عضو معنا في حاجة ماسة لمساعدتكم

**أبوعبدالرحمن** · 14-02-2006, 09:48 AM

جزاك الله خير يابوغانم

وبعطي رقم جوالك للرجال وهو بيتصل فيك

***أهداب*** · 15-02-2006, 01:40 PM

تم ايداع المبلغ ....اليوم ....

**أبوعبدالرحمن** · 15-02-2006, 09:51 PM

تم استلام ألف ريال من الاخت أهداب جزاها الله خير

واعذروني اخواني على ذكر المبلغ المودع بحسابي أنا لأن الأخ يشاهد معنا الموضوع ويجب علي التنويه بكل ريال يصل لحسابي انا وليس على حساباته التي وضعتها لكم

**ناعمة** · 23-02-2006, 03:52 AM

جعلها الله في موازين حسناتكم

لا حرمك الاجر ابو عبدالرحمن

**اجراس السماء** · 24-02-2006, 08:37 AM

الاخ عبدالرحمن لم اعلم عن الموضوع إلاّ اليوم

لقد رأيته في توقيعك .. السموحه

ونسأل الله العلي القدير أن يفرج همه ويجعل لكربته مخرجا

وسأقوم باللي اقدر عليه ..
ونسأل الله الاّ يحرمك وأيانا الاجر .

اخـوك
"" أجــــــــــــراس الـسـماء ""

**النت** · 24-02-2006, 10:14 PM

مشكور ابو عبدالرحمن

**سراااااااااب** · 25-02-2006, 10:05 PM

شاكرين جهودك أخ سعد

والله ما حد كاره فعل الخير إذا وجد من يستحقه

{ اتق النار ولو بشق تمره}

**عبدالله بن راجس** · 02-03-2006, 11:51 AM

الله يفرج همه وغمه

جزااااااااك الله خير أخ أبو عبدالرحمن

بنحاول بالي نقدر عليه

وما قدامنا غير ندعي له ونبلغ أهل الخير

وربي يرزقه من حيث لا يحتسب

مشكور مرة ثانية

اخوك
بن راجس

**ولدالاعصار** · 05-03-2006, 11:23 PM

يعطيكم العافية

ماقصرت يا بو عبد الرحمن

**سعد النخيش** · 13-03-2006, 07:39 PM

المشاركة الأصلية كتبت بواسطة محمد الجبريني

شكرا لك يابو عبد الرحمن على الخبر

بس انت المسئول عن التبرع ويبشر اخونا سعد الاعصار

يالله ياعضاء قول وفعل نبي

والله لو تقطون له من ريال وهذا اقل احتمال ومافيه احد بيتعناء للبنك ويحول اريال اكيد
بس نجعله اقل احتمال. من ريال
را يح

يكون الرجل بعد توفيق الله عز وجل اغناء رجل في خلال يوم او يومين الله يرزقه
بس تراي بعده السراء علي ههههههههههههههههه

لاتصدقون عاااااااد الله مغنيني ولله الحمد من فضله

اخوي ابشر والله يوم السبت بكره جمعه

وشكرا لمن اعان وفرج عن مسلم كربه

تحياتي

محمد الجبريني وينك

**بنت السعوديه** · 13-03-2006, 08:12 PM

اللهم إجعل له من كل ضيقاً مخرجاً

بوعبدالرحمن

جعله الله من موازين حسناتك يوم القيامه

**المرهــف** · 17-03-2006, 08:17 PM

ابشر بالخييير اخووي ابو عبدالرحمن

(( من فرج عن اخيه كربه من كرب الدنيا فرجه الله عنه كربه من كرب يوم القيامه )) او كما صلى الله عليه وسلم

**سليمان** · 19-03-2006, 10:46 PM

[align=center]
[img]http://galbk.********************************************/2004-07-13-124432.gif[/img]

اخوكــ سليمان ــ

[/align]

**محمد الجبريني** · 22-03-2006, 11:02 PM

المشاركة الأصلية كتبت بواسطة سعـــد

محمد الجبريني وينك

سعد والله ما نسيتك وكانه دين علي وابشر في اسرع وقت وفرصه
تأ خري بسبب عدم وجود الفرصه من الدوام مع وجود بعظ الضروف العابره اللتي مرة بسلام وانتهة بسلامه ولايوجد فروع للبنوك اللتي ذكرة قريب مني وياليت فيه رقم حساب في الاهلي
لاتمكن من التحويل في هذي الحضه عبر الهاتف المصرفي من البيت ولو ترسل الرقم ذلحين تبشر فى نفس الاحضه

ولك مايطيب خاطرك ارجو ان ترسل رقم حساب في الاهلي
وعاجلا لا تا خر ولربما تجيني ضروف اخري الفلوس ياخوك الي أ مست عندي ماتصبح
ولي أصبحة مايحوشها المسى لعلها في حريقه تولي
وسلامتك

**محمد الجبريني** · 23-03-2006, 04:14 AM

اخي سعد صبح ملئ بالكل سعاده وسرور

الرقم والاسم اللي ارسلته للي

تم تحويل المبلغ عليه للاحاطه اهجد المطيري والزمه للي لايروح هو وين هو في الرياض ولا وين وانت بعد وين انا استفزعة سليم كلهم وجايينك ذلحين تعدينا الطايف مالي الا اقل من عشر دقايق بعد التحويل هههههههههههههه
تدري ليش الرصيد باح وراح بعصاته انا وش علمني وقربني من العولمه والمشاكل الله الله الله
من القطيعه راحت فلوس الهردان والمعزي وكل السبب سعد الله انه يسعده
ياسعد انا ابحول لك 1500الف وخمس مئه ريال وجبت العيد حولت 150000 مئة وخمسون الف او مليون وخمس ميه
الف الوكاد ان الرصيد كمل زيرو البنك اتصل علي وابلشني على البطاقات ايقول سلمها ذلحين في جده وين اسرح مع ذ الصبح سرحة العافيه عليكم كيف اعبي السياره بنزين والله مغير اعود اسرق اليوم ؟ الله بلشت نفسي عاد السرقات
بالكوم لاتصدقون ولي ينسرق في جده بري منه والي بعد فالرياض والدمام تدرون انا خرج المملكه بعد عشر دقايق
ذلحين عند جمرك البطحاء اتسدح أكل وجهي البرد ابسرح على الاماراة دره الخليج العربي وتمشي في دبي
وبيلي مناك شي شي؟ وشنهو ظنكم ؟ سياره سياره كرسيده 82 لونها احمر زي سيارتي الي بغيت ادهس الجوازات عليها وردية النشيده بعد ذاك الموقف وياحليلها ليتها ماسرقت علي الي يعينها يعلمني تكفوني
يا الجواد اذهنوها معكم لو ماتلقون غير جثمانها هههههههههههه

اخوي سعد اترك الحكي اللي فوق كله
العلم سلامتك طال عمرك
تم تحويل 1500في الحساب اللي ارسلته لي تفدي مواطيك

وتراي بعد منحرج منك والمعذره الرقم تصاعدي
وتحدي الي قبلي حولة الف ريال والله نسيت منهي ولاكن في موازين حسناتها هي من اخواتي المشرفات ولا حبيت انقص وانا ولد ابوي على المره لونها معطيتك 150الف جبرتها ميتين انا مهبول في كل شي حتي في المرجله
لاكن فيه ارجل واطيب مني بس وينهم اما مادريو ولا صارينه في صررها
فهم الفتي الجبريني اصراف ماله وهم الفتي المجهول جمع الدراهم
هي كذي يالربع نسيت البيت اصراف امدري اتلاف ااتلاف المال احراقه
وانا مااحرقة صرفت لذلك اخترت اصراف احسن واصرف
وكلها معروفة تغنى بها احد شعراي صدر الاسلام بس وين عيال هذوليك الرجال مابينو في هذي الشده على زميلهم واحد اعضاء المنتدى يستاهل نعم بس نبي قول وفعل

افزعو يارجال واله ان الحريم مع احترامي لهن ااطيب من بعض الرياجبل والي مايفزع تراي جاهز ابهجوه هجون يقطع لحم وجهه
ملاظه (((والذي نفسي بيده اني ماعرف سعد هذى الا في المنتدى وماادري وش انهو من العرب ومن اي الناس حضري بدوي الله يرزقه قولو امين ))) وكبو الاسهم عنك ومتابعتها اللي شغلتكم حتي عن مساعدة المحتاجين والعباده
وخق الانسان هلوع الايه
والسوق بكره احمر على مسوليتي تدرون ليش لانه خميس ههههههههههه
وبيستمر احمر الى السبت ومعدين مدري

وعذراْ على الأطالة في النص

وتقبل ياسعد اطيب تحياتي وفائق احترامي

الموضوع: عضو معنا في حاجة ماسة لمساعدتكم

أدوات الموضوع

بحث في الموضوع

تقييم هذا الموضوع

معلومات الموضوع

الأعضاء الذين يشاهدون هذا الموضوع

المواضيع المتشابهه

حاجة ماسة جدا للمساعدة أيها الإخوة من ليبيا

في حاجة ماسة لهذا المطلب

معاد لي حاجة اشل جوالي %%%% ومعاد لي حاجة بفلان وفلاني

الكلمات الدلالية لهذا الموضوع

ضوابط المشاركة