مقلط أهداب ومشاعر حالمه .,.,., سوالف خلف الكواليس خخخخ

[مشاعر حالمه]

بالله عليج انتي مره خخخخخخخخخخخ كل ذا ولاتعرفين اجل انتي رفلا خخخخخخخخ



ترى امزززززززح لاتزعلين ان كانج فهمتي كلمتي اللي تحتها خط خخخخخخ






يالهدبااااااااااااااااااا اء قولي آمين ...بعد آآآآآآآآآآآمين ...وبعد آآآآآآآآمين ...


جعل عمرج وعمر الطيبين والطيبات أمثالج عمر شعيــــــــــــــب النبـــــــــي ....عمر طويل على طاعة الله ^______^



عبدالله الشمري ..


أرحب والله أرحب ...والله يعافيك ولاهنت على الزيارة الطيبة ..^__^



عاد جبت الصور حقت كشتة يوم الجمعه ترى ماهيب كشته بمعنى الكشتة يعني هي كشته كشوتة <<=== احلفي خخخخخ


لا صدق يعني ماقعدنا واجد بس لأنه يوم واحد وكان الجو شاعري على قولة ابوي فديته قلنا بنظهر ونتغدا خارج البيت


عاد صارت سوالف انشهد اني فطست على اختي الصغيره من الضحك اول شي شوفي الصور وحده وحده


هذي ياطويلة العمر كان فيه كلابه في البر ( سلق ) أعزكم الله واختي وولد اخوي يوم اسمعوا صوتها تنابح فزعوا


يتراكضون يبون السيارة وانا وراهم ابي الحقهم اصورهم وهم اسبق مني


امحق بنت احسبني بالحقهم وبغيت اعثر والله خخخخخخخخخخخخ

شوفي :11ughboun




عاد هنا كانت تاكل شيبس ولاهيب حولي قلت خليني اصورها وابوي جنبها فديته بس ماطلعت وجهه :غمزه:





عاد كاميرتي طفت علي وانا ماأخذت احتياطي في البطاريات لأنها ديجتل وترفع ضغطي بعد


عقب ماتغدينا وارتحنا وتمشينا شوي في الرمال الجميله يازينها زيناه والله كانت طعوس بارده


ايه تذكرت كان لنا ابل منذو مبطييييييييييييي بس بعناها لأن ابوي ماتفرغ لها عشان كذا راحت علي


لا وبعد ازيدج من الشعر بيت كان لنا كمن معزى وعنز وتيس واحد لا وبعد صخيلات ياحلوهم حلواااااه


المهم قال ابوي امشي معي احلبي المعزى والله لايرويج والله ان ابوي فطس من الضحك


وانا اول مرة احلب معزى او بالأصح ابي اتجرأ وامسكها ماقدرت


تدرين وش سويت لحقتها ابي امسكها وهي تنحاش وانا وراها والله كان ذاك اليوم مطر ورعد وبرق يالبيه ياذاك اليوم


المهم انا الحقها منا وهي تروح مناك وابوي والله انه قاعد يتفرج ويضحك فديت قلبه تصدقين وش صار لي خخخخخخخ


اقسم لج برب الكعبه بغيت اطيح في الصندوق حق الشعير والعلف حقها عثرت على وجهي اي والله خخخخخخخخخ


وابوي طول الوقت ماغير يضحك ويكح خخخخخخخخخخخخخخخخخخخخخخخخخ خ

عاد هذي سالفتي مع المعزى والا سالفتي مع البل هذي يبيلها يومن آخر والله اني عجزت اصابعي تجمدت من البرد

الدريشة فاتحتها والبرد شمالي ^____^ يالبيه يالشمال ليتني والله اروح صوب الشمال وأربّع هناك انا واياج يالهدباء


عزالله خووووووووووووش ربيـــــــــع ...

[بغـدادالأمجاد]

والله ماعرفت معنى

الكلمة الي تحتها خط

[*أهداب*]

قال ابوي امشي معي احلبي المعزى والله لايرويج والله ان ابوي فطس من الضحك

يازينه بس احلبي ..
هذا شايبنا اللي عندنا امد الله عمره يقول اذبحي ذكي الضب

اقسم لج برب الكعبه بغيت اطيح في الصندوق حق الشعير والعلف حقها عثرت على وجهي اي والله

هذي تموت هي وسالفة السلق ....
يازينكم والله وزين كشتتكم ...والصور يالبى قلبك عليها ....

والطعوس ....تذهل العقل .......وراااك ماطعستي بسيارة ابوك ....

عاد هنا كانت تاكل شيبس ولاهيب حولي قلت خليني اصورها وابوي جنبها فديته بس ماطلعت وجهه

يارب يحفظه لكم ......ويخليه ....

يالبيه يالشمال ليتني والله اروح صوب الشمال وأربّع هناك انا واياج يالهدباء

روحي ياشيخه جعلك الجنة ....
شوقينا والله .....فديت قلبك الطاهر ....وروحك العذبة


يالله عودي علينا ولا تبطين .......كم انا في شوق لسوالفك عن البل ..........

[*أهداب*]

مجود ه

رفلا
===>>> غشيمة

===>> ماتعرفش حاجة

===>>> وفي راوية اخرى بعيداً عن المعاجم ماتنفع تصير حرمة بيت

يعني لو يجئ خطابه لك يقولو ابوك بنتي رفلا...

ينحاشون ما يرجعون ===>>>ما عليكم منهم الله لايردهم ..من زين هالوجيه هم يلقون ظفرك بس

[بغـدادالأمجاد]

تعالي عندي زيارة

أنا بالشمال باحلى منطقة بالشمال

[*أهداب*]

مين أنا والاّ مشاعر :11ughboun :11ughboun


أن كان أنا ما اروح الاّ ورجلي على رجل مشاعر ....
وإن كان مشاعر ...أكسر رجلها لو تروح من غيري


الرجاء تحديد الهوية للشخص المطلوب
ورقم البلك ....

وعدد الردود ....والقبيلة التي ينتمي إليها .....

وعطينا عنوانك الصحيح الغير قابل لنسيان ويليت يكون سهل وسلس القراءة ..
وسهل التتبع وما يكون فيه (سلق) .....في الطريق

[بغـدادالأمجاد]

أنتي وياها الله يحيكم

[مشاعر حالمه]

السلام عليكم ^______^

بغداد ...اقول كان باترجم لج بس دام اختي هدوبه ترجمت تكفي عني خخخخخخخخ


شلونكم عساكم بخير وسلامه ^___^


الهدبااااااااااء ياغلاي انا ماروووووووح أي مكان الا وانتي معي افاا علييييييج

حتى لو أروح للمريخ انتي معي خخخخخخخخ والله ودي أروح للشمال بعد حيي وميتي يالهدباء ^__*


اقول مادريتي ابو عراده عندنا في بيتنا خخخخخخخخخخخخ جانا مسيّر وقلت باصوره لكم تشوفونه شوفي صورته


وبانزلها في قسم الصور بعد والله شي لا وبعد قال يبي يجلس في خيمتنا هو ويا وجهه بس

انا عييت قلت له معصي ذي خيمتي بس خخخخخخخخخخ

عاد قلت له باصورك عند الجدار ويخب عليك بعد خخخخخخخخخ شوفي الصورة




ها وشرايج في ابو عراده ولدنا خخخخخخخخخخخ هذا ولد اخوي فديت روحه قلت خليني العب فيه شوي ^____^

[*أهداب*]

ياااااااااربي يحفظه لكم ويحميه
حرام عليكم الأسم أكبر من الزول .....يفداه الأش .....

والخيمة وصاحبة الخيمة .....وراااك تعزين عليه فيها.......


ياعمرري مشاعر .....وحشتيني بالحيل وينك اليومين السابقة .....

ودك تنحاشين من المقلط ....===>> ماخلت لك ولا قدح تغسلينه ولا ركنه تمسحينها

يعني خلت مقلطنا يلق لق ويلمع لميع ....يبيض الوجه
بس هاتي من قصيدك الزين ..واتحفي المسامع .....

[مشاعر حالمه]

هدوووووووووووبه ياقلبي انتي والله ابي احدد وقت مخصص للنت بشكل عام


لأن اهلي يقولون انتي لزقتي بالجهاز لزقه جونسون خخخخخخخخخخ



بس ابي اقولج اني ماخذه على خاطري منج : (


وباعلمج في msn ^__^


وابشري والله بالقصيد اللي يطربج فديت روحج .ومعها قصه بعد :11ughboun حركات يعني خخخخخ


.همسه في اذنج

7

7

7


>>>> أنَــا خَــوٍيـك فــى حَــزة الهَــم وٍالضَــيْق // وٍأنَــا يمـيــنك لــوٍ عــلـى المــوٍت قُــدام <<<<<<


طيب ياطويلة العمر ..


فيه سالفه نسمعها من العجايز من زمان عاد انا شفت السالفه في منتدى ومعها القصيده وابيج تستمتعين فيها ^__^

بداية السالفه ياغلاي

فيه رجال عنده مرتين ( حرمتين ) وحده منهم واللي هي ( الثانيه ) ماتبتسم في وجهه ولا تمازحه وقام وشك في حبها له ..


راح الرجال صوب وحده من العجز واستشارها و قالت له :


اخذ لك حيه وخيط فمها ...وخلها جنبك على الفراش وانت تظاهر بالموت ..


عاد الرجال سوى اللي قالت له العجوز ..


يوم جات حرمته تبي تقومه لقت الحيه جنبه وظنت المسكينه انها لدغته وانه مات


نادت الحرمه ولد جارتها ( طبينتها ) وأنشدت وهي تبكي عليه القصيدة ذي :

يازيد رد الزمل بأهل عبرتي
على ابوك عيني مايوقف هميلها

أعليت كم من سابق قد عثرتها
بعود القنا والخيل عجل جفيلها

وأعليت كم من هجمة قد شعيتها
صباح والا شعيتها من مقيلها

وأعليت كم من خفرة في غيا الصبا
تمناك ياوافي الخصايل حليلها

سقاي ذود الجار لاغاب جاره
وأخو جارته لاغاب عنها حليلها


لامرخي عينه يطالع لزولها
ولاسايل عنها ولامستسيلها

يوم سمع الكلام قام الرجال وابتسم في وجهها <<=== والله انه فاضي صدق خخخخخخخ المره تبكي وهو يضحك والله حاله


عاد هي عصبت وقالت له : مانيب راجعه لك الين يكلم الحجر الحجر والعود العود ^__^


هو ماعرف وش يسوي ..


راح صوب العجوز الفطينه .. وعلمها باللي صار تدرين وش قالت العجوز ؟؟ قالت له :


اما الحجر فهو الرحا اذا دارت وقامت يظهر لها صوت ..


والعود هو الربابه ..


راح وعلّم حرمته ...ورجعت معه ^___^


وشرايج ...عاد هذي سوالف كبار بس والله زين سوالفهم زيناه ...


,’,’,’,’,’,’,,’,’,’,’,’,’, ’,,’,’,’,’,’,’,’


وللحديث بقيــــــــــــــــــــــ ـــــــــة ^_____^

[مشاعر حالمه]

أهداااااااااااااب وينج والله حزينه من دونج أنااااااااا


: (

: (

: (

[*أهداب*]

هلا حياتي وعمري ....موجوده وأنا اختك .....

والقصة اللي سبق وذكرتيها ..راقة لنا ...وياطيب ها لأولين وشلون يمتلكون من الحيل والفطنة ....
حتى في تعاملهم ...بصراحة .يا مشاعر ..اتمنى الرجوع للوراء واني اعيش في هاك الزمان ...

ولو ابلغ الحين 100 سنة ....ما يهم بس اعيش سنة واحدة في زمانهم .....



عندي قصيدة أعجبتني ......حيل ....ترنمي فيها ....

القصيد للشاعر الكبير حمد بن محسن بن الحرير الغياثين المري قالها عندما فقدا بصرها



[poem=font="Simplified Arabic,4,firebrick,bold,normal" bkcolor="transparent" bkimage="" border="outset,1,teal" type=0 line=0 align=center use=ex num="0,black"]
ياعني اللي نظرها ما يقديني=وجدي على شوفة النجم آتقدابه
وجدي على شوفة العربان ياعيني=وجدي على شوفة المرقاب وارقابه
وجدي على شوفة اصفوف المصليني=وجدي على شوفة القرآن واقرابه
وجدي على شوفة البدو المعشيني =في خايع غب سيله ما تثرابه
قعدت فالبيت كني فيه مسكيني=ماعاد مني تغطى الزين بحجابه
كني سجين وراه يصك بابيني=غدا نهاري وظلمى الليل متشابه
وانا برجا الله عدال الموازيني=نرجي ثوابه وعفوه مالنا إلابه[/poem]


شفتي قد ايش ما نحس بالنعمة التي نحن من غيرها ولا شئ.....
فالوالد يقول هي نصف العمر ..

اي بالله النظر نص العمر ...
وأنا أشهد .....


ياليتك سمعتي ابوي وهو يغنيها ...كان دموعك تحلب من محاجرك ......


غلاي في إنتظارك ....وإنتظار علومك .....وابياتك ......

فهذا ما يوسع خاطري ويشرحه ......

[مشاعر حالمه]

[poem=font="Simplified Arabic,4,firebrick,bold,normal" bkcolor="transparent" bkimage="" border="outset,1,teal" type=0 line=0 align=center use=ex num="0,black"]
ياعني اللي نظرها ما يقديني=وجدي على شوفة النجم آتقدابه
وجدي على شوفة العربان ياعيني=وجدي على شوفة المرقاب وارقابه
وجدي على شوفة اصفوف المصليني=وجدي على شوفة القرآن واقرابه
وجدي على شوفة البدو المعشيني =في خايع غب سيله ما تثرابه
قعدت فالبيت كني فيه مسكيني=ماعاد مني تغطى الزين بحجابه
كني سجين وراه يصك بابيني=غدا نهاري وظلمى الليل متشابه
وانا برجا الله عدال الموازيني=نرجي ثوابه وعفوه مالنا إلابه[/poem]

ياوجد حالي وجداااااه ...


تقطع القلب اي والله الكلمات ...


تسلمين ياغلاي على الأبيات وماقصرتي وانتي ماتجيبين الا كل شي زين ...


اقول يالهدباء والله عندي علومٍ كثيرة ...بس اصبري علي هاليومين شوية عندي شغيلات بسيطه ..اخلصهم انشالله


وبارجع ارتب مقلطي واعلمج بالعلوم الطيّبة ^___^

[بغـدادالأمجاد]

مشاعر حالمة وأهداب

يازينكم وزين سواليفكم والله تشرح النفس

[مشاعر حالمه]

مرحبا يابغداد منورة يالغلا ^____^


تبوووووووون شاهي ياغوااااااالي ^____^


اصبروا اغسل المواعين والصحون وأكواب الشاي شوفوا فديتني نظيفة مواعيني ^___^<<=== ايه هين الا قولي



مستأجرتها من الحل اللي جمبكم خخخخخ





يالله اشربوا <<<== انتي من جدج هذا شاهي الحين المواعين فاضيه وتقولين شاي اها بس اها وخري هناك خخخخخخ



يالله رايحه وراجعه باذن الله اذا ربي كتب لي عمر ^_____^