[QUOTE=ساير العامودي;1530825]احبتي في[غرابيل سلام الله عليكم.اليكم هذه المحاولة المتواضعة التي اتمنى ان تنال رضاكم.



عما جرى لي منك لو تنشد الليل
ينبيك يا حارم عيوني منامه
اذهبت من حولي بكثر الولاويل
وحسوا فجيعة خافقي وانقسامه
تدري بعادك عن نظيري غرابيل
ارحم حبيبك واعتبرها شهامه
تركتني لمروج القال والقيل
مابين شعبِ يعشقون الملامه
وانا قصيدٍ حي لو يطفح الكيل
ناري سلام وجنتيني كرامه
اقتل على معناك بعض المواويل
واحياك مغمورٍ ليوم القيامه
لاجل الوساع الناعسات المظاليل
خرسٍ تجنبي دروب السلامه
سلمت لك مفتاح حدبٍ مداهيل
وسويتهن لاجلك وقار وفخامه
عطني قوانين الغلا قبل لا اعيل
وعطني مواعيدٍ تمرد نظامه
وعطني مجال اهدي ظلامك قناديل
وليلي يبي يهدي صباحك ظلامه
يا زعفران الشوق يا نشوة الهيل
يا دلةٍ فاح الغرام لغرامه
نويت لي بركون حبك فناجيل
منها عماسي ما يطول مقامه
اسمح وجمل خاطري ما بقى حيل
على الفراق وحربتيه وحسامه
وش انت ذاخر لليال المقابيل
ترى فوادي طاغي الشوق ظامه
مليت من صبرٍ بليا محاصيل
ومليت من عذر البخيل وصيامه


.........
ساير العمودي
لم اتمكن من تجاوز هذا الاسم عندما لمحته في اسفل الصفحة
كما انني لم اتجراء على تجاوز بيت واحد من قصيدة ٍ شدة باحكام

انت رائع ياساير

لا زلت اندب حضي لعدم تواجدي في ليلة اشتعل بها سماء مشار
شعراً وشعوراً ومن من ؟؟ من شاعراً طالما انتظرت حضورة
لكنه حضي ليس إلا ..


كم وكم كنت اتمنى لكن الدعـــوى نصيب
ما كتبه الله وراحت عـــدها ضمن الخساير

ليلة ٍ فيها مشار امسى زهور وريح طيب
غرد اليامي قصيد وفاح طيب اشعار ساير

تقبل تقديري واحترامي