من جديد الشاعر المبدع الأمير : عبدالعزيز بن سعود بن محمد آل سعود
كل ما ذكر طيبٍ قد تعدى الحـدود
ندرك انه تربى تحت ظلـك يتيـم
كل ما زادت الحاجات طيبك يزود
وأكرم الزود زودٍ مثل زودك كريم
طيبك الواضح اللي ما يبيله شهـود
ذبحة البخل في نفسك بحدٍ صريـم
في سجاياك ما خلّف وريثٍ حسود
غير بخل النفوس اليوم مالك غريم
كل ما جفت عدود الليالـي تجـود
طيب راسك مثل جنسك فريد وعديم
أنت رحمة إلهٍ في الزمان الجحـود
أنت لله مثلك مـا تجيـب الحريـم
للبرايا مكارم فيض جودك وفـود
صدر طيبك على كثر العطايا حليم
أنت سلطان مجـدٍ حايماتـه ورود
مبلغ الشمس مسرى بارق ٍ في عتيم
كل ما ذكر مرقا درب طيبٍ يكـود
به لقينا طريقك من جديـد وقديـم
جعل ربٍ فتح بك للمكـارم بنـود
يابو خالد يثيبك بالثـواب العظيـم
صح لسان شاعر العذوبة والوفاء