجك
حبيت افيد كل وحده كيف تختار الميك اب المناسب
لكن للاسف بعد فترة لقيت الصور اتمسحت
فحبيت اجدد الموضوع واخليه اعم واشمل
وحبيت اوريكم كل شركة ميك اب ايش احلى حاجه فيها
وايش يناسب كل وحده من هالماركه
واول ماركة حاتكلم عنها
for ever
ميك فور ايفر غني عن التعريف وبصراحه جربت منهم كثير اشياء وصراحه هالماركة مرة ممتااازة هي صراحه غاليه السعر بس سعرها فيها حقيقه
بأقولكم احلى اشياء عندهم ومن تجربه واللي شاهدته كثير اخواتي يستخدموه وعجبني
تابعوا معايا
اولا hd فاونديشن
مرة حلو بجد ومميز وينفع للمناسبات تغطيته حلوة ويرطب البشرة يحتوي على نسبه كبيرة من الماء والزيت لذلك فهو ينفع للبشرة الجافه والعاديه والمختلطه
هذا مات فلفيت
هذا اساس مات مات وطبعا فقط يستخدموه ذوات البشرة الدهنيه مرة اللي يعانوا من كثرة الدهون عل وجه بعد الميك يطفي اللمعه ويظهر الوجه مظهر جاف خالي من الدهون لانه يحتوي على نسبه باودر ومعروف انه اي اسا يحتوي باودر هذا معناه يجفف البشرة من الدهون
هذا البيس
اللي مايعرف البيس هو عبارة عن كريم شبه شفاف يستخدم قبل الميك اب وله عدة وظائف كل لون له وظيفه
مثلا الابيض ينور الوجه ويفتحه
الشفاف ينعم البشرة ويخليها حريرة الملمس
الاورنج للسمروات
الأصفر يعكس الضوء ويستخدموه اللي يتعرضوا للإضاءات كثير
الازرق هذا لذوات البشرة الشديدة البياض والباهته
الاخضر للبشرة الشلحبه المتعبه
البينك للبشرة المايله للإصفرار يعطيها مظهر ممتلئ
هذا اسمه بودي ان فيس
الاساس ممتاز جدا للمناسبات خاصه ينحط عل وجه والجسم كله وتمتصه البشرة بشكل جيد ومايترك اثر عل ملابس مرة حلو
Face & Body
وهذا الاساس اسمه Liquid Lift Foundation
يفيد الناس اللي بشرتهم جافه يرطب البشرة ويديها ملمس ناعم ويمنع شحوب البشرة اثناء الميك اب
ايضا
هذه بودرة فاونديشن اسمها Duo White
تغطيتها جيده لكن ماتصلح غير لذوات البشرة الدهنيه
ايضا
شاين اون باودر
حلوة مرررة تخلي الوجه يلمع وينفع للسهرات
هذه البودرة الحرة لوس باودر عشقي الابدي
معروف عني بنت العويضي يعني هالبودرة على طول ههههههه اللي قراوا مواضيعي عرفوا عني كثرة مدحي لها رهيبه صراحه تنعم البشرة وتلمع الوجه وماتغبر الوجه لانها شاين وبعد الاساس اخذ الفرشا حقت البلشر واحط عليها قليل من هالبودرة وانثره على وجهي بشكل سريع واو تعالي شوفي كيف الحلاوة ماتبين البشرة مقشرة ولا خطوط ولا تجاعيد لانها خفيفه وماتجفف ابدا اظن كدا كافي مدح لها
ترى في منها سوبر مات هذه جربتها بس تنفع للي بشرتهم دهنيه لانها جففت بشرتي
اللي بشرتها جافه او عاديه او مختلطه تاخذ الشاين منها واحلى شي رقم واحد و2 منها
طبعا ماننسى التاتو المشهورين بيه مرة حلو لرسم الحاجب واحلى لون رقم 3
وتجي معاه فرش صغيرة سهلة الإستخدام
البلوش عندهم مرة حلو
هذه الباليت ليب ستيك ارواج مرة حلوة بجد فيها خمس الوان وفي الوان كثيرة منها
وهذا الروج مرة حلو برضوا
Lacquered Transparent Lipstick
والوانه مرة حلوة
وهذا فيري قلوسي للي يحبوا اللمعه الاوفر بالروج
والوانه كمان مرة حلوة
- هذا اكوا بلاك
- لاينر كيك مرة ممتاز وسهل الإستخدام وسواد فاحم يستخدم بالفرشا الخاص بالاينر والماء
- وهذا اكوا كريم لاينر
لاينر كريمي برضوا ترسميه بالفرشا وسهل
تتحكمي بيه بالفرشا افضل من الاينر السايل
طبعا هذه مشهورة مرة بفور ايفر
الجليتر الناعم صراحه جنان وخاصه اللؤلؤي والفضي يجنن للسهرات
اسمهDiamond Powder
هذا تحطيه على اي روج يخليه مات بدون لمعه مطفي يعني اسمه مات ليب
بسسسسسسسسسس
وهذا كل شي اعرفه ممتاز بفور ايفر بجد بجد هالماركه كل حاجه فيها تجنن وكل ماتبحثي تلاقي اكثر اشياء حلوة وتستحق التجربه
واحب اظيف مثبت الميك اب عندهم مرررة ممتاز
وكريماتهم الخاصه بالبشرة وقت الميك اب مررررة ممتازة
كل وحده عندها مشكله في بشرتها من الميك اب مثلا يقشر وجهها او يدهن كثير او مايثبت الميك اب تسأل المندوب عن منتج يفيدها وراح يعطيها
وغير كدا فرش المكياج عندهم اكثر من رائعه لكن غاليه بس ممكن تاخذي منها فرشا البلوش وفرشا الاينر وفرشا توزيع اليب ستيك بس واللي تعرف للدمج وهذه الشغلات تاخذ فرشا الدمج منهم رائعه
وتابعوني مع ماركه جديده ان شاء الله
نجي لثاني ماركة شهرة
ماك
اولا صراحه ماجربت منهم الا الارواج والظلال والكيك لاينر لكن في أشياء سمعت عنها كثير وبنات كثير مدحوها وشفت انها مشهورة جدا زحبيت اقولكم ايش سمعت عنها عشان تستفيدوا
اولا
فيس اند بدي فاونديشن
هذا الاساس سمعت عنه مدح كثير هو للجسم والوجه سمعت انه مرة حلو وتغطيته ممتازة
وهذا الاساس كذلك مشهور جدا من ماك يمدحوا تغطيته جدا ويوجد منه كل الالوان فاتح جدا والغامق جدا والوسط درجاته شاااامله
وهذه طبعا أشهر من نار على علم
ستديو فيكس فاونديشن
$
بودرة واساس 2×1
بس هو عموما تنفع للبشرة المختلطه والدهنيه بس اما اللي تعاني من جفاف بشرتها وتشققات وتجاعيد لاتستخدمها مثل هالبودرة يحتاجلها ترطيب قبل
وهذه بودرة كومباكت مهم فقط للبشرة الدهنيه لان اي شي يحتوي باودر معناه يجفف البشرة لذلك اي باودر كومباكت لاتستخدموا الا اللي بشرتها دهنيه
مممممممم
ارواج ماك اللي لاتقاوم حقيقه أحلى مافي ماك ارواجه المات والشاين كلها حلوة لكن الأرواج المات عندهم مرررررة حلوة والوانها تجنن
وهذا الشادو تبعهم كمان مرة حلو
لايناراتهم مرة حلوة وخاصه الكريمي مو الخشبيه
الكيك لاينر مرة ممتاز انا جربته سهل الإستعمال بالفرشا المبلوله
البيجمنت يدحوه تبع ماك
واضاءة النايلون كذلك يمدحوها حييل تستخدم لتحت الحاجب
البلوش عند ماك مرة حلوة وخاصه المشمشي والبينك والليمتد
كمان الرموش ماركة ماك مرة حلوة للمناسبات
هذا اللي اعرفوا عن ماك وكل وحده تعرف عنه اكثر وعجبها شي من هذه الماركه تسدحها لنا هنا عشان كلنا نستفيد وننشوف سوا اذا يناسبنا ولا لأ
إنتظروني مع ماركه ثانيه