محاورة شعرية بين الجنس الناعم .......!!!

**عبدالرحمن بن عمير بن حميد** · 06-01-2006, 04:13 AM

صحت السانتكم جميع

كانت محاوره راائعه والحضور راائع

تحيتي للجميع

**ورد الجــوري** · 06-01-2006, 04:15 AM

صح لسان الشاعرات لا هنتم
والله ليله حلوة مثلكم
ورب صدفه خير من الف ميعاد
/
/
لنا عودة معكم باذن الله
/
تسلمون
ونتمنى من الجمهور الترشيح بلا بخل
حق الاستمتاع والمشاهدة
/
/
ورد

**ورد الجــوري** · 06-01-2006, 04:16 AM

بكرة بسافر واسمحولي ابنام = عيوني اكبر من كبار الفناجيل

لكن وعدنا دايم الدوم قدام = مادام يمهلنا العمر في غرابيل

والشعر سبك وحبك مع رسم الاحلام = يكفي قليله عن كثير التفاصيل

ياورد ياجوري ترى بعض الايام = اخير من يطمع بجمع المحاصيل

الله يردك لغرابيل سالمة غانمة وتجين ونزفك بالورد
راح نفتقدك
وصح لسانك والجيات احلا ياقلب ورد
تسلمين والله

/
/
والشكر موصول لرهاااف شاعرتنا المبدعة
ربي يسعدك
:
/
ورد

**خيالات الشعر** · 06-01-2006, 04:19 AM

مشكووووره ورد الجووري ويعطيك العاافيه اختي

ومشكورين الجمهوور المتاابع وفعلا قضية وقت جميل معكم

وكل عاام والجميع بخير

**محمد الجبريني** · 06-01-2006, 04:19 AM

انا بصف ايلاف

انكان ماني غلطان الاسماء عندي تشابهت وختلط الحابل بالنابل المفروض مايلعبن سوي لتشابه اسماهن انغلط فيها

الشاعره الثانيه وش اسمها ريهاف فرق بسيط مطابقه

**ورد الجــوري** · 06-01-2006, 04:21 AM

مشكووووره ورد الجووري ويعطيك العاافيه اختي

ومشكورين الجمهوور المتاابع وفعلا قضية وقت جميل معكم

وكل عاام والجميع بخير

وانت بالف الف خير
يالمبدعة
ولك الحين جمهووووووور يهبل
وان شاء الله الجيات أكثر
/
/
محبتكم
ورد

**ورد الجــوري** · 06-01-2006, 04:32 AM

واليكم المحاورة كامله
للمبدعتان غير اشعار ايلاف يسعدها في صتمان هههه

ايلاف
هلا يامرحبا بالشاعرة والليله الليله = نبيها تمضي الساعه دقيقة والعمر فاني

عسى من قدم الدعوة ليال العمر تبطي له = وانا ماالبي الدعوة ياكود لدعوة اخواني

رهاف
لا يامرحبا واهلين بمن قدم مواويله = عسى ايامك تدووم سنين وبيتك وين وداني

الا عز القصيد اقول تسلم لي مراسيله = ولا عبر بيوتي كود من محصول وجداني

***
ايلاف

لفى بك حظك العاثر وحظك مظلم ليله = ولاظني يطيب الحظ معي يابنت جيراني

انا جيت انشدك عن طفل يبكي له ويشكي له = ويضحك له ويفرح له وهو من صمته يعاني

ايلاف ترد غلى نفسها من طول الانتظار

هلا حييتي وطاب المكان اللي تفاصيله = حشى ماغابت ولاطابت ولاشابت الا داخل اعياني

انا اجيه وانا جيله واسولف له وانا اجي له = واسولف له عن الدنيا وعن همي واحزاني

رد ريهاف

انا حظي على يدي ولو طاحت محاصيله = ولكنك تبين الطب والدكتور وجعاني

عسى من ساقك بيده معك مايرتخي حيله = وانا عرفه لو اصنفه اسمه شخص خواني

ريهاف

تقولينه عقب ماطار منك برقع وشيله = تعانين وتحسبين العرب في دربك تعاني

تذري في السماء وعيونكي ترقب مخاييله = عسى ربك يزينها ويسقي كبد ظمياني

والله الا جت على المنوة :ايلاف

انا فوق السماء ياللي حلاك اقفت تفاصيله = وغديتي من رداة الحظ عجوز ووجهها شاني

ترى ماعاد باقي لك سوى مافات تبكي له = عساه يهدي احزانك متى مابل الاوجاني

ايلاف
اجنب عنك وارجع لك واغيب شوي وارثيله = ترى وضعك معي اصعب من الحاجة للانساني

وانا ماهمني ابقى معك نجمه ولا ليله = انا يكفيني من هذا الزمن كله ماجاب جداني

ريهاف

تروي واركدي لا تخطفين العلم يالفيله = ترى الدعوه سياسه ماهي بخمات خبلاني

تقولين الشعر وانتي تشدينه معا ذيله = وجا في صدركي سهمين مير الناس عمياني

ايلاف
سقى الله عامنا الاول هذاك اللي تعاليله = الليا مرت على بالك يطير النوم لاحاني

وراك تفتشين بماضي انتي بهاذيله = وحصاة ارزاح ماتنزاح في بعضات الاحياني

ريهاف

تعالي للنجر وانتي سوات البن والهيله = ندقك لين يطلع من دماغك كل شيطاني

تغطين الهزيمه والوسم في جبهتك نيله = عساها في كبود اهل الردا وبكبد عدواني

ايلاف
خلاص انقفل الموضوع ياريهاف ياحليله = عيوني صارت احمر من عيون القط مرجاني

وانا وانتي زميلات وقصايدنا لها الشيله = ( وبص بئى حضرتك أومي روحي نامي انا مش نئصاك انيت التانية يابنت يامهببة ))

ريهاف

ترى دوم المهبل من ضحايا الغدر والحيله = واليا صرتي من المجني عليهم وينه الجاني

مالومك لو تلفين الحكي عندي محابيله = حشرتك حشرة العصفور لا جا بين جدراني
/

تحية للمبدعاتان :11ughboun
/
/
ورد

**ورد الجــوري** · 06-01-2006, 04:41 AM

موقف يهبل

صمتان
حرام انتس ناحته وقاضيه ياايلاف مير اصبري على بلواتس

(:

رد ايلاف عليه بهالأبيات تعجبيني يالنشمية والله

صتمان : عز الله انك ادورها

البتين هذي لك :

انا بنات اليوم مالـي بهـن شـف
عن طردهن مقفي ولا نـي بتبـاع
لو وقفن قدمي صفوف ٍ ورى صف
لانـي بلاشـاري ولانيـب بيـاع

وارد عليك انا بنص عين .. لا حرام بربع عين

بنات هذا الوقت عن وصفهن قف
ماهن بحاجة جاهل بالشعر ضاع
لو تجمع اموال العرب كلها بكف
ماراح تقبل فيك من قل الاسناع

والله قويه
/
/
دمتي لغرابيل
ممكن نحط تحت اسمك الفلته .....
وربي تستاهلين لقب يالغاليه

**ورد الجــوري** · 06-01-2006, 04:48 AM

تصبحوووون
على خير
وانتظروا النواعم في محاورة أخرى
شكر مني للشاعراتان المبدعاتان
وشكر عام لكل من حضر
/
/
ورد

**أبوملاك** · 06-01-2006, 04:50 AM

الشاعرة ايلاف والشاعرة ريهاف

صح لسانكم لا عدمناكم

شكرا لكما استمتعنا بأبياتكم

شكرا لورد الجوري التي احيت هذه المحاورة

**أبوعبدالرحمن** · 06-01-2006, 04:12 PM

صراحة فاتتني هالمحاورة

ومن اليوم نبي نسوي كل اسبوع محاورة رجالية ومحاورة نسائية

صحت قلووبكم

والله يعطيك العافية ياورد

**ورد الجــوري** · 06-01-2006, 04:58 PM

هلا والله
بضيف عزيز نورت
شكرا لحضورك المحاورة
/
/
ورد

**ورد الجــوري** · 06-01-2006, 05:06 PM

هلا والله بأبو عبدالرحمن
تماااام
وان شاء الله الجيات احلا
وننتظر الشاعرات المبدعات
/
/
ورد

**سعد العصيمي** · 08-01-2006, 12:17 AM

ياسلااااااااااااااااااااا اام على الابداع

بصراحه محاوره جميله

صح لسااااان ريهاف وصح لساااان ايلااااااف

محاوره ممتعه

لاهنتي اختي ورد الجوري

اخوك

**محمد السحيل** · 08-01-2006, 11:32 AM

الله الله الله

فاتني نص عمري

والله راحت معركه

داحس والغبراء

يالله خيرها في غيرها

عالعموم صح لسانيكن

ايته الاخوات المبدعات

وانا ابي اسبق اخواني الحضور
أبي ارشح ورد الجوري

لأنها صاحبة الفكره والمنظمه

تمنياتي للجميع بالتوفيق

اخوك

محمد العتيبي

الموضوع: محاورة شعرية بين الجنس الناعم .......!!!

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

عجائــب الجنس الناعم !!!!

يمنع دخول الجنس الناعم

محاورة شعرية بين شاعرين

الكلمات الدلالية لهذا الموضوع

ضوابط المشاركة