الدردشة الشعرية رقم ( 2 )

**عنود القصيد** · 21-01-2009, 02:41 AM

صح لساانك ياشاعرنا

وانا كنت اتجول بالاقسام المجاوره واشوف كل قسم حاطين مسابقه

ولازلت افكر بطريقه مسابقه تخدم نهج القسم وتوفر الترفيه والمتعه

جاري التفكير

**ظهير أيمن** · 21-01-2009, 04:10 AM

يالله الهمه الهمه

**ظهير أيمن** · 22-01-2009, 01:27 AM

[align=center]هذه البسيطه هي وليدة اللحظه وضعتها في قسم الشعر النبطي لكن الاخوان نقلوها يقولون عشان اسمي مستعار لكن حبيت انقلها لقسمنا الرائع لكي تنتقدوني في القصيده وياليت تفيدوني في كل خطا

ياقلـب لاتشكـي عـلـي وتشـاكـا
محزون ادري والبـلا مـن يسليـك
لاوالله الا هالـزمـن كــم تبـاكـا
على هموم(ن) وسط صدري تبكيـك
مهموم واضلـع وارتكـي واتراكـا
علـى امـل بكـره ولاظـن يخفيـك
حتى ضلوعـي مـع بعضهـا تحاكـا
وتقول يكفي يازمـن مـن بلاويـك
صرت الوحيد اللـي تزايـد غثاكـا
أثرت فينـي يافـوادي واناديـك
في قـو حزنـي ماأناجـي سواكـا
استغفـر الله بعـد ربـي اناجـيـك
سبحان ربـي هـو دواي ودواكـا
اللي مغير حـال مـن حـال مافيـك
هو الـذي يجبـر عـزاي وعزاكـا
في موت فرح(ن) إندفن في محانيك [/align]

**وجــــدان** · 22-01-2009, 08:08 PM

,

,

السلام عليكم ورحمة الله وبركاته

صح لسانكم والله كلكم مبدعين

وبرجع لمشاركاتكم بحول الله الليله

ونرحب باللي انضموا معانا

تحيتي للكل

**عنود القصيد** · 23-01-2009, 02:55 AM

السلام عليكم ورحمة الله وبركاته

[poem=font="arial,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ياقلـب لاتشكـي عـلـي وتشـاكـا=محزون ادري والبـلا مـن يسليـك
لاوالله الا هالـزمـن كــم تبـاكـا=على هموم(ن) وسط صدري تبكيـك
مهموم واضلـع وارتكـي واتراكـا=علـى امـل بكـره ولاهو بخافيك
حتى ضلوعـي مـع بعضهـا تحاكـا=وتقول يكفي يازمـن مـن بلاويـك
صرت الوحيد اللـي تزايـد غثاكـا=أثرت فينـي يافـوادي واناديـك
في جـو حزنـي ماأناجـي سواكـا=استغفـر الله بعـد ربـي اناجـيـك
سبحان ربـي هـو دواي ودواكـا=اللي مغير حـال مـن حـال مافيـك
هو الـذي يجبـر عـزاي وعزاكـا=في موت فرح(ن) إندفن في محانيك [/poem]

ياسلام صح كلك آآآآه يالقهر مافيها ملاحظات

بس قدرت القى باب لن ميولك مايعجبني ههههههههه وعدلت بابياتك

في قـو حزنـي ماأناجـي سواكـا

قو ايه الا انت قي بتؤل عليه

ههههههههههههههه

مرحبا وجداااان

**عنود القصيد** · 23-01-2009, 03:42 AM

السلام عليكم ورحمة الله وبركاته

قالو انفخ ياشريم قال مامن برطم

وش المناسبه :مزون: مدري
[poem=font="arial,6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
تعال ابحكي لك عن ألفين ليله =عن العجاب وعن غريبات الايام

أحكي حكاية خل أنكر خليلـــــــــه =من بعد ماحلو المصاديف به رام

من بعد ماحلم الليالي يخيـــــــــله =واه من شر الليالي والايــــــــــام

الحظ متنيل بستين نيلــــــــــه=وأنا أحسبن الحظ منصف وجـــزام

صهوات حبي في هواكم عليــــــله=وقلبي يسابق في خطاويه الاقـــدام

ليت الليالي تجمع اثنين حيلـــــــــــه =في غفله من كل حاسد ونمـــــــــــام

مامات مولود الرجاء من غليلـــــه \ياغايتي وصلك ترى روحي حطــــام

عينت في شرع الهوى وتعليلــــــــه=مجنون ليلى والدجيماء وهمـــــــــام

نهر الاماني دارجآ في مسيلــــــــــــــه=والشو� � يفضحني بكم بين الانــــــام [/poem]

**لــيــل** · 26-01-2009, 03:45 AM

المشاركة الأصلية كتبت بواسطة عوادالعلي

[poem=font=",6,blue,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/4.gif" border="none,4," type=2 line=0 align=center use=ex num="0,black""]
والله فلا ادري ياجماعه ويش اقول= احلا من اللي قيل قولو وش يقال
ابداع ليل يحير كبار الفحول= ابكتفي فيها واقدمها مثال
يدفعني الاعجاب وشوية فضول=والمعذره ماكو اجابه ياسؤال [/poem]
مدرسة الابداع و المبدعين
السلام عليكم ورحمة الله وبركاته
حبيت اسلم عليكم وارحب باساتذتي امل وصلاح وزملائنا المنظمين حديثآ
/ رحيل العمر / خالد محيل/ نبض الشمال / عاشقة الفردوس الاعلى و
عــــــــــنـــــوووووووو وود ا لــقـــــصيـــــد

صح لسانك وعلا شانك استاذي....

تسلم....ولا هنت....

جزيل الشكر....

وتحيتي لك....

**لــيــل** · 26-01-2009, 04:11 AM

( ظهير ايمن & عنوده )

ماشاء الله عليكم تبارك الله شايلين الدردشة شيل....

عن جد مبدعين....

وصحت السنتكم الى مالانهااااااااااااااااااا اية....

( جي جي )

( وعليكم السلام رحمة الله وبركاته )

صح بدنك يالغلا....

وين النااااااااااااااس؟؟؟؟....

ومن طول الغيبات....

ننتظرك....

وتحيتي للجميع....

**ماجد نصار** · 27-01-2009, 09:54 PM

جيتكم .. والراس مدري به صداع ..
.... وإلا به حفلة لموضي او سمر...

...
كيفكم كل ابوكم ...
ارحب بالضويف الجدد
وبزيارة ابله امل
وبالكل
صحت السنتكم كل ابوكم ماعدا " انا "

مع طلبي الخاص
أن تكون أسماء المعرفات المتواجده هنا
تليق بهذا القسم الشعري الذي لن يتكرر

**لــيــل** · 27-01-2009, 10:14 PM

8

8

حياك الله وبيّاك وجعل الجنة مثواك....

نحن بخير ولله الحمد....

صح بدنك....ولاهنت....

وكيف كانت امتحاناتك؟؟؟؟....

بالتوفيق ان شاء الله....

وتحيتي لك....

**ماجد نصار** · 27-01-2009, 11:03 PM

ياهلا ياليل ..شرفتي البقاع
..السمر ياليل وين اهل السمر

إختباراتي ضياعٍ في ضياع
... والصفر .. لابارك الله به حظر..

يعني مامنه فكاك ولا وداع
... ويش رايك انحسب والا استمر : )

**ماجد** · 27-01-2009, 11:10 PM

مررررررررررحبا بالجميع[poem=font=",4,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ماني على فرقاك مجروح بالحيل = بالعكس انا في غيبتك بالي ارتاح
ولاهمني بعض الوله بأخر الليل = وضعي تغير والشقى هم وانزاح[/poem]

**ظهير أيمن** · 28-01-2009, 08:35 AM

اهلا وسهلا بالجميع
اهلا بإستاذتي وجدان صح بدنك
....
ليل الابداع اللي تقولين عليه مو مني انا والله الابداع ذوقك صح بدنك
......
عنود الصيد الوعد قداااام (خخخخخخخخخخخ) الله الله وش القصيد الحلو والحركتات
إبداع يالشاعره ماشاءالله عليك صح لسانك
............
ماجد نصار يالله حيه يارجال عسى خير وش صفره إن شاءالله تجيب الاول ويعطونك نجمه في الدفتر هههههاااي
الله يوفقك ياماجد
...
إهداء للجميع
[poem=font="arial,6,red,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
الاياليل ماتر حم ولا تعطف ولاتاوي=خويك من ثلاث اعوام ولابك في ماويه
سهرتك لين سال الدمع من عيني وجا ضاوي=سهرتك هم ياليلي وهمي يسهرك فيه
سهرتك لين قال الهم ياعالم انا هاوي=ورد الجرح مع همي انا وانته هواويه
هوينا شخص يجمعنا عجز يلقاله مداوي=تجمعنا وسط جوفه ونار الجوف جمريه[/poem]

**أمل عبدالعزيز** · 29-01-2009, 08:51 AM

ياسلااااام
ياسلااااام
ايش هادا كولوه
ايش الإبدااع هادا؟:مزون:
ههههههههههههههههههههه
بصراحة من جد عاد ومن عاد الجد أنتو شي مو أي شي
هههههههههههههههههههههههه

الدردشة صارت ملئانه وملياانه بالناس الفهمااانة شعرن ونثرن وكل شيئن
وأحب أرحب بالفارس الملطم الجديد ظهير أيمن

وصدق من قال الزين مايكمل
أجل هلالي؟؟

يعني أنّـــا مابزينا وجدان وهلاليتها وماجد وهلاله ؟؟عشان تجي أنت بعد وتزيد الطين شلّة؟؟ مايصيرررررر:icon_evil

على العموم ولأن مصلحة المدرسة فوق كل الأندية

عطووني وجدان؟

ألحين ياجيجي يومتس تبربرين وأنتي مانتي دارية وش صار ليييييييييييييه؟؟

عطووني ظهير أيمن:

أول شي صح لسانك على الأبيات
ولكن

أنت يووومك تشجع الهلال وش مستفيد هاه؟

يامسلم؟؟
ليييييييييييييييييييه

ههههههههههههههههههههههههه ههههههه

عطوووني ليل:

ليل يالبى قلبك وكلك ياشيخة

عطووني عنود:

وش هالروح العسل
وش هالابداع

وأزين مافيكِ أنك نصراوية

ههههههههههههههههههههههه

شكلي باشوت وجدان واردها طالبة واخليكِ أنتي العريفة

ههههههههههههههههههه

عمومن صحت القلوب

وبرررب

**أمل عبدالعزيز** · 29-01-2009, 08:54 AM

وه نسيت

عطووني نبض الشمال:

الله عليك

حرام هالموهبة تندفن وماتظهر للناس

من جد

وربي حررررررررام عليك

أنت شاعر وخطير بعد

يالله عاد هات الشعر والقصايد واكتب

دام عندك الحس الأكثر من مرهف

الموضوع: الدردشة الشعرية رقم ( 2 )

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

من أقوال بعض العلماء والمشايخ في تحريم التشات ( الدردشة )

إلى مرتادي مواقع الدردشة ( الشات )

(( غرف الدردشة ))

!! المسابقة الشعرية !!

الكلمات الدلالية لهذا الموضوع

ضوابط المشاركة