محمد السليس:
كن ربي خالقن للطيب والشده عتابه
تاقف اليوم الكبير وترتكى مثل الجبالي
مرحبا بسعود يومنه حضر والله جابه
والله لتلبس علاه احدادها بنت الرجالي
سعود بن فهد:
مالحقنا شـك يامحمـد ولافيهـا غرابـة
لن نزلنا فالجنوب ولن نزلنـا فالشمالـي
والبقا رديةِ مثل البـرد وسـط السحابـة
ماتطيح الا على محمد هذا ولد الحلالي
محمد السليس:
ياسعود اثبت على ساقك ومافيها غرابه
اي حاشي يرتعد لاشاف هرش من الجمالي
امس ياسعود النفيعي كنت سبع سباع غابه
مار مدرى وش جرى ياسعود في تال الليالي
سعود بن فهد:
المعاتب ماعليّه منه لو طوّل عتابه
لاسمح يسكت وأنا ما أحبها تصبح جدالي
انته أدرى يامحمد والتلكع وش تبابه
وانت خلك دوم الأقصى وأما انا آصير الموالي
محمد السليس:
مسلمن مايتعظ مما يجيه وما أصابه
جعل مايبقي من ايامه على دنياه تالي
كل ماعديت في مرقاب جريت الربابه
ون بدا صفق الهوى طير شماغك والعقالي
سعود بن فهد:
ما أدخل المسجد ولا أصلي وأنا فوقي جنابه
ولايجوز الكيف لي ياكود من صفر الدلالي
مسكني في بيت عالي ما اسكن ببيتٍ خرابه
وكل ماجيتك تذب الريع دام الريع خالي
مازالت اسهمنا مرتفعه ولله الحمد والميل عليكم ياقوم الاداره
عدمنا خيلنا ان لم تروها @@ تناقز بين لبخه والحويته <<<<<< حداء الحرب ههههه
رد مع اقتباس
