السلام عليكم
وكل عام وانتو بخير >> مرررة بعد الزحمة هههه
معليش اتأخرت عليكم .. بس زي منتوا عارفين .. ظروف العيد والدوام والله يعين
نكمل ....
*************
المحطة الخامسة
الـ هاوس بوت
شكلو من التراث الهندي .. واتوقع انو كان من أشكال السكن عندهم .. ومع الوقت استغلوه سياحيا ..
بس صراحة .. كانت تجربة تجنننننن و تستاهل ..
صحينا آخر يوم في كوماراكوم وخلصنا إجراءات مغادرتنا للمنتجع .. ولقينا الهاوس بوت يستنانا في المرفأ
كانت إقامتنا فيها يوم كامل بكل الوجبات .. طاقم الرحلة كان عبارة عن 3 أشخاص .. الربان والمساعد والطباخ >> قمة الدلع :)
وكان مكون من جلسة خارجية وغرفة طعام وغرفتين نوم بحماماتهم وجلسة حلوة فوق في الدور التاني
وكانت شغلتنا تنحصر في الاسترخاااء والاستمتاع بالرحلة بصريا وسمعيا وحسيا :)
و هادا هاوس بوتنا من برا :)
بملحق في السطوح :)
ركبنا .. وبدأت مراحل الـ انبهار .. كأننا داخلين جناح في فندق .. مو قارب ..
هنا المدخل أو الحوش في مقدمة القارب
كرسي الربان
الممر .. الغرف ع اليمين .. والنهر ع اليسار
غرفة الطعام
مغاسل
غرفة النوم
المطبخ
الدور التاني
فعلا كان الجو خرافي .. جلسنا فوق .. وكشفولنا الشراع اللي كانو مغطينو بيه .. وأبحرنا في عرض النهر .. في جو .. ولا في الأحلام
وطبعا كالعادة .. أوقفت كل اللحظات والمناظر الحلوة بكاميرتي ..
وهادا السوبر ماركت النهري
واحد من طاقم الرحلة .. وقفنا ونزلوا يشتروا سمك وجمبري وعصيرات عشان يطبخوا الغدا
عجبتني أخت الرجال دي :)
هاوس بوتات أشكال وألوان >> شكلو موقف :)
الحلو في الموضوع اننا طول محنا ماشين نشوف مناظر جديدة .. يعني مافي تكرار
وقفنا هنا عشان فترة الغدا
شاهي ماني فاكرة كان قبل الغدا والا بعد خخخ
كل هدول موقفين يتغدوا
وكملنا الرحلة بعد ما اتغدينا غداء فاخر على سطح البوت
وقابلنا المبنى دا .. مدري ايش عندو هنا لحالو وسط النهر !!!
أكتر شي عجبني هنا .. قوارب الصيادين
وع العشا .. قرر بابا الله يسعدو انو يطبخلنا .. وبالإمكانيات المتوفرة .. سوالنا أحلا رز بخاري
طبعا بالإضافة للأصناف اللي طبخوها هما
ومع اقتراب المغرب .. بدأت قوارب الصيد ترجع لمرافئها .. وهيأتلي مجال خصب لممارسة هوايتي في التصوير
وظلمت الدنيا .. وسهرنا في جو خيالي .. مع صور غير قابلة للنشر طبعا :)
ونمت كأني في حلم
وصحينا من الصباح فطرنا في طريقنا إلى إلبي
ودا المنتجع اللي نزلنا فيه في إلبي .. بس من بعيييد
وبكدا انتهت رحلة من أحلا الرحلات الي عشتها .. بجوها ومناظرها و الجمعة اللي مافي زيها ابدا
ونزلنا في المنتجع اللي هنااااك .. مودعين الـ هاوس بوت اللي من جد من جد دخل مزاجي
وانتظروني في المحطة السادسة ( إلبي )