كرسي الاعتراف الحلقة الثانية مع الضيفة مشاعر حالمة

[مشاعر حالمه]

هلا مشاعر حاالمة




هلا بك اخوي الاعصار ^__^

س1- ليش لغتك كلها ج في ج يعني مثل حالج شخبارج وووو؟



لغتي ؟؟



الله يهديك وش قالوا لك هنديه

انا احب اتكلم كذا لأن اذا خاطبت بنت لازم اقولها

اما شلونج أو شلونتس أو شلونش او شلونك عاد انا ماحب الا كذا شلونج ^___^يمكن لأن صديقاتي كوايته واماراتيه

وتعودت على كلامهم ^___^فلا تستغرب هالشي ^__^

س1- من العضو الي مسوي زحمة للطريق المؤدي للمنتدي؟



والله مدري ...يمكن ثقيل الطينه بس نقدر نوخره عن طريقنا

س3- ما ذا يعني لك غرابيل؟



بيت بابا الثاني

س4- كم مرة فرحتي وكم مرة حزنتي؟



الحمد لله ...الأحزان تأتي وتليها الأفراح ...يعني متفاوته مرات الفرح والحزن ..

والباقي في الطريق


الله يستر منك

[مشاعر حالمه]

ياعمري مشاعر الله يعينك عليهم

ياحليلج والله


الآن ماعندي شيء حبيت اسلم عليك

بربــ

[grade="800080 800080 800080 800080 800080"]الله يسلم عمرج ياغلاي نعومه : )[/grade]

[مشاعر حالمه]

مسالفل

مساء الجوري ^___^

الله يعيــــــــــــنك مشاعر حالمة

آآآمين ....

على فكرة حلوة فكرة كرسي الاعتراف

ايه حلوة مرررررة ^___*

يعطيكم فرصة للقافة ولكن بسبب!!!

س1-
هل انت موظفة او طالبة؟ وش اختصاصك في كل الحاتين؟

...موظفة ...حاسب آلي ..

س2-
هل انت متزوجة ام لا؟

لأ ...

س3-
وش احلى ماركة مكياج عندك؟

الحمد لله ماني مناللي يحطون مكياج أو يهتمون فيه كثير ...بس بالمناسبات استخدم كريستيان ديور ..

س4-
كيف دخلتي موقع غرابيل..يعني وش دراك عنه؟

كان ابوي موصيني على اشياء خاصه له وقمت افحط في قوقل ...وسبحان الله

طحت على موقع غرابيل ...

بس!!!


حياج الله كيوي ^__^

[*أهداب*]

وقت مستقطع .....تعشي ...وترجع لكم ....

[مشاعر حالمه]

يالبيــــــــــــــــــــ ه يالهدبـــــــاء ..


والله ادري ماتجيب الزين الا اوخيتي تبين الراحه لي فديت عمرج


يابعد قلبي والله ...


انتي تشوفين مقلطي الله الله فيه ياغلاي لايجيه الارضه تاكله ويروح علينا كل شي رتبناه ...


ماأوصيج عليه وصدق مادري متى بيفكوني


اما الزاد والله شي دام فيه أكل خلاص اللي وده يكتب سؤال يكتب بس كل ماخلص الأكل جيبي لي <<== ايه ادري تبين


تشحنين الطاقة خخخخخخخخ


مشاعر حالمة ...

س // وينك في الساعة الرابعة عصراً من يوم الثلاثاء الموافق 18/11/1426هــــــ

جلست أنتظرك .....لين طقت كبدي .......
بسم الله على كبدج ...

والله ياطويلة العمر انقطع النت علي يوم الثلاثاء...


وسددته اليوم العصر وهذي انا قدامج بشحمي ولحمي

[سعد النخيش]

عدنا مشاعر

وين مقرك يعني السكن

الاكلة المفظلة

المشروب المفظل

وقت الخروج للسوق والنزهه


السيارة المفظلة



ولي عودة

[شامخه رغم الالم]

هلا وغلا
مشاعر حالمه

مساء العسل ياعسل

اخبارك ان شاء الله تمام يلا مستعده

نبدا بسم الله


..مثل تقتدين به وتحبين ترددينه كيثر؟


....لماذا الحب يتعلق اسمه مع اللون الاحمر اعطيني جواب من شعورك ؟

نصيحه تحبين اعطاها لشباب وبنات المنتدى ؟؟

ماذا يعني لك الحب في الزمن هذا؟

ماهي احب اللوان لك؟

ما هي المواد اللي تسبب لك عقدة في حياتك؟

..ماذا يعني لك القمر في ليله الاربعه عشر؟

مين اكثر الناس اللي تشوفينهم حلاوة الدنيا بوجودهم .. وليه ؟؟

كيف نفسيتك في هذي اللحظه ؟؟

متى تكونين أنانيه ... ؟

من أى شئ تغضبين ... ؟
ماذا يعني لك

البحر
المطر
الليل

الـقـمــر .... ايـن مـكـانـه فـي سـمـاء المـشـــاعــــــــــــر؟

س/وامام مواقف الحياة اود ان تذكري لنا

موقف تالمتي منه

موقف طريف

موقف محرج

ان شاء الله تكون خفيفه عليك ترى ماكثرت راحمتك ياعمري<<<<<<<واضح ماشاء الله


يلا برجع مره ثانيه


تحياتي لك

[صالح الروقي]

السلاااااااااااااام عليكم

مساء الاوركيد


كيفك مشااااااااعروووووووووووه

ماعليش حبينا نشاااااااااااارك الجماعه هناء

واشوف الجماااااااااااعه ماقصروا هناء

يعني معطينك اسئله دسمه 100%

المهم

حبيت اويق عليكم واسلم بس فقط لا غير

وعندي كم من سؤال وخوفي لاتكون مكرره

نبدءا وليكون معك كراسه وقلم رصاص

السؤال الاول
تكلمي لنا عن مشاعر الحالمه في سطرين
ماهو /ماهي
لونك المفضل


برنااااامج اليومي

افضل الاوقات عندك

طموحاااااااااتك وهل تحققت ام لا

اول منتدى تزوريه او موقع اول ماتدخلي النت كل يوم

كم :

مره زرتي مكه المكرمه

كم عدد حروف اسمك

اعضاء ماسنجرك

ساعه تقضيها على النت

معدل فاتورة هاتفك الثابت (المستخدم للنت)
معدل فاتورة جوالك

معدلك الدراسي في اخر مؤهل


السئله من نوع اخر

كم تبلغ المساااااااافه من هامة الراس حتى مخمصة القدمين

إذا كان فيه قطار يمشي بسرعة 90 كم في الساعه فكم عصفوراً على الشجره إذا كان البيبسي باريال هههههههههه


طبعاً اسئله على الطااااااااير ولي رجعه ان سمحت الضروف

تحياتي

الروووووووووووووووقي

[ليــن القســا]

عزيزتي مشاعر حالمه ....كان الله بعونك ...
حذفت الكثير من الأسئلة رأفة بك ....
تبقى عزيزتي ...هذان :
1) إلى أي مدى تؤمنين بمقولة ( وداوها بالتي كانت هي الداءُ )
....
2) هل صحيح ( بنظرك ) أن الشاعر وجهان لعملة واحدة ...
أي ...وجه يتعامل به مع الناس ..في حياته العاديه
والآخر يختزن فيه مشاعر ...تعتمل لتنتج قصائد ...قد لاتمس وجهه الأول ...؟؟

[بنت الريف]

[align=center]انورت واسفرت و استهلت وامطرت ...
ياحيى الله مشاعر حالمة ...
وربي جابك ...لهذا الكرسي ....
نتعرف على جوانب من شخصية مشاعر حالمة
واللي هي كتلة من المشاعر الرائعة والجميلة بتواصلها وذوقها . ..

يالله يالغالية استلمي :كلوش:

1/ هل أنتِ أنسانه هادئه أم عصبيه بطبيعتك؟اعترفي ؟

2/ ماذا يعني لكِ الماضي والمستقبل؟

3/ شعر دائماً تردديه بينك وبين نفسك ؟

4/ ماأحب أكله لديك>>>>>( إنسانة تحب بطنها)?? :11ughboun

5/شكلك رفلة وماتحبين المطبخ ؟؟ماقولك ؟

6/ هل أنتي أنسانه عجوله وتحبين الأستعجال في فعل الأشياء ؟

7/ ماهي طموحاتك المستقبليه؟

8/ ما الذي يفرح مشااااعر حالمة ؟؟؟

9/ ما الذي يبكيك ؟؟

10/ ماذا تعني لك الصداقه ؟وهل تؤمنين بصداقات النت ؟؟

والله يعينيك على اسئلتي ... شكلك بتنتقمين مني مع اني ماسويت فيك شي
وطيبه وحبوبه وماشيه جنب الحيط ,,,,
نكمل الاستجواب واجلسي الله لايهينك ... :mf_popean

11/ لو أتيحت لك كلمه واحده فقط تصرخي بها وتُعهد لكِ بأن جميع البشر سينصتوا لها000
بأي كلمه ستصرخين ؟

12/ أختي مشاعر حالمة ممكن تكون فيه شوي من الصراحة والشفافية .. وتقولين لنا ماهي ...

مميزات مشاعر حالمة ؟

وماهي عيوبها ؟

ماذا تحب ؟

ماذا تكره ؟

13/ مارايك في كل من ....
الشاعرة صدى الحرمان (رحمها الله )
الشاعرة الراسية

14//////////سؤال على الطائر ....يعني سريع >>>>>
...كنت تكتبين بمادة التعبير بنفس لهجتك ؟؟والا بس بالنت فقط ؟؟ :icon_ques

وسلامتك يا بنت الاجواد


أختكم
بنت الريف[/align]

[كليوباترا]

هااااااااااااااااااااي

السؤال الأول
اسئله بنوتيه ..

-شريتي ملابس العيد
-شعرك صغير ولاطويل
-ايش آخر موضه نزلت باللبس
-وشهو ستايلك هالعيد
-شتحبين اكثر تلبسين بناطيل ولا تنانير
-تحبين تروحين السوق
-متى اخر مرة صبغتي شعرك وكيف كان لونه
-وش رايك في ماركة سان لوران بالمكياج يقولون موشي وشانيل احسن منها .. صح ولا ..
-الناس هالايام مطيحين بالقبعات .. تحبين تلبسينها .. ومن وين شاريتها
-ايش اكثر لون تحبين في اللبس
-شرايك في ملابس برمود حلووة صح .. بس السؤال كم مرة شريتي لك
ملابس منه وطلعت وحدة من العيله مثلك .. وكيف كانت ردة فعلك ..
-وشهو آخر عطر شريتيه ..
-تحبين تلبسين كعب ولا بوت رياضه ..
-شرايك في المكياج الثقيل الي اسمة فرعوني ولا التايقر والفراشه يعجبونك
ولا تفضلين المكياج البناني الهادي ..
-وشهي احلى كحله استعملتيها ..
-أي لون من الارواج تفضلين ..
-تحبين تحطين بشعرك حناء بشعرك ولاتفضلين النقش بس
-وش رايك في الحرمة اللي ماتتزين كلش كلش وماتحط مكياج ابد حتى في
المناسبات .. وش تقولين لها ..
-كم مرة تناظرين وجهك بالمرآيه في اليوم ..
-البنت اللي عمرها عشرين وفوق وجالسه تتبيزر تسوي شعرها ثنتين
وحركاتها كلها طفوليه ودلع .. تعجبك ولاتنتقدينها ..
-تحبين التنانير الطويله ولا القصيرة ..
-وش رايك في جمعات البنات تحبينها ولازم تروحين ولاعادي موشرط تروحينها
-تعرفين ترقصين ..
-ايش لون غرفتك ..



السؤال الثاني

من وين انتي بالشرقيه ؟؟



ولي رجعـــــــــــــــــــه


تحياتي

كيبوو

[شامخه رغم الالم]

ههههههههههههههههههههههههه ههههههههههههههه

كيبو حرام عليك وش ذا خفي على البنيه


الله يعينك بس يامشاااعر

ههههههههههههههههههه

ياجعلني مجي مكانك

[مشاعر حالمه]

[align=center][align=center]ابوووووك يالأسئلة ...


شوي شوي خلوني اتنفس


وانتي يالدبا ياكيبو وش سويت لج تعطيني هالأسئلة دفعة وحده عطيني اياها اقساط


[/align][/align]


ههههههههههههههههههههههههه


بعدك ماشفتي شي

[مشاعر حالمه]

السـلام عليكم ورحمة الله وبركاته


وعليكم السلام ورحمة الله وبركاته ..

كيف حالك اختي مشــاعر حالمة

انا بخير والحمد لله ...

نورتي الكرسي .. ولدي بعض من الأسئلة وسأطرحها على دفعات ليتسنى لك الاجابة عنها

تسلم والله ...اتفضل ...

بسم الله نبدأ :

س/ هل يهمك نجاح المنتدى والى اي مدى ؟

أكيد يهمني لأني عضوه فيه ليش مايهمني نجاحه من نجاحي ...الى أبعد الحدود ...

س/ هل يهمك كل من في المنتدى ؟ ام هناك اشخاص معينين بالنسبة لمشـاعر ؟

..كل من يحترم مشاعر حالمه ...ومن يتجرأ على غير ذلك انا له بالمرصاد ..


.شخص معين بالنسبة لي طبعاً


( أهـــــــــداب ) ربي لاخلاني منها انشالله ...

س/ من هم الاعضاء وكذلك المشرفين (الذي / التي ) تستهويك كتاباته واطروحاته ومن منهم تستهويك ردووده ؟

وبكل صرااحه وبدوون مجامله ولماذا ؟

الاعضاء / والله مافيه حد معين..فيه ناس ماشالله يستحقون الاشادة بصراحه ..وكل انسان ويعرف طرحه (وماتستهوي الأنفس )..

المشرفين أو المشرفات/ أهداب , نايفة شمر, لين , سود العيون , ترف , عبد الله الشمري , سعد المسعودي.

لأنهم ذربين ...

س/ ماهو انطباعك عن الحياة الماضيه والحاضره وماهي انطباعاتك عن المستقبل بصفه عامه ؟

الحياه الماضيه كل شي فيها جميل بغض النظر عن نقص في الأكل والشرب ,واللبس ..مستقبل زاهر باذن الله

س/ مارايك بالشخص الذي يسجل بعدة اسماء في المنتدى ؟ وماهو السبب وراء تصرفه هذا ؟

أتمنى ان يشفيه الله من مرضه الذي لا يختلف اثنان فيه...

س/ مارايك بالرجل الذي يسجل بأسماء فتيات في المنتديات والعكس بغض النظر عن الاسبااب ؟

رأيي انه عنده انفصام بالشخصية ...وماله ثقة لا في نفسه ولا في قلمه..


س/ هل تعتقدين ان قووة تخاطر الافكار بين الاشخاص قووه موجوده فعلا وبماذا تفسرين ذلك ؟

نعم موجوده ...أفكاري انا والهدبـــاء ...أقوى تفسير ^____^

س/ هل انت عادة واثقة من احاسيسك الباطنيه القوويه ؟

لأني ما عرفت اقرائه ما اعرف اجاوب.... السموحه ...

س/ اريد منك ان تصفي لنا الاسماء الاتيه :

الألم00 وخزة ابره تذهب مع مرور الزمن

الظلم00 قهر

الاعجاب00 نظرة قد تكون صائبة وقد تكون خائبة
الدنيا00 ( كل من عليها فان )

الدعاء00 تقرّب الى الله ...

الأم00 منبع الحب والحنان ..

الجهل00 قد يكون جهل علم وقد يكون جهل عقل ..

الشباب00 شباب الروح ...وايضا ..زهو الحياة

الفتيات00 الثمرات

الاغاني00 مزامير الشياطين


س/ مارايك بالفتاة التي تضع الايميل الخاص بها في توقيعها ؟

رأيي فيها مثل رأيي في الشاب اللي يضع ايميله
ْ

س/ عندما تحتاجين للحنان والبوح بما يخالجك من مشاعر واحاسيس وايضا مشاكل 00
ماهو ذلك المصدر الذي تشبعين منه احتياجك وتجدين انه الاقرب اليك طبعاُ بعد الله 00
هل هي الام ام الاخت ام الاب ام الاخ ؟

أكيد أبووووووووي فديته وأمي فدييييييتها ...هم كل الحنان والله ....



س/ عندما تضيق بك الحياة وتصبح بالنسبه لك ممله وتمرين بمشكله حرجه وتريدين من شخص ما خارج اطار عائلتك ان

يتدخل في الامر فمن يكوون ؟

الحمد لله أنا مااطلع خارج اطار اهلي حتى في مشاكلي لأنهم الأدرى بمصلحتي وين..



س/ ماهو العمر الذي تتمنى مشاعر الوصوول اليه وبلوووغه او الرجووع اليه ؟

العمر بالعقل وليس بالأعوام ..فالأنسان يهرم حينما يقف عن التقدم والتطور ...وعمري الذهبي امامي وليس خلفي : )

س/ اجمل احساس امتلك مشاعر وتتمنى لو انه لازال معها ؟


يوووووووووه اجمل احساس والله وياليت يعود


يوم اروح الحرم وأحب الحجر الأسود ...ولافيه أجمل من هالشعور وربي ..

س/ متى زارتك لحظة الضعف ؟

عندما احاول ان اخالف ضميري

س/ مارايك في الشات واتجاه الفتيات والشباب اليه بشكل جنووني وخصوصا خلف الكواليس وما يحاك خلفها ؟

لاتسألني عنها لأنني لست من رواده....

لدي الكثير من الأسئلة .. ولكن اكتفي بهذه الاسئلة لهذا اليوم

انتظري باقي الأسئلة

عاد عقب ذي اسئلة هلكتني يارجال

تحيـــاتي لك


تحيتي لك / مشاعر حالمه

[مشاعر حالمه]

الله يكون بعونك

اللهم آمين ^__^
وصراحة منور الكرسي بوجودك فيه

تسلم والله يالطيّب ..

انا عندي سؤال واحد

زين والله ...انت احسن من هاللي هلكوني والله ^__^

لمن تكتب مشاعر حالمة قصائدها ؟

اكتب لمشاعر حالمه ...لنفسي ...ثم لأبوي ولبعض المواقف اللي تحصل أمامي وأتأثر بها سواء جميلة او العكس ..

شكراً لك وشرفتني ...