سجل حضورك ببيتين شعر..

[00العنود00]

أنا إبدويه عزوتـي قربهـم ويـل
ايـه ابدويـه والفخـر لبـدويـه
أصبر على الشدات لحظات وتزيل
وتزيل معهـا كـل محنـه قويـه
لاني من اللي ترتكب عار بالليـل
ولاني من اللي تقبلـه فـي هديـه
ولاني من اللي شانها القال والقيـل
ولاني من اللي تعشق العنصريـه
يا مشغلين أعماركم حـط ٍ وشيـل
حضرة جناب العـز قبّـل إيديـه
ما ملت الحره ولا تعـرف الميـل
كل البشـر تـدري بأنـي نقيّـه
يالله عسى حظه مثل صاحب الفيل
اللي نـوى مكـه لفعـل الخطيـه
وجزاه من ربـي بطيـر ٍ ابابيـل
أمسومه مـن عنـد رب البريـه






للشــــــــــاعره 000 النرجــــــسيه

تحياتي00

العنــــــــــــــود

[محمد السليس]

[poem=font="Simplified Arabic,5,royalblue,bold,normal" bkcolor="transparent" bkimage="" border="double,5,royalblue" type=2 line=0 align=center use=ex num="0,black"]
يا مسا الورد لا لا يا صباح الورود= يا صباح الورود ويا مسـاء البهـا
يامساء يجود ويا صبـاحٍ يجـود=بالاماني وصدق الحب مـن قلبهـا
للمحبه عهـود وللأمانـي قيـود=وللتلاقي وعود تمـر مـع دربهـا
السهر له قمر ولكل نعمه حسـود=والمحبه جريمه كـان مـا احبهـا
بنت عم الربيع اللي تجيب الرعـود=برقها لا برق نعمـه ومـن ربهـا
مزنةٍ من ثغرها يزهر ابعـد نفـود=كيف اجل بالقلوب اللي تجي جنبها
عطرها لاتهادت مسك مع دهن عود=تفتن قلوب والا قلوب تلعـب بهـا
من حرارة لقاها لين يمـي تعـود=نار شوقي بقلبي وصلهـا شبهـا
ما سألت اليدين ولا سألت الخـدود=عن سواها بعد صافحت ست البهـا [/poem]

[سعد الحويماني]

يا سليس قلنا صباح الخير


ههههههههههه

[خالد الشليخي]

[poem=font="Simplified Arabic,5,black,normal,normal" bkcolor="transparent" bkimage="" border="none,6," type=2 line=0 align=center use=ex num="0,black"]
عقارب دقايق ساعتي غاضها التأخير=على الموعد المذكور يا اهل المواعيدي
ليالي الخبر من عقبكم غير وانتوا غير=وأنا حالتي هي حالتي ماش تجديدي[/poem]


* خالد الشليخي

[00العنود00]

[poem=font="Simplified Arabic,5,,normal,normal" bkcolor="transparent" bkimage="http://www.sfsaleh.com/vb/images/toolbox/backgrounds/17.gif" border="none,4," type=0 line=0 align=center use=ex num="0,black"]
وجودي على اللي مشوا واتركوني
وجودي على اهل والوفا والحميه
بغيت السفر وقتها وامنــــــعوني
ابي شوفة الزين مابي ســــــميه
ابي شوفه الزيني مهما يكوني
ترى شوفة الزين ماهي خطيه
حبيبي واحبه ويسوى عيوني
اقدم له الرووح مني هديه
جميله كما بارقن في مزوني
وعينن تناظر بنظره جريه
وشعرن تنثر وغطى المتوني
سواده كما ليلتن خترسيه
الا ياهوى البال هاضت شجوني
الا هود الليل تطري عليه
انا عارف الحال يمشي بدوني
مع الوقت ينسى خوين خويه

تحياتي00

العنــــــــــــود[/poem]

[محمد السليس]

[poem=font="Simplified Arabic,5,black,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
ماهي غريبه إذا سال الظما فينا =الارض تمطر تعاسه والسما جردا
يا حادي الحزن خذني لو تبي مينا=وش رايك ابدا بــ حزني قبل ما تبدا
تعال نتقاسم الدمعات بــــ يدينا=ونعلّم الأصدقا عن خوّة الأعدا
أو خلنا نفترق ونقول يكفينا=نهايةٍ مالها ذمّه ولا مبدا
يا حادي الحزن لو ما للتعب جينا=ما كان شفت الليالي من كذا واردى
ما عاده الليل بالضحكات يغرينا=الدمع مرات لا طال الطريق اجدى
قل للسعاده لو ان الوقت يمدينا=طرنا سعاده ولكن للأسف ما امدى
( أضحى التنائي بديلاً عن تدانينا )=والارض يبست تقول ان السما جردا[/poem]

[خالد الشليخي]

[poem=font="Simplified Arabic,5,black,normal,normal" bkcolor="transparent" bkimage="" border="none,6,black" type=2 line=0 align=center use=ex num="0,black"]
بنتم و بنَّا فما ابتلَّت جوانحنا=شوقاً إليكم ولا جفَّت مآقينا
نكاد حين تناجيكم ضمائرنا=يقضي علينا الأسى لولا تأسّينا[/poem]


* إبن زيدون

[محمد السليس]

[poem=font="Simplified Arabic,5,black,bold,normal" bkcolor="transparent" bkimage="" border="double,9,sandybrown" type=0 line=0 align=center use=ex num="0,black"]
قلت اين الوعد قالت منزلي=فهنا صعب علينا نختلـــــي
والبس الاسود اما زرتني=فانا .......... يا حنبلي
قلت: هل في الحب فرق بيننا=فاجابت: ذاك من عهد علي
غادة كا الليل في سكناتها=كتباشير الصباح المقبلِ
جمع الضدان فيها فهما=ظلمة الليل وفجر منجـــلِ
سحر هاروت وماروت بها=وتفاصيل الجمال البابلي
نورس يحلم ان يصحوا على=صرخة المركب فوق الساحلِ
وبساط الريح يجتر المدى=خصلة من شعرها المسترسلِ
قلت ان لم ترحمي ضعفي أنا=فارحمي ضعف القميص المخملي
وامشي فوق الارض هوناً انه=يستفز الارض صوت الارجلِ
حطمي كل ادعاءات الهوى=وخرافات الحبيب الاولِ[/poem]

[محمد السليس]

[poem=font="Simplified Arabic,5,black,bold,normal" bkcolor="transparent" bkimage="" border="double,9,sandybrown" type=2 line=0 align=center use=ex num="0,black"]
قل مابنفسك واحتضـر لغيابـي=اني فقدت من الصواب صوابـي
يامن له الاحداق في غسق الدجى=هرعت بفعل ٍ فاضـح ٍ لعذابـي
قل مابنفسك حيث شئـت فإننـي=لازلت في نصب ٍ يسوء شبابـي
فالعشق يلتهـم النفـوس كأنـه=ظلـم الريـاح لرقـة الاعشـاب
مابت اخشى اليوم لومـة لائـم=دعني وشأني في عظيم مصابـي
فلقد بلغت من التناقض ذروتـي=وسكنت في رفه الحضور غيابي
اوجست من سبل الدروب مخافة=وثلمت سيفيّ واعتزلت حرابـي
وسئمـت قلبـاً لا يـزال مكبـلاً=ورجوت حزنيّ واتكـأت ببابـي
وحملت اكليلا ً على النعش باكيـاً=فيه خطابٌ قـد يكـون خطابـي
ان كنت قارئـه فـإن سطـوره=جادت بشئ ٍ انطـق الاعرابـي
[/poem]

[خالد الشليخي]

[poem=font="Simplified Arabic,5,black,normal,normal" bkcolor="transparent" bkimage="" border="none,6,black" type=2 line=0 align=center use=ex num="0,black"]
درَّست في معـهـد العـشاق دوراتي=كـل ٍ تخـرَّج وأنـا اللي راسـب ٍ فـيها

لابـد أراجع وأفـتــِّـش في ملفـاتي=وأعـرف دروب المحبه ويش تاليها ؟[/poem]


* خالد الشليخي

[العشق الأسمى]

[poem=font="Simplified Arabic,5,white,normal,normal" bkcolor="black" bkimage="" border="double,6,black" type=2 line=0 align=center use=ex num="0,black"]
شفت البارح بمنامي أمرٍ خطير = اللي أبكت العشق بالامس تهلي وترحب
تقول تعال اسكن بقلبي سكنى امير = جيت وكلي شموخ وعزة باللي أحب[/poem]

العشق الأسمى

خالد العتيبي

[*أهداب*]

[poem=font="Simplified Arabic,5,white,bold,normal" bkcolor="transparent" bkimage="http://www.sfsaleh.com/vb/images/toolbox/backgrounds/21.gif" border="double,4," type=2 line=0 align=center use=ex num="0,black"]
أفرح بدمع الترح غصب علي=ينحسب لي والله اعلم في شقاه
اضحك لربعي واسولف لأهلي=والصفاة بضامري تقرع صفاه
من يلوم اللي تهيض مبتلي=والسراب بكثرته يشعل ظماه[/poem]

ابراهيم دخيل

[سـعـد الحويماني]

الخاتمه لاجت تجي مسك دايم
مع الرجال اللي تعرف المواجيب

[محمد السليس]

ياربّ .. يــا عــالم ٍ بالســــر والنيــّه
.................... يا كاشفن ما ورا قلبي وما دونه


ياكاتــــب الحسنــه وياكاتــب السيّه
.................... ويا مودع العبد مع ملايك أمتونه


لطفك وعطفك في وقت ٍ دارت إرحيّه
..................... متغيّرن ضرفه وعرفه وقانونه



أدرج بهجسي مثل .. ما تدرج الفيّه
.................... وأطير في رحلة ٍ ماهيب ميمونه



وأقول يا علّها .. روحـه بلا جيّه
.................... واستغفر اللي طلبته مدّه وعونه



والناس مـن حولي ونيرانها حيّه
.................... كلّن قبس جمرتــــه في راس غليونه



للفرد والمجتمع ... ســـلام رديّه
.................... ياللي سمعتوا ســـلامي لا تردونه ؟



لو نسبة أهل الوفا عشرين فالميّه
.................... تبقا الثمانين .. محفوظه ومصيونه



شبابنا .. شـبّ بين الداب والحيّه
.................... يزحف على طرقها ويكوسر ألحونه



ومسلسلات القنــوات الفضائيّــه
.................... كلّن على بثـّها .. برمج تلفزونه



أكثرهم اللي غوا واستسلم لغيّه
.................... ياقلّ من يعجبك في شكله ولونه



يتعب على زيّه ويقــــول من زيّه
.................... أمخصرن ثوبه ويمشي على هونه



واقف على السكّه وعينه شقاويّه
.................... واليا ركز عظم ساقه عدّ طبلونه



سبعات وكموم .. مربوعه ومثنيّه
.................... كشخه وموديل مدري وش يسموّنه



الطيب ما تجلبه .. غتره وطاقيّه
.................... يا بدو ثوب المراجل .. لا توطوّنه



دايم في الأسواق خيّاله ورجليّه
.................... مفتون ما جرّه الا سلك مفتونه ؟



الله يكافي البلا مبلي ومبليّه
.................... يسرحوّن الخزاا مدري يضوّونه



يانعنبو حيّها .. ويا نعنبو حيّه
.................... لاشاف من وافقت له جنّت جنونه



لبـّق على جنبها .. وشويّه شويّه
.................... حتى يقــدّم لها .. نمرة تلفوونه



ثم عاد تبدا الحكايات الرمنسيــّه
.................... والظاهر الزين والنيــّات مدفونه



وميعادهم بالخفا مثل الحراميّه
.................... وأرقص على العاقله وتصير مجنونه



واليا قضوا من بعض مافيه حنيّه
.................... كلّن يعوّد .. بـ مغرافـه وماعونه



أما عطى قسمها روس الهواويّه
.................... ولا غدت سمعته ماهيب مضمونه



ترا المحبّه ليا صارت حقيقيّه
.................... يجي لها طعم .. غير اللي تذوقونه



حنوشتوا الحبّ .. ياجيل الحونشيّه
.................... والحبّ منكم بري شكله ومضمونه



فـ الرجل لولا المراجل عدّه ابنيّه
.................... والبنت لولا الحيا .. ماهيب مزيونه



وجهة نظر بين هاذيّه وهاذيّه
.................... يا طيب رجلن يظّن ويحسن ظنونه

[سعد الحويماني]

قريت قافك وحسبتُك من الهيه
والشيخ حضرتك يامحمد ينادونه



هههههههههههههه


صباحك سكر