السلام عليكم ورحمة الله وبركاته
عوده من جديد بقصيده خاصه للمدرسه
تطبيق على بحر الهلالي
هذا مالدي واتنمى أن يحظى بتقييمك أبله أمل
[poem= font="Simplified Arabic,6,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
أُتيت شي في العشْق مَاأوٌتي لناسه= عُلّمت منطق جوهر الغيد وإحساسه
علمت لكن كيف متى وأين وليه=دوّن فإن الحبر يظماه قرطاسه
أما جواب الكيف في حكمة التأجيل=متى..؟بعد ليلٍ زهى الشوق بلباسه
والأين ياقاريء في سوق طيبه كنت=سوقٍ جمع جوهر مثمن بمقياسه
وليـه..؟ ....يامجنون ليلى ترى ليلاك=في بحر ليلايَا فقط تملأ الطاسه
عفوا..!!سألتوا ليه ..؟ في عيد ذكرى الحب=قلت أشتري وأهديه لاحان مجلاسه
دخلت جوا السوق امشي وأجر الصوت="ريماس لك سوق الذهب دق مرواسه
وأسمع كثير أصوات يشبه لصوت الناس=وقفت أعسّ الصوت وأميّز أجراسه
وإثر الجواهر وحدها مصدر الأصوات=في وضع اقل مايوصف بقول " محتاسه"
ولقيتني المدعو إليها وانا المطلوب=وتقول"ريماسه ريماسه ريماسه"
فقلت مهلا أخفضوا صوتكم فضلا= مهيم..!! ومطلبكم يدوّن بكراسه
سكتوا جميعا ماعدا الفضه إذ قالت=كل الأُدُمْلُجْ يافتى كاتم أنفاسه
يريد قرباً وإنتماءً لريماسه=بدأ الخصام وخوّلوني لإنعاسه
قـال الذهب:هي بي وآنا بها أولى=ومرزبان السوق آنا وانا ساسه
وقال لي الألماس خذوه اصل قياس=ألماسةٍ يازينها تلبس ألماسه
قُليه يافضه عسى يحتويه القول=والعلم ياصل من طرف راسي لراسه
قولي له الألماس لك مانح انصافه=اثلاثه ارباعه اخماسه اسداسه
اسباعه اثمانه اتساعه اعشاره=طب وتخير قبل مايعلن افلاسه
صاح الذهب ثم قال يكفي انا متعب=شربت انا مر الالم من طرف كاسه
يهدى له الأبلج مني او الأملج =ليت الهديه تنتهي بقبضة اخماسه
ثم اعلن الألماس وقال من يهدي = يُوقَع على راسه مراسيل من فاسه
أبشتري كل شبر فيها بلا إيجار= وبصيرمن جنده ومن ضمن حراسه
سكت ثم ناديت : "فضه" ابيك .. كلمة راس=انتي من الجوهر او خارج اجناسه
قالت بلى : لكن ولّى زماني راح=الذوق ياماجد طرح وزني وداسه
لكن ترى الألماس هو لايق لريماس=تصدّق إنها همه وكل هوجاسه
اما الذهب الله يصبره في بلواه=وشلون بتحملْه لاحل وسواسه
خلاص أجل ألماس ,, وأكيد لي جيات=يازين منطقكم وياصدق إحساسه[/poem]
مرزبان: كلمه من أصل فارسي أي سيد وحاكم
الأدُمْلُج: بضم الهمز والدال وتسكين الميم وضم اللام أي الحُلِي
الأبلج: الساطع واللامع
الأملج: الداكن الذي تخالطه سمره
مَهيم: بفتح الميم وتسكين الهاء وفتح الياء :أي مالعلم ومالخبر.