][..سؤال للسحالي (((لو صرتي رجل ليوم واحد وش بتسوين))) ..][

[乂 مـحـمـد 乂]

احم احم
اول شي بدخل دونية اخوي الي اربع وعشرين ساعة ناقع فيها بشوف وش فيها زوود عن بيتنا

ههههههههههههههههههههههههه هههههههه

انا اادري وش فيها وانتي اخته ما اتدرين مصيبه هذي

:مزون:

اسالي خواتك الحلوين كل ماحملت وحدة تنست في ذا المسكين وهي مو طايقة تشوف وجهه تسبب علية

وربي ما فهمت وش ذا الحكي

ما ريا هذي اللغه عبريه صح :خخخخ:

وبصفق هندي البقالة ياخي مايمر يقهرني

والله حرام ارحمو من في الارض دئلت

دقيقة وبنتقم من خواتي بدل مايتامرون علي انا اتامر عليهم

والله يا انتي شريره تقلبين على طول على خواتك:مزون:

ودقها سفرة البحرين ابي اشوف الاولاد وش يسووون هناك ماشوف فيها زووود البحرين الي كل واحد شال الشنطة وراح
اهم شي سنما بالحالي اروووووح بحجز صف كامل لي
ايووووووووووووووا

وين الاخت داخله مرقص تحجزن على البست
ترا سنما يا المهبوله وربي اني حمت ربي انها
مجرد خيال والا كان علوم

ابي ارقص في عرضة خخخخخخخخخخخخخخخخخخ

لا عاد اقول انثبري بسحب منك الخدمه هذي
انك تصيرين ولد انتي افكارك رايحه وطي
وش تبين بعرضه يمال الي منيب قايل
اركدي بس خلاص هونت:مزون:

الله بقص شعري لية اقصة بحلقة على الزيرو وناااااسة
اللله ادخل عرس بدون مكيااااااج هذا الطبقات الي كنه لوحة
لما ينحط كنه من لوحات بيكاسوخخخخخخخخخ

اما هذي بايدكمن جد

عز الله لوحة رسام وجيهكم يوم العرس

ههههههههههههههههههههههههه هه

واللله انك فتحت المخيلة لما قلت بس يامحمد هههههههههههههههههه
دقيقة بتعلم كيف تمشووون مادري شلون تقولون عرجااااان هههههههههههههه
كنكم تعرجون ونتوا تمشون بخلي احد يعلمني ايها :خخخخ:

امحق مخيله عاد اسمك ماريا

وتفكيرك تفكير عمشاء

سبحان الي خلك

وبعدين وش فيها مشيتنا اوادم نمشي على قديمين
وش الي نعرج ليش نمشي بحوافر

انتي بشطب عليك من هالفرصه خلاص ما تصلحين بتخربينها

:مزون:


الف شكر لك على المرور الرائع

مودتي في غربتي

[乂 مـحـمـد 乂]

هههههههههههههههه من جد وش يبي هالسؤال يامحمد
<< هاضت شجووونهاااااااا ... امنية اتمناها من يوم كنت صغيره دئلت
تدري وش اسوي من يوم اصير ولد

السؤوال مجرد فرصه الي تبي تعلمني بس
وبعدين وش الي هاضت شجونك وانا قايلك
اكتبي قصيده هذي البدايه الله يستر
وش بتسوين الله يستر!!

على طول اروح اتقصد لي جيب كبسووله واخذ كل البنات اللي صارن اولاد << قصدي تماسيح بالمنتدى واروح اجربع انا وياهن ونقنص ضبان تبي تقول ليش اخترت الجربعه ؟ لان لا صرت ولد ابصير سريعه بالركض < يلعن ابو الوناااسه ومهابد وكبس وتطعيس ونشغل حساويات << طفشت من اليسا واصاله يوم كانت بنت ههههههههه :مامي:

لا حول ولا قوة الا بالله
يا ربي وش الي خني اكتب هالموضوع
يا ساتر عليك وبتصيرين سريعه اجل دئلت

يا ربي سامحني

ابدخل البيت عند خواتي والعب بمفتاح السياره عشان لا قالن وصلنا المكان الفلاني اقول انا ما احب اشيل الحريم معي ههههههههههههههههه

ارهاااااااااااااااااااااا اب

ابلبس بشت ابوووي وابروح اتصور باستديوهات زماني وارز الصوره بالغرفه عشان لا رجعت بنت يصير عندي ذكرى حلوه :نأ:

واذا رجعتي بنت صوري في زماني بعباتك
وحطي الصورتين جنب بعض
ههههههههههههههههههههههههه هههههه

وابخطب فخر اهلها :فوشي: اعشمها يوم واحد ثم تنصدم << نذاله ههههههههه

يا واثقه انتي وهي بتوافه لك على طول
ابو الثقه يا شيخه

ودي اسافر وانت قلت يوم واحد يعني مالي الا ادقها تطعيس بالثماااامه

ابرك الساعات يا شيخه

ودي اروح الماقفه واشري ذبيحه واذبحها واصلخها بنفسي واطبخها واكشت عليها مع العياااال << طبعا برحلة المقناص اللي ذكرتها

لا هين عاد انتي ما تذبحين دجاجه بعمرك كله تذبحين خروف :مزون:

وياكثر الامنيات اللي لو ابي اكتبها تبي تثقل كاهل متصفحكم
دمتم بود .... عزوووووووو قبيلــة وووووووووة

كفيتي ووفيتي ما قصرتي وش بعد هذا كله:مزون:



الف شكر لك على مرورك

مودتي في غربتي

[乂 مـحـمـد 乂]

هع هع هع<<<<احس انها شي ذا الحرفين
والله ياعليك سؤال جوهنمي
اممممممممممممممم وش بسوي ياااربي

الله يستر وش عندك:مزون:

اول شي بطق على الجيران وابجر ولدهم مع خشمه وابفرشه<<<<<رفعن ظغطي
قبله يطل علي وانا في الحوش قاعدهـ اتمشى على المسبح<<<<<<تتسذب ما عندهم مسبح

ههههههههههههههههههههههههه ههههههههههههههه

حلوه هذي من جد وشلون تمشين على المسبح

اتمشى على المسبح << كيف تجي هذي الجمله:خخخخ:

ماخذه معك العزبه وموقفه السياره على الجال اجل

ههههههههههههههههههههههههه هههههههههههههههههههه

ابروووح ذاك المقهي الي في الثمامه ابشوف وش طعنته كل ما راحنا رحله تقطع قلبي ابي اشوف وش يسون جوا<<<<ما يمدحون القافه

وش تبين تشوفين احسن لك ما تشوفين
لانه ما الا شئ يحوم السبد ووجيه تسد الرزق
وما فيه الا حرق بالتشييش :مزون:

اللله يخليك ذخر للمونتدى ويسلمك
ويسمنك لين تطلع كبر انتصار الشراح<<<خخخ

حسبي الله على بليسك
وش ذا الدعوه المخيسه
الله لا يسمع منك

:مزون:


الف شكر لك على المرور

مودتي في غربتي

[乂 مـحـمـد 乂]

:مزون:
سؤال كم انه راقني << ابوتس يالفصحى
والله اني لأتربع واعلمك وش اني بسوي

يا ساتر الله يكفينا الشر تربعت البنت:مزون:

لأنه جد دايم لا ماحصل لي شي ودي به اطلدز ذيك الزفره اللي ماوراها زفره
واقول أه ليتني اغدي شنب لو بس ليله هق
وليومك ذا << ذالحتسي للي تقول ماظن به بنت تبي تصير ورع
الا قسم به واولهم ذالمطافيدز الي فوقي وش كثرهن وماكثر امانيهن
ابد كلنا شكل كل اللي اندعسن في ذالموضوع معربجات مثلي وشرواي:مزون:

احس فيني غلقه:زعلان:
وانا احسب ان المنتدى فيه بنات
واثاري كلهم اشناب :زعلان:


بس تعجبني صراحتك
وانتي متربعه تقولين درر :خخخخ:

هالمهم يابو حميد << قاطه الميانه :خخخخ:

ملاحظ لا تدققين:مزون:

والله ان اول شي بسويه ابلبس ثوب بو كبك والعن سلسبيل الغتره فوق راسي

الى الحين واقعيه البنت لا شغل عدل:مزون:

وأبـ اركب الشاص أو الددسن كلها واحد اهم شي بها حوض يكفي ذالـ معاليدز الي فوق :مزون:

امش يا ابو رمش ممتاز ايه حطيهم في الحوض وامشي
200 الين توصل حجان فخر في قمت راسها
ههههههههههههههههههههههههه هههههههههههههههههه

وأأأأأأأأهـين قثم بالله اني ابروح احضر حفلة مخاوي الليل ياسلام ياحبتين

حلو عادي كلنا نحضر الى الحين ممتاز
شكلي برشحك انتي الوحديه الي تصيرين ولد
لمده 24 ساعه

ثمن بروووووووح كني شفت وحده من الزقرتيات فوق تقل بتحضر مباراة الهلال
ابدن تراي حاظتلتس السيت اللي يمي ورجلي على كتفتس :مزون:
وو ثمن لافزنا وحتى لو خسرنا مع انه معصي نخسر
بس ابروووووووووووووووووووووو ووووح
اقحص وافحط بشارع التحليه
واشغلي كسرات بو فيصل :مزون: ياسلام
والتحليه جيتها مره ومن بعدها القلب مطعون
كتبت فيها انا كسره راحت حياتك يابو فيصل
:مزون: كم يروقني هذا الفنان <<< ذوق الله بالخير

لا بالله اسحب كلامي
اجل تسمعين كسرات
ليش كذا ليش مكنا حلوين:زعلان:

ابروحا سوق سيـــــكل بالشارع الاصفر
قسم ودي
صدز انه الناس تطورت ودبابات
بس لا انا ابي افرع رجيلاتي بالسيكل واتهوى :مزون: ههههههههههههههههههههههههه ههه

ليش الاخت لابسه سروال ابوحبل
ههههههههههههههههههههههههه ههههههههههههههه

اما افرع رجيلاتي واتهواء حشاء عجوز منتب ولد

وامرمر على الدكاكين وابي اروح القهوه والله ودي واشرب تعميره
مع ا ني احسها قرف بس عادي كل ممنوع مرغوب به

اعلن اخلاء مسؤوليتي عن هذه
البنت المتهوره :مزون:

وطبعا فيذاك اليوم بزقر بس مزه وحده
هو صحيح اني اقدر ازقر وانا بنت بس مره :مزون: بس احس لاصرت ولد امخمخ عدل
<<<<<<<<<<<<<< امحق لييييييييييييييييييل

وش بقى ما سويتيه ما ودك بصاروخ بعد وتكمل
ههههههههههههههههههههههههه ههههههههههههههه

من جد امحق لييييييييييل ههههههههههههههههههههه

اما السفريات وذي
لامانيب بسفر
بس اللي قلت لك واشياء حبتين وراهم :مزون:
هق هق

حبتين داخله صيدليه الاخت
يا بنت لا حبتين ولا غيره
خلاص ما عاد فيه خلص



:مزون:





الف شكر لك على المرور الرائع

مودتي في غربتي

[乂 مـحـمـد 乂]

بصير بو شنب أجل
أول شي بدق اللطمه
وبدعس بأي سيارتن قدامي 200 لين الشرقيه وبأخذ غرفه على البحر طبعا أهم نقطه أني لحالي مابي أحدن يرز وجهه قدامي
وإذا خلصت المهله برجع لديرتي وبس

هلا وغلا فيك اختي

وشكر لك

مودتي في غربتي

[乂 مـحـمـد 乂]

انا ادفع نص عمري واصير رجال لو يوم واحد
ونااااااااااااااااااااااا اااااااااااااااااااااااسه
بطوي شوارع الرياض من التفحيط
دايم اقول لأبوي هالكلمه لمن يقولي لو انك ولد
واقوله لو انا ولد والله لطوي شوارع الرياض تفحيط(ويقولي اشوى انك مو ولد خخخخخخخخخخ)
تدرون في الاربع وعشرين ساعه هذي بتزوج واطلق خمسين مرررررره خخخخخ
يعني لو بصير ولد بصير ولد فاااااااااااااااااااااااا ااااااااااااااشل خخخخخخخ
على طول بسافر للبحرين ولا تدرون بهاجر خخخخخخخخخخخخ
يسلمو على الحلم الحلو

الله يسلمك بس ليش كذا يعني لازم مسألت التفحيط هذي
انا الي اعرفه الحين حتى الشباب بطلوها
تجون انتم تسوونها من جديد
يا ساتر عليك وعلى خيالك :مزون:

شكر لك على المرور

ولا عدمنا خيالك المبهر :خخخخ:

مودتي في غربتي

[乂 مـحـمـد 乂]

انا بسافر واضييع

ههههههههههههههههههههههههه هههههههههههههههههههه


اخر من يضيع انتم

حنا الي نضيع والا انتم دهاة :مزون:

لكن الله يعين

شكر على المرور الظريف

موتي في غربتي

[乂 مـحـمـد 乂]

محمد مدري وش جرني وادخل هالموضوع

في شي جذبني

انا اقولك وش الي جذبك

حنان الام يا بعد عمري يا مزوني

:مزون:

[乂 مـحـمـد 乂]

[grade="008000 008000 008000 008000 008000"]أعذروني على تدخلي الجانبي
لكن أشوف أغلب البنات إلي ردو يقولون وناسة لو الوحده تصير رجل لـ يوم واحد
لا بالعكس بتكره حياتها من المشاوير إلي ما تنتهي وأعطال السيارة و المسؤاليات إلي ما لها نهاية
احمدوا ربكم العافية وما خلق الله شي إلا بحكمه
وأحب أقول أن هذا رأي خاص بي وأتمنا ما يازعل أحد من إلي قلته
وإذا فيه زعلت أتمنا حذف الرد
وشكراً
(شــــايــــق الــعــصــيــمــي)[/grade]

الف شكر لك ولمرورك اخوي شايق
ولا عدمناك ومشاركاتك القيمه

مودتي في غربتي

[乂 مـحـمـد 乂]

الله يهديك بس..:مزون:
اقول اش ماابي اسوي في ذا اليوم :11retcher
بمر على صحباتي الشلة كلها ونطلع على جدة ونفلها فلة مابعدها
وووووبالف في ذيك الشوارع
ولا اقولك احجز لي ولصحباتي على اول طيارة لجنيف ووواقهر إللي قهرني وبس
يسلمو ع السؤال

ههههههههههههههههههههههههه ههههههههههههههههههههه

وربي اني ودي اسويها لك عشان تقهرين الي قاهرك


يا هلابك والله

اسعدني تواجدك

لا عدمناك

مودتي في غربتي

[乂 مـحـمـد 乂]

وييه ان شاء الله مايصير كذا
بس بجاوب علييييك :) اول شيء بروووووح اقص شعري ...
بعدين بروووح افطر .. وارجع البيت واخذ قيلولة واروح اشوت اخواني ...
المهم في العصر باخذ الربع(مسرع عربجت)ونروووووووووووح نفحط<<<محرومين من هالشيء
بعدييين اروح للبحرين
<<جنبنا
واخذ متاي وملابس ومكياج<<نست انها صارت رجال
وبس
ايه صح الصلوت اصليها بالمسجد
يلااااا سي يووو
وشكور على المضوع الفله

حتى انتي يا بدر التماسي
ليش

كلكم كذا

بس حلوه يوم نسيتي انك رجال

ههههههههههههههههههههههههه ههههههههههههههههههه



الف شكر لك على المرور الرائع



مودتي في غربتي

[فواحه الخليج]

هههههههههههههههههههههههه
حلوه بس بيخلس اليوم وانا ما ادري ايش اسوي

[بنت الأكابر]

هع
فله وقسمن
أطلق موظوع دخلته
<<تقول عسى بس ماراح علي هاليوم وأنا أفكر وش أسوي
أول شي بمر على بنات عمي وعمتي وخوالي وخالتي أفطرهوم بمناسبة إني صرت رجل ههههههههههههههه
همن أرميهوم بالبيت <<حلوه أرميهوم
وأروح للحلاق عشان فيه عرس باليل <<قصه طلعت
الموهم همن لارجعت أبي رز أمي وإلا أي شي من طبخه <<تسمع الرجال يحبون طبخ إمهم
الموهم عقب العصر أروح أشريلي ثوب وغتره وكلللللللللل أبو الأشياء اللي يلبسونها الرياجيل وأهممممممممممم شي دهن العود
إذا أذن المغرب رحت لقهوه من القهاوي أنا وإخوياي لين العشا همن أروح للبيت أصارخ على أهلي إطلعو أخرتونا ومن هالحتسي وهمن أطلع مع الشباب لبيت أهل العرس ونزفه من البيت للقاعه ببواري <<ووووووووووووواااااااااا و فله
همن أهم شي العرظه بالعرس والسيوف والحركات
همن لاجاء اليل طلعنا للإستراحات أنا والشباب وأدق على أمي وخواتي وأقول دبرولكوم أحد يرجعكوم ولاترجعون مع السواق بهاليول همن أسهر أنا وإخوياي على فلم وباربيكيو وفلة حجاج وقهاوي همن لا أذن الفجر رجعت وأواعد خواتي على فطور بوكرى <<ركز أربع وعشرين ساعه
إيه همن لاجا بوكرى أهون وأعيي أوديهوم <<دايم تنقهر من هالحركه
وأفطر بدانكن ذاك اللي جنب جرير ملياااااااااان شباب دايم أمنيتي أفطر هناك أحس فله
همن أرجع وأصير بنت
وناااااااااااااااسه ولو أكثر من يوم دعست الشرقيه ولايشوفون خشتي لين أسير بنت
هع
يسلمووووووووووووووو محمد عالموظوع الفلاوي

[خــــالـــــد]

[align=center]
كنت أقول إن بنات غرابيل ( عاقلات ) لكن ألحين عرفت إنهم عربجيات

ههههههههههههههههههههه

اللي بتفحط

واللي بتسافر

واللي بتضرب ولد الجيران

واللي بتتزوج 4 ههههههه

خير ؟؟

خخخخخخخخخخخخخخخ

أقــووول والله والله إنكم شوهتوا سمعة الشباب

الشباب كلهم في منتهى الذوق ومنتهى الرقّة

ههههههه

أقول .. محمد والله إنك فتحت عيون مغمضة والله يعين أهاليهم عليهم

[/align]

[فهده]

اللهم امين والله يهدي الجميع الي يقرأ ردك يعتقد اني
معي العصا السحريه وواقف على راسك وابقلبك رجال

ليت معك عصا سحريه كان قلبتني قبل ما تنتهي (مزايين الهيلا) الحين لو تعطيني بالعصا السحريه اعطيتك بالمشعاب السحري خخخخخخخخ
<<اه ياقلبي كل ما افتكرالمزايين احزن تهي تهي .. تمنيت احضرها واتكي وسط بيت الشعر وهاتك ياقصيد لين تدن اذني دن او حتى اجلس بالسياره بس المشكله بيلقوني فحمه وسط نفود السر
غيرها بغيرها ان شاء يسوون مزايين الهيلا ويحطون قسم حريم معليش تدخل جوالات الكاميرا بس اهم شي بدون بزوره ورضاعات
محمد .. معليش ازعجناك << ادري مو مكان احزان بس وش اسوي دمعتي ع خدي