هذي تحيه من جماعة غرابيل= يا واحدٍ دايم له الطيب مله

[محمد الجبريني]

السلام عليكم


رد على قصيدة الغالي مسعود الرشيدي

واتمنى أن يقبل حروفي المتواضعة



[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حي الذي ساق الشعر والمواويل=ويا مرحبا باللي له الطيب ملّه
يا مرحبا باللي حروفه كما السيل=يا اللي قصيده لا حضر ما نملّه
كان الخيال ( البن ) والكلمة ( الهيل )=حنا شربنا من قوافيه ( دلّه )
ترى مكانه فوق مع صحبة سهيل=ألا مكانه يا جماعة محلّه
من غير لا اسوق الوصايف ولا اطيل=هذا ترى ( مسعود ) والشك خلّه
( مسعود ) يا اللي كنّ شعرك قناديل=يضوي الدروب المظلمات المملّه
خليتني احط في القاف واشيل=واقول ما يوفي لك الشعر لله
قهويتنا من طيب قافك فناجيل=واهديتنا من ورد الأبيات سلّه
كان القصايد ( سبق ) وأبياتها ( الخيل )=فالمركز الأول خذيته جبلّه
من كثر ما نغليك ونقدرك حيل=شفنا نتحرى من قوافيك طلّه
ومن كثر ما لك وسط الأضلاع تبجيل=بنيت لك في داخل القلب فلّه
ما انته من اللي ينقل القال والقيل= ولا يوم شفنا في فعايلك زله
العز والفزعة وطيب المحاصيل=كونت لك معهم يا ( مسعود ) شلّه
هذي تحيه من جماعة غرابيل= يا واحدٍ دايم له الطيب مله[/poem]

يستاهل
مسعود الرشيدي
صح السانك يابو عبدالرحمن وكلك
وفيت وكفيت وابدعة وماهو بعلا شرواك غريب

[قيـس]

انا ماقريت قصيدة مسعود الرشيدي وأكيد انها لاتقل روعه عن قصيدتك يابو عبد الرحمن صح لسانك وبيض الله وجهك هذي أشهد شهادة حق أنها تظهر بيدها ماعلي من الحكي




وفق الله الجميع لكل خير

[مشعل الثبيتي]

الله عليك يابوعبدالرحمن



صح الله لساااانك مدد بلا عدد




تقبل مروري وأنا أخوك






مشعل @@

[بـنـت الايمان]

صح صح لسااااااااااااااانك لين ترضى
اول مره اقرالك قصيده مدح ويسعدني قرائة ماتكتب في اي نوع
لروعة ابياتك وانسجام كلماتك في اجمل وابهى صوره في تكوين القصيده
وانتظر كل جديدك لاعدمتك
تقبل مروري اخي الكريم

[مبارك الشلوي]

ابو عبد الرحمن

صح لسانك ملايين
وبيض الله وجهك
تقبل تحيااااااااااااتي